(((( *** ((( درة الكــون ))) *** ))))

[مسعود الحويزي]

السلام عليكم

هذه الابيات المتواضعه بمناسبة افتتاح منتديات محافظة مدينتي الغاليه مدينة الخرمه

حبيت اتغزل فيها بهذه الابيات البسيطه

آمل من الله ان ترقى الى مستوى ذائقتكم العاليه وقبولها كما هي :

سلام يامُنتدى ... سلام يأعضاءه = يامنتدى من سكن في داخل (إ)فوادي
الخرمه اللي سماها الطيب بأسماءه = المسك والعود والريحان والكادي
الديره اللي غلاها شيّد إنشاءه = تاريخنا اللي مضى تاريخ الاجدادي
والجد ورث غلاها لآخر ابناءه = يمشي بدمه غلاها غصب وعنادي
يادرة الكون يانوره ويا أنحاءه = انتي هوايه وحبك غاية (إ)مرادي
فيك اتغزل وفيك احس بنماءه = الشوق في كل ساعه منك يزدادي
يالايمي لا تلوم القلب وإذاءه = ماهوب يسمع ولا تقدر على (إ) بعادي
يموت قلبي ليا صديت وإحياءه = في كل مره اجيها يوم ميلادي
لاشلت همي وضاق الصدر بأعباءه = نسمة هواها علاج الهم واسعادي
اشرب غلاها بكاس الحب وإيناءه =واذوق طعم الغلا فالشرب والزادي
مثل السفينه بوسط الصدر وأحشاءه = تلعب على الموج لعب الطائر الشادي
الجوف كله لها والقلب ميناءه = ماحد (ن) سبح في بحرها وجوها الهادي
ترسي على قلبي اللي داخل ارجاءه = حب(ن) حقيقي تجاوز حده العادي
الروح من بُعدها بالبُعد مستاءه = الله يعزك ودآم الخير يابلادي

وسلامتكم جميعا ً

[عجمي رخم]

صح السانك والله يعز الخرمه وهلها ويسقيها الغيث ومبروك علي الافتتاح

[عبيد ابو شيبه]

الله الله الله



اخوي مسعود الحويزي بيض الله وجهك على هدرر الجميله والمعاني الساميه الي مليانه جزاله والخرمه


تستاهل والنشاما الي فيها مكرمين الضيف والجار وصح السانك


ملاييييييييييييين

[فـــالح السبيعي]

كعادة الحويزي تجذبه الذكريات الجميله

لدار الآباء والأجداد

الـديــره الـلــي غـلاهــا شــيّــد إنــشــاءه
تاريخنـا الـلـي مـضـى تـاريـخ الاجــدادي
والــجــد ورث غــلاهــا لآخــــر ابــنــاءه
يمـشـي بـدمـه غـلاهـا غـصـب وعـنـادي
يـــادرة الـكــون يـانــوره ويـــا أنــحــاءه
انـتـي هـوايـه وحـبـك غـايــة (إ)مـــرادي
..
..
إلى أن يقول:
..
ترسـي علـى قلبـي الـلـي داخــل ارجــاءه
حــب(ن) حقيـقـي تـجـاوز حــده الـعـادي

صح لساااانك يابوفهد

مبدع ورااائع وبيض الله وجهك

قصيده جميله من شاعر عذب شهادتي فيه مجروحه

وغزل جميل بحبيبة الجميع مدينتي ومدينتك الغاليه يابوفهد

وما أجملها وهي تتراقص بنخيلها أمامنا حينما يكون الشوق لها

قد تجاوز حدوده الإقليميه............................

خالص المحبه يالغالي,,,

[راشد التوم]

ياشيخ الله يسعدك صح السانك


يالحويزي وتستاهل ديراتنا الغاليه الخـــــــــــــــــــــــرمه


شكرااااااا لك

[مسعود الحويزي]

المشاركة الأصلية كتبت بواسطة عجمي رخم

صح السانك والله يعز الخرمه وهلها ويسقيها الغيث ومبروك علي الافتتاح

اشكرك على مرورك وصح بندك

والله يسمع دعائك ويتقبل منك

وبارك الله فيك اخوي

ولك مني كل الشكر والتقدير

[أبوعبدالله]

صح لسانك يا ابو فهد

قصيده وافيه من رجال وافي

تقبل تحياتي

[راعي مرات]

مسعود


لله درك


وعلى البركة المنتديات


صح لسانك

[منصور الحري]

لاهنت وصح لساااااانك

تحياتي

[مسعود الحويزي]

المشاركة الأصلية كتبت بواسطة عبيد ابو شيبه

الله الله الله



اخوي مسعود الحويزي بيض الله وجهك على هدرر الجميله والمعاني الساميه الي مليانه جزاله والخرمه


تستاهل والنشاما الي فيها مكرمين الضيف والجار وصح السانك


ملاييييييييييييين

هلا والله ومرحباااا ملاييييييييين

وجهك ابيض طال عمرك

صح بدنك واطرائك ومرورك وسام على صدري

تقبل شكري وتقديري