ياوليفـي دمعكـم فـي غيابـي ردّ لـي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّـت فـي حشـاي
والله انّ كبدي عليكم عراويهـا أضمـيّ
والمشارب غير هرجتك ماتقطع ضمـاي
كيف تستغرب بطاي ومجييّ يـوم أجـيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلىشوّي
مـرتٍ أشلـى ومـرٍ يعاودنـي بـلاي
وأنت سبّة كلّ شـي ولا داويـت شـيّ
كيف ياقـادر علـى داي ماتقـدر دواي
بعد مـا شتتـوّ الفكـر وأخليتـو يـديّ
كثرت أعلوم الشماميت وأفرحتو عـداي
مابعد جاني من يوم التقـو بـي والـديّ
ولابعد مرّ المحبين مـنّ حـوّاء وجـاي
لوّ خبر به حيّ يبكي على فقـدان حـيّ
كان يمدي من عرفني يشاركنـي عـزاي
جعل يسقى يوم كان الهوى ماغير غـيّ
فأول الرحلـه مثـل مبتـداك ومبتـداي
ويش أسوي ياعيون الوحش عنق الغزال
لاحصل طاريك يفتح على قلبـي أرواق
لي ثلاث سنين بين الحقيقـه والخيـال
وأخر اشهر ذالسنّه تكمل الرابع غـلاق
شبه وضحاّ فالمخاضير زاويها الحيـال
من غلاها عند أهلهـا تبـارى ماتسـاق
تيهّت من صغرها بيـن ثنتيـنٍ هجـال
مهتويها راعيّ البل وعاشقهـا عشـاق
عنديّ إنّك ماخذٍ تـاج ربّـات الجمـال
سلموّك الحسن من باب صنعاء للعراق
الجهاله فـي ابـن آدم توليـه الدبـور
لوطريقه غـادي يحسـب انـه متجـه
عنده ان مامثل شوره مع الاشوارشـور
مادرى انه له مـزاج وللنـاس امزجـه
يمكن ان تلقى مـزاج يبادلـك الشعـور
لو على فلم الشطـاره وفلـم الدبلجـه
واخر المشوار لا حصلت مافي الصدور
كل زور فيـه شوراليـا فـاق اهرجـه
القمر والشمس كنها تسلف منـه نـور
والجبال اتصير تحته خيـول مسرجـه
يحسب ان معه افضليه توليـه العبـور
ان لقاءالملح ازعقه ون لقاءالحلواسمجه
السماء عجزت تنوشه جناحين الطيـور
ماوصلـه الامحمـد ابليلـة معـرجـه
يا ابـن آدم يلعـن الله مختـال فخـور
من تواضع تحت ربـه يعليـه ادرجـه
لجل ماتدخل جهنم على شـان الغـرور
للعرب حاول تواضع وتعطيهـم وجـه
من لقا عذب المشارب ومثمرة الزهـور
ما قعديغرف من البحرويسوق احدجـه
من قلبـي اللـي دايـمٍ فـي ذهـول
والله انـه ثقيـلٍ ليـن جـوه الثقـال
ياقطـاة العبيـه ياهـيـام الـذلـول
ياعيـون النـداوي يارقبـة الغـزال
نور وجهك على من شاف منك القبول
نور صبحٍ تبسم فـي رهـاد الجبـال
كني اقرا على طُـرّة جبينـك تقـول
انـا قلبـي يحبـك ياحبيبـي تعـال
كان قدمي حدٍ فالحـب راح مهبـول
والله انـه خطيـرٍ لايجينـي هبـال
المحبـه جملهـا مرسـلٍ ومعقـول
نعنبو من يقـول ان المحبـه خبـال
والذي ليلة الاسراء عرج بالرسـول
ان حبك لحال وحب غيـرك لحـال
البارحـه يـوم الاوادم خواشـيـع
في نومها وناعلى الكـوع واعـي
هم(ن)يمزع ستـرة القلـب تمزيـع
تقول ينهش ثومـة القلـب افاعـي
خذت القلم من بين روس الاصابيـع
وحبيت اميـز سيرتـي وانطباعـي
عزلت من صدقـان عطلةالاسابيـع
وعزلت من ضحك الوجيه الصناعي
وعزلت من بنين بامالـي مشاريـع
جميد برد ولانس الشمـس ماعـي
وعزلت من زرع الخلـي البلاقيـع
وعزلت من رفـع الثنيـه رباعـي
من نفعـة اللـي ماطلبنـي منافيـع
جميلة(ن)في غير اهلهـا ضياعـي
في اسواقها ماعاد لشـري ولابيـع
لخطيت من رفقة طويـل الذراعـي
اللي على الرفقـه يسوقـه دوافيـع
هـذاك تشـرى رفقتـه ماتباعـي
امايشجعني علـى الطيـب تشجيـع
والايعلمنـي حمـيـد المسـاعـي
والا ليامنـه رمعـنـي روامـيـع
وضاقت على كل الفجوج الوساعي
جيته ويسرلي عسيـر المواضيـع
وخلاخفايا خاطـري لـه وساعـي
معرفتـه ماهـي معرفـة طماميـع
ماتنتـج الاالغطرسـه والضياعـي
يامل قلب(ن) تقول يقلا على صيـخ
خلت به الدنيا حـزازات ومشـوخ
دنيا تنـوخ راعـي العقـل تنويـخ
وينداش فيها صاحي الفكر ويـدوخ
تغيـرو فيهـا العيـال المطانـيـخ
وسبابها شمل العرب صار مشلـوخ
خلتهـم الدنيـا مناشـف طبابـيـخ
حتى الاقارب بينها الذيب مصلـوخ
ماعاش فيها الاأعيـال الطخاطيـخ
خطوا البعير اللي من المدح منفوخ
من شان ماله صار شيخ ولد شيـخ
وامشيخٍ نفسه على النصب والجوخ
بالحكـي لعتـازوه ويـاك مريـخ
وليا جاء لزومٍ عندهم صاروا فروخ
وعقد الذهب والجوخ لو يكسي الذيخ
ماغير اسمه لاجواهـر ولا جـوخ
ياكبديّ الليّ من الحرمـان منهشمـه
فيها مـن العـام نجـارٍ بشاكوشـه
والليّ هشمها شفاتٍ دونهـا حشمـه
أرهى على الليّ تبي نفسي ولا أنوشه
حجزٍ يرّد الرجاوي من ورى خشمه
وأنّ رده الحجز والاّ ضاع فالطوشه
عمّر بيـوتٍ علـى بيبانهـا رشمـه
وبطونها بأفخـم الشيـراز مفروشـه
انا يوم اجيّ وأمركـم ياوليفـي حنـج
ولا وديّ أقرابـك تلـدّ النظـر فـيّـه
لعبّ بيّ غرامك فالخفا لعبة الشطرنـج
ليا دار لعبه بيـن الأعضـاء السياسيـه
وسبح بي غرامك سبح موج البحر فاللنجّ
غفلت وغدابي حبّـك شويّـه ..شوّيـه
لاشفت زولك قام يدخل أعظامـي بنـج
أسولف مع العالـم وقلبـي لـه نحيّـه
ياعيون مرقـبٍ فعـل الجدايـر
في صعانين الطوال المستديـره
صاحبك يعطي على شوفك بشاير
ديرةٍ منتـو بهـا ماهـي بديـره
من خذا منكم خفيّـات السرايـر
والله انّ يبطي ولعكم في ضميره
لبـةٍ بيـن المعنّـق والزرايـر
مثل شمس الصبح قدّام السفيـره
ويتفرشها من الخمـري ستايـر
ذيل شقراّ شعشعت قدم المغيـره
جوهرة قارون غاليـة التجايـر
أشهد انّك بهجة العمـر الكبيـره
واحدٍ حضّك مع حضّـه يسايـر
شايفٍ القدر فالعشـر الأخيـره
جعل أبو من لامني حمر المناير
في محبّة واحـدٍ مالـي بغيـره
انا الليّ همومي صايراتٍ عليّ كدر
لوّ انها تحوّل فوق غيري فقد عقلـه
لامنه اشتغل موضوعها داخل الصدر
تقلّ فايزٍ وسطه فريـقٍ يصفـقّ لـه
على الصاحب الليّ مانويناه بالغـدر
شفوقٍ عليّ وانا ماغير أتشفـقّ لـه
بنا بيت حبّه فالحشا واسس الجـدر
وخلاّ معاليق الضماير تخافـق لـه
غير متصل
