سلطان الحضبي

[سليل الحضبي]

انا متأكد اخي العزيز وهو مع عتيبي ولقبة الشغــــــار والله أعلم

[مسواط العجاج]

المشاركة الأصلية كتبت بواسطة سليل الحضبي

انا متأكد اخي العزيز وهو مع عتيبي ولقبة الشغــــــار والله أعلم

كفؤ يا سليل الرجال الكرام وهذأ حسب الأمل

تحياتي

[معلا]

السلام عليكم

اولا : اشكر (ابو عمر) على فتحه دوماً لمثل هذه المواضيع و اثنّي بالشكر للأخ (تين) لإجابته على تساؤلات ابو (عمر) و ذكره لجزء من تاريخ علم من اعلام بني ثور.
ثانياً : اطلب من الأخ (تين) ذكر قصيدة الشاعر (غازي بن عون) التي ذكر منها البيتين التاليين:

الخيل من صوته يجيها ذعارا،،،،،،،،،،، لاكثرت العزوه بساره وسرا
من شجرة الغلبا حصون الديارا ،،،،،،،،،،حطوا جوانبها مزارع وبرا

وعندي إستفسار ارجو من الاخ (تين) ان يتفضل بالتوضيح.

(لاكثرت العزوه بساره وسرا)

اظن ان سرا فرس (منير الحضبي) ويحق له ان يعتزي بها.

فهل (سارة) ايضاً كانت عزوةٍ (لمنير) او ان الشاعر ذكر في قصيدته فارس آخر من بني ثور ؟

[عبدالله الحضبي]

جا من سلايل محتمين الثبارا = خط يراعه بالمناجاه صرا
جاء من حفيد منير ستر العذارا= مفتر عزوم اللي بنفسه يورا
الخيل من صوته يجيها ذعارا = لاكثرت العزوة بساره وسرا
من ابو سنون ليا شمال الزبارا = في ظلهم يكبر ظهر كل عرا
ولا يجهل فعول القروم الدجارا= ياكود من يجهل جمادا وغرا
امجادهم تشدي علم فيه نارا= او برق غيث تالي الليل سرا
حرار مافيهم فصيلة وكارا= والحر ضار بالفعل مايضرا
واللي عن الامجاد صدوا يسارا= زاد اليرا في مدحهم مايجرا
المدح فيهم لو يضير ضيارا= ينفر ولا يلزق بهم لو يغرا
وسلطان لجدوده تقفا الاثارا= ونهج على منهاجهم واستمرا
وارسلي اللي مثل سور الحوارا= مشاعر داخل غلاف مزرا
والكاشفه واللي عليها ستارا= تراه يعرف سنها من تفرا
وبعد فلقت اصداف لول المحارا= ديد الشعر من زايد الشوق درا
وماحزت من صيده بعد ماستذارا= لعله يناسب لسامع وقرا
ويوم ابن مقعد خصني مستشارا= يقول في تالي الدهر وش نورا
وجهت نظرنا ماعليها غبارا= بيضا جليه في طرفها تمرا
الوقت ياسلطان ماله قرارا= من خلقة آدم بين سرا وضرا
مر لهل البحرين فيه انتصارا= ومر النصر لهل الزبير وسامرا
واللي حمو بالسيف بيض الحبارا= على بقايا آثارهم ماتمرا
قد جالهم عز طويل الجدارا= ودار الدهر وانهار ساسه وخرا
واليوم حنا في رخا وازدهارا= في بيت عز بالشريعه مذرا
بحكم هل العوجا طوال العمارا= فامن وفي نعمه وسرا وقرا
وان كان حسك من زمانك ضرارا= فاسمع بعد جا للسوالف مجرا
ترى الشدايد للرجال اختبارا = والجايزه للي على الجود اصرا
كم ناس اطوال عراض كبارا= وسمان لكن فالشدايد تهرا
وكم واحد بالصبر مثل الحجارا= لو ظرفه ادها من ظروفك وامرا
لكن عليك الصبر والانتظارا= واللي يبر بوالدينه يبرا
والعز لو داره بعيد المزارا= اجعل ديار دون داره ممرا
وشم للعلا واسلك شريف المسارا = لاتنزعج من قول فاجر وبرا
ولدري ولو دار الفلك واستدارا= وشفت السعد حدرك فراشه يشرا
ودنياك ياسلطان خيبة دبارا= ممر مالحدن عليها مقرا
ويكفي عن طوال الكلام القصارا= وتكفيك الاشاره ليا صرت حرا
واختم كلامي بذكر منشي الثمارا= الواحد اللي في عراه انتعرا

[الرايق]

[معلا]

بيض الله وجهك و وجه الشاعر
جوابك كافي و وافي
و مشاركاتك دائماً مفيدة و ننتظر من اكثر..

[النمر]

ردود وافيه ومشاركه تضيف للمعلومات الكثير.

[فهد الحضبي]

السلام عليكم
التحيه لأخواني واخص تين المعلومه اللي ذكرها اخوي سليل الحضبي صحيحه وهي في مجلس للعتبان وقال واحدن منهم من يشرب فنجال سلطان الحضبي فقال الشغار انا اللي اشرب فنجال الحضبي وسرى من ديرته يريد
قتل سطان الحضبي ولا لقاه وخذا ابله وسنع العلم سلطان الحضبي ولحقه وحط الشلفا برقبته وقال ترى يالشغار
قال ارى يالحضبي وقالوا الربع وراك يالحضبي ماذبحت الشغار ورد عليهم سلطان الحضبي وقال هذا الشغار اللي شرب فنجالي والله ماتجيب البيض مثله وهذي السالفه مؤكده
وانتظروا الجديد

تقبلو تحياتي اخووكم فهد الحضبي

[محمد بن سلطان]

استاذي تين ..

لا هنت على ايراد هذه العلومات وتذكرينا بافرسان قبيلة سبيع ..

والله والنعم بالحضوب كلهم ..

تقبلوا تحياتي ،،

اخوكم
محمد بن سلطان الثوري

[فهد الحضبي]

ماعليك زود ونعم فيكم انتم يابوسلطان