منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
قال سالم بن مشعان من بني عامر من سبيع هذه الأبيات :
يا عويمر وأرتحل فوق المعنـا=ما عليه ألا أنت والخرج وزهابه
البرابـك والشماليـل إمتلـنـا=زين هجتهن عليهن من غبابـه
لا هدر فيهن الجمل ثم شوّشنـا=كل ملحاً شوّلت بـأول ضرابـه
ربّعن ثم صيّفـن ثـم استونـا=وردن عدٍ لهـن حلـوٍ شرابـه
جعل غمرٍ باعهن يوم استونـا=جعل أهل بيته يقفونـه ثيابـه
ثم جاراه الشيخ محمد بن جعوان العريني بهذه القصيدة :
يوم ابن مشعان يلعـب وايتمنـا=قدّم المجهم على المغتـر جوابـه
الطرب شقـحٍ يباريهـن ضعنـا=يوم جاء للورد هوبـال وضبابـه
زينـة الخرطـوم ناتبهـا فحلنـا=هزعةٍ باسناد مـا فيهـا حدابـه
زين بالطرثوث لا قامـت تحنـا=في سنامٍ مثل نصبٍ في سحابـه
من شرى ساقان قادن وأشملنـا=من حدود العرق إلى صلب اللهابه
قدمها العسّـاس وبيـوتٍ تبنـا=تتبع السبعان ما تطرى المهابـه
وفي ذرانا راعي الصالـح تهنـا=الطرف ترعاه لو بيّـن الحرابـه
كـم شجـاعٍ لا بلانـا وامتحنـا=في مداس الخيل تأكلـه الذيابـه
وكم خلوجٍ مـن ركايبنـا تحنـا=من حلال القوم والطمعة كسابـه
وكم هنوفٍ مـن سبايبنـا تونـا=تبكـي الغالـي خطيـرٍ من صوابـه
وربعي اللـي كامليـنٍ كـل فنـا=لا زبنهم جاليا تضحـك أنيابـه
تحياتي لكم جميعا
ان شاء الله
التعديل الأخير تم بواسطة ابن جعوان ; 04 - 11 - 2008 الساعة 20:52
غير متصل
الطرب شقحٍ يباريهن ضعنا - للشيخ محمد بن جعوان
