منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
نظمت القوافي والمعاني قوية ساس=ولبستها من زاهي الشعر ملبوسي
تخيرت مابين الذهب والدرر والماس=وشيت بيتٍ مادفعنا بة فلوسي
علشان اعبر كل معنى على المرواس=واحط الهدف قدام عيني ومحسوسي
خلقنا على الدنيا سلاطين فوق الناس=واخذنا شهادة عز في كل ناموسي
كسبت الوفا والطيب والعز والنوماس=وراسي رفعتة ماتراخا عن الروسي
بذلت الجهود الي عددها بليا اقياس=ادور رضى ربي وربعي وحاسوسي
لاجل عزوةٍ بين العرب فعلها نوماس=لهم سلطة في كل ريس ومريوسي
ولاني بحاجة ماهراً فالبحر غطاس=أهوز البحر واسبح مع الغب واغوسي
ولاني منافق ياجماعة ولا هلاس=صدوق الكلام وراية الصدق قاموسي
وعلى مايقال افعل ويكفيك مدح الناس=تبي تنصفك لوكان ذموك الانجوسي
تحملت من قول البشر لين شاب الراس=واخذنا من الدنيا تجاريب ودروسي
ولاهمني من ينهش بجسمي الحساس=ضعيف الروابع بالقدم راسة ادوسي
يبث النميمة والمشاكل لها قباس=ويشذب قفا المسلم بزور وناحوسي
احد قسمتة فالطيب واحد(ن) جنا الافلاس=وحد هامتة ترفع وحد راس منكوسي
وانا عارفٍ قدري لاكن الرخوم أخساس=عليهم من الله لعنة البوذ والتوسي
غير متصل
