يا النايف انته هنا

[ابن جمل]

يا النايف انته هنا والله يجيب المطر= الله يجيب المطر يا النايف انته هنا
لو هي تجي با المنا منزلك حول القمر = منزلك حول القمر لوهي تجي با المنا

[راس النـــــايف]

على الشقا والعنا يرضيك حكم القدر= يرضيك حكم القدر على الشقا والعنا
بالسيف والا القنا لي منزلن معتبر= لي منزلن معتبر بالسيف والا القنا

[ابن جمل]

يا فقر مدري غنا وش لون طعم السهر = وش لون طعم السهر يا فقر مدري غنا
النور خلف السنا والعصر غير الضهر = العصر غير الضهر والنور خلف السنا

[راس النـــــايف]

صدري عليك دهنا ياللي طمرت الشجر= يالي طمرت الشجر صدري عليك دهنا
الهدم عكس البنا والذل عكس الضفر= الذل عكس الضفر والهدم عكس البنا

[فتى العزه]

الله الله

ابداع

ابن جمل

راس النايف

صح لسانكم


ونا في صف راس النايف


الليل الليل

ياسبيع

[راس النـــــايف]

صح بدنك يافتى العزه

تعز الصف الي انت فيه

[ناصر الغضروف]

ماشاء الله ماشاء الله

ابن جمل

وراس النايف

ياسلام ياسلام وانا اقول ليش ................. الحين عرفت ياراس النايف

بس انا في صف راعي العجرى من عقب فلقته لي وانا ماعاد اعارضه

معك معك يابن جمل وماسك صفك

[راس النـــــايف]

صح بدنك ياناصر لو ماقلت صح لسانك

ماعلي منك مادام فتى العزه في صفي

[ناصر الغضروف]

المشاركة الأصلية كتبت بواسطة راس النـــــايف

صح بدنك ياناصر لو ماقلت صح لسانك

ماعلي منك مادام فتى العزه في صفي

صح السنتكم جميع

والله يقنيك بركته

[ابن جمل]

مقبل لو تذمنا يا اللي تقود البشر = يا اللي تقود البشر مقبل لو تذمنا
والنقص غير الثنا وطويق كله حجر =اطويق كله حجر والنقص غير الثنا