حبيت ان اقدم لكم اليوم ديوان للشاعر الرائع بندر بن سرور .
قبل كل شي يجب ان نضع نبذه للشاعر الغني عن التعريف
فهو بندر بن سرور بن خضير القسامي العتيبي .
ولد في القرارة التابعه لمحافظة الدوادمي في عام 1360هـ
ولقد عاش بندر حياة عانى منها الكثير من المشاق لانه فقد والده وهو في سن صغيره ثم ارتحل وعاش مع زوج امه الى ان كبر واعتمد على نفسه والتحق بالعسكريه وتوظف في الجيش السعودي .
ثم انتقل الى جوار ربه عندما كان ذاهبا الى احد اصدقاءه خارج منطقة الدوادمي رحمة الله عليه .
هذه من القصائد المشهوره والمليئه بالحكم لشاعرنا..
يالله يـــا جـــال الأمـــور iiالـمـهـمـة * تجلـى وهـق قـلـب بــرى حــال iiراعـيـه
الـبـر دجـتـه و البـحـر رحـــت iiيـمّــه * أدرج سـبـب حــظ عـلــى الله iiمسـاعـيـه
يـوم إن ولـد الـلاش رزقــه عـلـى iiأمــه * رزقـي علـى اللـي مـيّـت القـشـع يحيـيـه
مـانـي وانـــا بـنــدر بـبـيـاع iiدمـــه ** يقطـعـك يــا بـيّــاع دمّـــه و iiمهـفـيـه
الـلــي يـبـيّـع لابــســات iiالأزمــــه * * ثــور يـبـي بـيـض العمـاهـيـج iiتغـنـيـه
يـزعـل لـيـا جــت ليـلـة الــدول iiيـمّـه ** يـرضـى بـسـوق الـمـال بأخـيـه و iiأبـيـه
خـطـو البخـيـل الـلـي يـكـبّـر مـعـمـه ** يـقـرا الـكـتـاب و واجـــب الله iiمخـلـيـه
أمــا هــرج لــه فــي رفيـقـه بـنـمّـه ** والا عـطــا و أمـــه تـضـيّـع هـقـاويـه
يـا مــل قـلـب كــل مــا مــات iiهـمّـه ** دارت دوالـيـب الـدهــر لـيــن iiتحـيـيـه
فــرّاق شـمـل الـنــاس عـيّــا iiيـلـمـه ** وقتـن يشيـب الــراس مــن شـايـة iiفـيـه
أحــدن يـنـام و حــط راســـه iiبـكـمـه ** و أحــد تـخـم الـنـوم عيـنـه و iiتخـطـيـه
و أحــدن يـحـاول بـالـردى بـنـت عـمـه *** و أحــدن يـحـاول سـتـر عــذرا iiعوانـيـه
تـخـالـف الأنـظــار شـرقــن و iiيـمّــه ** كـلٍ هـدف رايــه مــن الـنـاس iiمرضـيـه
أنـشـدك يـالـلـي كـــل شـــي iiتـتـمـه ** تـقـرا الكـتـاب كــل فـــرض iiتصـلـيّـه
ويــش القلـيـب الـلـي عمـيـق iiمـجـمّـه ** مـا سـرّ غـرسـه مــاه عطـشـى iiسوانـيـه
سـم السـبـب يــا عـارفـن عـنـه iiسـمـه ** سـم السـبـب يــا عـارفـه قـبـل اسمـيـه
وهذي رائعه اخرى من روائعه
-
ياسهيف الذرعـان مانيـب مرجـوج
رجتنـي الدنيا بغــدر وحيـلـه
يابنت لولا اللي على تاسـع الفـوج
تركـت نجـد وعــزوة بالقبيـلـة
لاشك حاديني علـى نجـد هـادوج
مسقي الفيافـي ليـن يـدرج مسيلـه
تركي ليا مـن الليلـي غـدن عـوج
حملـة عتيـبـة كلـهـا ماتشيـلـه
يرسي كما ترسي البواخر على الموج
ومنيـن ماصـك البحـر يرتكيـلـه
مادام تركي حي ماودي أدوج
وإن غاب غبت من الرجوم الطويلة
وهذي قصيده اخرى
-
من بلاد الشام جينا بالمكينة ... فوق فرتٍ ما تخثع بالطماني
يحتدي مثل الجمل تسمع رطينه ... مع طمان القاع مثل الثعلباني
والشـُفير من المدارس مطلعينه..عن ظلام الليل شب الكهرباني
كل ما جاه تل يلعن والدينه... باليمين اللي على كل اليماني
ما تجيه يسار رجله شوف عينه..غير يسرى الطار شيٍّ بالاماني
يوم قال له الخوي عاشت يدينه..شد رجله للكمك واحد و ثاني
يالله انك تنصره من نصر دينه ... إن عطى له مع غبا ولا بياني
قلت يالمطنوخ أنا عيني حزينه..من شراب اللف أبيه وعنك كاني
قد رمى بالكيس قدمي قال وينه..دوك ما بالجيب عن شيٍ لهاني
قلت ثالث قال يالله لا تهينه..قلت خامس قال يطلب نقل ثاني
قال واحد و الكمك واسمع حنينه..كيف ما ترضى عليّه بالهواني
قلت واحد و الكمك ضام المكينة..قال لي من يرحم القاسي لياني
قلت والله يرحمونه صانعينه..قد زعلت من اللهيب اللي حداني
قال ما ناثق بمن هم متقنينه ... عن مشاور غير عرفي قد كفاني
قاطع عرقين مادري وين وينه..قد وصلت الأرض واسمع صوت ثاني
قلت دوك اللف خابوا شاربينه..غطّني عن شوف شي ما خفاني
شي بقلبي واهجه مستمري **لولا ازرق الدخان يطفي لهيبه
سلط على الدخان لو هو مضري ** له حزة عند احتكام المصيبه
وأنا الذي ماابدي على الناس سري ** من خوف سودان الوجيه تحكيبه
اصبر على ضيم الدهر والتعري ** من شان من يرضى على الغليبه
وابعد مجالي عن عيال التزري ** من لاهو قلبي دواه المغيبه
اخاف لي من مجلس ما يذري ** في جانبه بوم حساسه صليبه
سوالف مابين تجحد تقري ** يجرح فؤادي عية وابتليبه
والله خلق بالكون لي ثلث بري ** يكفن ثلثين البحر ويش ليبه
وإليا بغيت الدرب ما نيب اطري ** امس للفرجه حبال النجيبه
واقطع تهاتيه الخلا بالتجري **واللي يجيبه والي الامر اجيبه
يرضيني المقسوم خير وشري ** سبحان من لا تعلم الناس غيبه
احد على ربعه يحب التحري ** للشر بلاس وخيره بجيبه
هذاك انا يالربع منه متبري ** لو عظني ناب الدهر ما انتخيبه
من خوف يضحك لي وهو يستغري ** يفتل حبال السوء ما يندريبه
يفرح على بكل شر يمري ** وان شاف يمي خير عني انهيبه
وهذه أحدى قصائدة :
عز الله إني جزت عن كل ما أقول
ــــــــــــــــــــــ لاشك ردتني على القول ضيحه!!
لا يا عيون اللي ليا صك بالجول
ــــــــــــــــــــــ منه أبرق الجنحان عجل مطيحه
يا عود ريحان رفع غصنه الطول
ـــــــــــــــــــــ بستم قليبه ما يهون ضبيحه
يوم استوى عوده على داير الحول
ـــــــــــــــــــــ عجوا به التجار من زين ريحه!!
يا شيخة الخفرات بالزين وادلول
ــــــــــــــــــــ من مات من سبتك ربه يبيحه!!
قصيدة أخرى للمبدع بندر بن سرور
ألا يا وجودي وجد من صك دونه باب
بقفل أعجمي مغلقات مساميره!!
عَدَو به على اللي كنه النسر بالمرقاب
على الجمس الأصفر كاملات شراشيره
معه فرت خمسة طن ياخذ مية ركاب
من المال عيّن ينقلنّه تغاييره
دخل هو و حِمله للحكومة بغير حساب
و راعيه عشر سنين و يعاد تقريره
على اللي كواني كيّة العظم بالمشهاب
على أقصى عراوِ القلب محمي مناشيره
عشيري ورا الكوده وانا من ورا مشعاب
بعيد قريب تعيب يا هون تيسيره
ولا يوصله كود " فرت " عليه اسطاب
ليا حاسب السوّاق تقدح مواخيره
صنايع بياطير الكفر لابسين الكاب
عصاة اليهود اللي مشاريبها البيرة
ألا واهني اللي عن الحب ما قد تاب
وأنا تبت عنه وعدت له يا الله الخيرة!!
قصيدة أخرى
سرى البارق اللي روس مزنه تنصت الغال
على هجرة ابن سنون وادني الشبيكية
على شان حصة جعل يسقيهم الوبال
إليا عودت مالي ومال الحبردية
تتل الضماير تل غرب على محال
تصافق به الجيلان ملح اجماليه
اليا نقضت شقر على ردفها ميال
تخابط سبلهنه مطارق شراطيه
ألا يا عيون اللي مواكيرها بالخال
توايق رقايب نجد ما هيب بحرية!!
قصيدة أخرى
ــــــــــــــــــــ
أنا الذي ما ابدي على الناس سرّي ... من خوف سودان الوجيه تحكي به
أصبر على ظيم الدهر و التعرّي ... من شان من يرضى عليّ الغليبة
و ابعد مجالي عن عيال التزرّي ... من لا هوى قلبي دواه المغيبة
واخاف لي من مجلسٍ ما يذرّي ... في جانبه بومٍ حساسه صليبه
و سوالفٍ مابين بحث و تحرّي ... يجرح فؤادي عيّه و ابتلي به
يرضيني المقسوم خيري و شري ... سبحان من لا تعلم الناس غيبه
أحدٍ على ربعه يحب التحري ... للشر بلاس و خيره بجيبه
هذاك يالربع انا منه متبرّي ... لو عضّني ناب الدهر ما انتخي به
من خوف يضحك لي و هو يستغرّي ... يفتل حبال السّوْ ما يندري به
يفرح عليّ بكل شيٍّ يمرّي ... و ان شاف يمّي خير عنّي نهيبه
قصيدة أخرى
ــــــــــــــــــــ
راكب اللي مخ رجليه خنزير و هوا ... أشهب في مقدمه باقين و عكس تاج
متر في مترين مستبرم كله سوا ... حايفه حطاب ما سمكره راعي الكراج
إن نعشته بالثلاثة مع اللفة عوا ... عوي ذيب محتدينه مربية النعاج
ثابت ما يختلف كلما لف إنزوا ... و ارتفع ثم ارتخى مثل طايرة المراج
كن ضرب المرو في الويل قدام و ورا ... ضرب هملول البرد و ان تقفاه العجاج
منوة اللي مشفقن لهله و لهم نوا ... من بعد طول المسافة يبي فلّة الحجاج
قصيدة أخرى
ـــــــــــــــــــ
الا يا نديبي فوق دوج عليه شراع ... ما قال انفخ التشريق جا في مواصيره
ليا هبّت العليا و قام العجاج و راع ... يهيضك مع السكة تثاوع معاصيره
صنايع يهودٍ لا يبدّل ولا ينباع ... يقربك من دار و يقلعك عن ديرة
بعد طلّعوه مجَيّكٍ ما يبى المرجاع ... سمع من وراه الفوج غنّت مواطيره
ليا دق سلفه قام حسّه يرجّ القاع ... ما جاه المعاون يشتغل في مساميره
عطاه الثنين و زاد له بالأبنص و فاع ... رزيمه رعد مزنٍ تهلّع دناقيره
خرط له بثالث عقب نشّه بعزم و زاع ... و شتل له برابع ما يضيّع تغاييره
يا شال عزمه ريّحه وامنٍ مارتاع ... مسك مع يمين الخط و يلدّ لانبيره
قصيدة أخرى للشاعر بندر بن سرور أيام تهريب الدخان (خطير)
يهربها للوديان الخرمه ورنيه
ــــــــــــــــــــــــــــــــــــــــــــــــــ
ــــــــــــــــــــــــــــــ
اشرب من ابو بس و أنسها نس ... نس المهرب مع خطوط الجزيرة
ليا من عطى له ثالث قام يضرس ... خفر السواحل في طريقه خطيرة
شدة قصير ولا يمر المهندس ... توّه جديد و عالمٍ به خبيرة
يسري من الحدّين و يصابح الرس ... عليه بندر ما يخونه ضميرة
جاب البضاعة من مغانيه بالدس ... ماهوب شاةٍ ميتة في حظيرة
يالله يا منشي السحاب المطمّس ... تفرج لمن مثلي عيونه سهيرة
قصيدة أخرى
ــــــــــــــــــــ
عز الله انه هال ما طال يا سعيد
زل الشهر والوقت طوال بديده
اللي من اول للخلايق مواسيد
أسقي غرير الهم لو يستفيده
قم يا رشيد الحق واقول يا رشيد
الله عليك انت من ايا بديده
اما البديده منك عند المواعيد
ولا همومك من حياتك زهيدة
ابستفيدك كان جربت افيد
تنام واسمك حول الاسمر رشيده
لي قصة يشهد بها راضع الديد
يعدها غيب السراب الطريدة
طويلة عريضة بالتماجيـــــــد
يفرح بها الطيب فعول مجيده
طويلة عريضة بالمناقــــــــيد
يفرح به النمام شين العقيدة
جار الزمان وعاونوه الحواقيد
اللي لهم من قبل ذلك حقيده
يا رشيد يوم اتعبتني بالتناشيد
خذ لك من الدرويش زبدة قصيدة
واليا ذكرت الله وكثرت تمجيد
ترى محمد صفوة الخلق سيده
ترى ابرك الحزات يوم صدف عيد
جمعة اسبوع وصادفت يوم عيده
أذكر الاجواد صد وصوامــــيد
وانذال لا صدوا ولامن صميده
واذكر لك اقشر ما على السيد والبيد
اللي طمع بنت القصير الحديده
فضحه قصيره عند انه اكسب فيد
سوالف بها للناس خطو البليده
سولف بجرح سال جرحه تضاميد
زود لجرح الجرح ينزف صديده
من لا ستر خلات غرات اجاويد
هـــــذاك نقال الخبيثات بيده
وليا وطاك اللي وطاني تراديد
رد السؤال ولا تحير بريـــده
وانا الذي قد مرني سلك تجنيد
خــــــدمت به عدة سنين مديدة
مرحول هم وكل شي احيــــــــد
احيد زين وشين والهم احيده
اسمع صرير القلب بين الحواديد
حدنه الاضلاع واسمع رديـــده
والله مأهني قاضي العمر ترغيد
ابن الئيم اللي حياته رغيــــده
أهني الكلب الحجل بالمراقيد
وضب الخلا لو كان ياكل رديده
وسلامتكم
غير متصل
بند بن سروررررررررررر ؟؟؟
