يحرم عليك النوط فكة ابلامه (%) مدام فيها واحدن من ضنى يام

[سقم الحريب]

السلام عليكم ورحمة الله وبركاته


حياكم الله جميعا شحالكم وحال ربوووعكم ومن يعزززز عليكم انشاء الله بألف خير


وشحال الذووووود .......؟


يا جماعتي يا عزوتي يا لابتي عندي استفسار عن بيتين دايم اسمع الشايب يقولها في المجلس

بس هو ما يذكرررر قصة هالبيتين كامله..... كل اللي يعرفه الله يحفظه...... بقووله لكممممممممم


وابي منكممم اذا واحد منكم يعرف القصة كاامله أوو عنده أضافه ...يررد علي....


القصه تقوول أنه صارت هيه بين الهوااااجررر والعجمان .....وقال الشاعر العجمي :



والله يذا البهم أن تباري الجهامه
لين تآتي بين صفوى والأوجـــام
يحرم عليك النوط فكة أبلامـــــــه
مدام فيها واحدن من ضنى يام


واللي سمعت أن العجمان عيلوو على الهواجررر أو الخوالد


والله أعلم




اللي يبي يشاركني ويثري الموضوع حياه الله عد مزن من سحابه




تقبلووووو تحيااتي


\سقم الحريب

[القريشي ..]

قصيدة ابن قرمله

لي بندق لابد يثور كتامه

اما على المطران والا على يام

ياذا البهم الا تباري الجهامه

يالين تنوخ بين صفوى والوجام

وقام ركان ابن حثلين وطلب من شيخ قحطان العفو عنه ومسامحته

وفعل ذالك وعفا عنه

وغزا على الدويش وقبائل مطير وخذاهم
القريشي بني خالد

[راعي الوضح]

بسم الله الرحمن الرحيم
مساكم الله بالخير
إلي أعرفه من القصة أن بني هاجر طلبو فزعة قحطان في حربهم مع العجمان
وجاهم ابن قرملة وفية بيتين من القصيد للعجمان وقحطان
يقول ( ابن قرملة )
يا ذلبهم والله أن تباري الجهامة
الين تنزل بين صفوى و الوجام
لا بد مايوماً نثور عسامة
اما على المطران ولا علا يام
ــــــــــــــــ
ويقول شاعر العجمان
يعل عوداً ما تحلل أعظامة
عيت أتبيدة اليالي و اليام
لشب ضوة في طويل العدامة
صرنا نحزم غالي القش بحزام
( ويقصد بقولة عيت تبيدة اليالي واليام ) ان ابن قرملة عندما غزى على العجمان كان كبير في السن

[محب سبيع]

هذه القصيدة لابن شافي امير بني هاجر مسندها لمحمد بن هادي بن قرملة أمير

قحطان يستنصر بها على العجمان حيث تجمع بين بني هاجر وقحطان أواصر

قربى حيث يقول فيها:




يا راكبن حمـرا بلونـه سحامـه
ترعى الزهر وين الشحم فوقها زام

فوقه صبـي مـا تغيـر كلامـه
يِدي الخبـر يـم الرفاقـه بَلَـوْلام

يا جـن تـرك الرثـا والحمامـه
إحمولنا مـن قبـل حِـلْ التِنـدام

صبيان قحطـان غشاهـم ملامـه
ويلها على صبيان جلـبٍ تلـم لام

حنا كمـا مايِـحْ ثمانيـن قامـه
هَيْما وفي جيلانهـا تسعـة هِيـام

ما يظهر الماء يِحْمي أقصى غمامه
خطـرٍ علـى جيلانهـا بتـهـدام

حنـا شـوي وحاميتنـا القرامـه
قطاعةٍ ننطـح ولـو كملـوا يـام

أرماحنا وسـط المدينـة علامـة
مع الصحابة حاربوا ذيـك الايـام




ثم رد عليه ابن هادي بقصيدة وهي رسالة تهديد ووعيد واعلان حرب على

العجمان ومنها هذه الابيات :




لي لابـةٍ حَدَّرتهـا مـن تهامـة
وسلاحها صنع الافرنجـي والاروام

الاروام: جــمــع رومـــــي

ولا بد من يـوم يثـور عسامـه
إما على العتبان واما علـى يـام

ويا ذا البهم والله إن تباري الجهامة
إلين تنزل بين صفـوى والاوجـام

صفوى والاوجام : مناطق في الاحساء

حنـا كمـا سيـلٍ يطـم العدامـة
حول على طاش البحر لـه تِلِطـام

العدامه: هو كثبـان رملـي مرتفـع.

هذا على عـودٍ وصلنـا سلامـه
اللـي غَثانـا بِالبكـا والتِّظـيـام




فلما سمع الشيخ راكان قصيدة ابن هادي ردَّ عليه بهذه الابيات ويقول فيها:




يـا راكـبٍ حــرٍ تــذرب سنـامـه
نَيَّـه جديـدٍ فـوق نَّيـه مـن الـعـام

مـا صـك لِحْيَـه فـي ليالـي فِطامـه
ومدلهـن يشـرب لبـن كـل مــرزام

إلـيـا ورد عــدٍ يِطَـيِّـرْ حـمـامـه
جالـه صريـمٍ مـن إلحِيَّـه تقـصـام

الـعــد: هـــو بـئــر الــمــاء.

ملفـاك ابـن هـادي كبيـر العمـامـه
شيخٍ ورمحه مع أهـل الخيـل مرسـام

مــرٍ يواعـدنـا بـحـرب وقـوامـه
ومـرٍ يجينـا مـن هــرج وتـسـلام

حـي الكـلام وحـي منـهـو كـلامـه
اللـي لفانـا مـن هــرج التـوهـام

وش الجزا يا شـوق زاهـي الوشامـه
لِسَّابق إللـي مـا عرفنـا لهـا أوقـام

أهديـت لـك نـور السلـف والجهامـه
باغيـه ذخـرٍ فـي مقابـيـل الايــام

وغديـت أنـا ويـاك مـثـل النعـامـة
جاهـا بَلاهـا مـن ثقيـلات الاقــدام

إن كـان تبغـي سابـقـك والسـلامـه
خلـوا ضعاينكـم مـع العتـش خــرام

العتش: شعيب في وادي العرمه جنوب الدهناء

حِـــرِّم عـلـيــك النوط فكت إبلامه
ما دام حيٍ واحدٍ من ضنا يام

معنـا الطويـل اللـي تجيكـم عـلامـه
مثل العِديم اللـي علـى الجـول صـرام

الطويل : هو فـارس ال حبيـش المشهـور

التـرك قبلـك زارِنـا بــه زعـامـه
قد عافنـا وِعْتـاض عنـا اهـل الشـام

الـتـرك : هــم الـدولـة العثمـانـيـة

وان كـان تطـري حِدْرتـك بالجهامـه
لمـا توصـل بـك إلـى ذيـك الارجـام

ذي ديـرة الحـاكـم كبـيـر العمـامـه
إللـي نحـى عنـهـا طوابـيـر الاروام

قـدامـك شـيـخٍ رفـيـعٍ مـقـامـه
الخيـل قِـرَّح وأبيـض الـخـد قــدام

وإن رادهـا غيـره ضربـنـا لثـامـه
عــودٍ يـبـدل هـفـوتـه بـتـنـدام

يالله عسى الفـردوس ملقـى إعظامـه
اللي بعـث ديـن النبـي ديـن الاسـلام

مثـل الدويـش اللـي يِقَـدي الجهامـه
عِقـرت جـواده فـوق رجلـه والاقـدام

وإن كـان حَـدَّر لابـةٍ مـن تهـامـه
حنـا لهـم فـي مقطـع الصلـب قـدام

الـصـلـب: هـــو وادي الـعـجـمـان

اقبـل وحنـا لـك نـسـوي كـرامـه
شِلـفٍ علـى قـبٍ سريعـات ألــولام

شِلف: جمع شَلفه وهي أصغر مـن الرمـح

قـــب : هـــي صـفــة للـخـيـل

تسعيـن رمـحٍ كسـرت فـي عـدامـه
عشرين مِنْهِـن بيـن فـوران وحـزام

كـم ثـار عنـد إركابنـا مـن كِتامـه
ياما هلك من ضدنـا مـن سبـب يـام

كـم مـن حريـبٍ دارج الـدم دامــه
يشبع بهـا السرحـان والطيـر لا حـام

الـسـرحــان: لــقــب الــذيــب

حنـا كمـا سـيـلٍ تَنـاحـا غمـامـه
حامـل بَـردهـا بالفرنـجـي والاروام

سيله يقـزي مـا نحـى مـن عدامـه
ورعودهـا منهـا المِـدَلَـه تقـصـام

وان كانكـم سـيـلٍ يِـطْـم العـدامـه
حنـا زبـارٍ يشـرب السيـل لا عــام

وان كانكـم ضـلـع كبـيـر حَجـامـه
حنـا كمـا نجـمٍ علـى الضلـع هـدام

وان كانكـم مثـل الـرعـد بِنْقِصـامـه
فـإن الرعـد ينبـت زبيـدي بـرضـام

كـم سيـف هنـديٍ فِظَخْـنـا لِجـامـه
بأيمانِنـا كِـنـه مقابـيـس الاظــلام

نـروي مـن إرقـاب السِّكـارا حَيامـه
فـي هيـةٍ يشبـع بهـا كـل حــوام

الــهـــيـــة: الــــحــــرب

قطعـا لعيـنٍ اللـي عريـضٍ سَنامـه
شقـحٍ مفاليـهـا مباكـيـر الاوســام

وان كـان وِدك عندنـا لــك كـرامـه
تدري بضيفتنـا أهـل الشـرق والشـام

أقبـل علينـا حـي سـوق المسـامـه
وعاداتنـا نغلـي جلـب كــل ســوام

حريبـنـا تصـبـح بكـبـده نـدامـه
وبرايـة الله نجعلـه حــذو الاقــدام

نرجـي مهاشـيـل تـعـدى تهـامـه
لا سـاق كالله والقـدر نـاحـرٍ يــام

وصـلاة ربـي عـد منشـى غمـامـه
علـى نبـيٍ خــص هالله بـالاكـرام




فاراد الشيخ راكان ان يبعث برسالة فعلية الى ابن هادي قبل المعركة ليعرف

بها قوته فنادى بالعجمان فقال من اللي يشوف لي ابن هادي وربعه ورد لي

خبرهم فبرز من بين الصفوف واحد من شباب ال حبيش وعمره 15 سنة فجاء الى

قحطان ورأى بيوتهم مبنيه بين الدهناء والصلب متوجهين الى العجمان فسأل

الجنود وهم لا يدرون انه عجمي أين بيت ابن قرمله ( وهو محمد بن هادي )

فقالوا له بيت الشعر الذي يتوسط البيوت هناك فجاء الشاب فوقف على بيت ابن

هادي وركز الشلفه فوقعت بينه وبين نار الدلال رسالة تهديد الى ابن هادي

مفادها اني بمقدوري ان اقتلك وهرب الحبيشي فاسرع فرسان قحطان بطلبه

ولكن لم يدركوه فايقن ابن هادي بقوة العجمان فرجع ادراجه الى ديرته ولم

يحارب العجمان.

(منقول)

[سعد السلطان]

السلام عليكم ورحمة الله وبركاته


لاهنت محب على توضيح القصيدة ولكن عندي تعقيب على القصة

ولا بد من يـوم يثـور عسامـه
إما على العتبان واما علـى يـام


والصحيح

لابد من يوم يثور عسامه

اما على المطران ولا على يام


وهي ان قصتك منقوله من منتدى قبيلة العجمان اللي كثر فيه التزوير والظاهر هذي لاتخلى من المنتديات


ووضوعو قبيلة قحطان في محل ذل



وهل قبيلة قحطان جايه من عالية نجد فزعه لابن عمهم وخايفين من الموت ياخي كلم العاقل بما يعقل


القصة هو ان قبيلة العجمان والمره اجتمعو يبون ابادة قبيلة بني هاجر لانهم ابتلشو فيهم ووصل ابن شافي الخبر فارسل لابن قرمله عندما اقبلو قحطان وبعد القصيدة ارسل راكان بن حثلين مرسول لابن سعود للتدخل لان لو اجتمعت قبيلة قحطان مع بني هاجر ضد العجمان وال مره لحصلت حرب ضروس وفيها خسارة كبيره للقبائل المشاركه فتدخل ابن سعود فطلب ابن قرمله ان يكون بينهم عهد الا يغزون على بعض ولا يحصل بينهم شي فحصل بينهم حلف وهم ليومنا هذا ينادون بعض ياوجه محلف واذا انت عجمي اظن ماتخفى عليك وهي المعركة سبب الحلف فعاد ابن قرمله لدياره ولم تحصل المعركة


ذكرت المعركة باختصار وارجو اني وفقت في توصيل المعلومه


تحياتي للجميع

[عبدالله المطيري]

ياهووووووووووووووووووووووووووووووووه

وانا اشوف الموضوع كل يوم ولادخلته خخخخخخخخخخخخخخخخخخخخخخخخخخخخخخخ

طيب من اي مصدر السالفه وماهو دور مطير فيها

[سيف ربعه]

كلا مك ياسعد السلطان هو الصحيح ابن هادي حاكم نجد ماحد ينزل حتى يقدم الحصان والخروف المحنى والدليل
قول ابن حثلين قدمت لك نور السلف والجهامه # ابيك ذخرن في مقابيل اليام

نور السلف(الفرس) الحق معنه مجزع
سيف ربعه

[عبدالله المطيري]

هاه يالربع وش العلم مافيه رد

[فوز]

انا الحين اقرا من كتاب قصه وابيات الجزء الاول تاليف ابراهيم عبدالله اليوسف
والصحيح كما ذكر محب سبيع
والبيت الي اختلفوا فيه المطران او العتبان الصحيح المذكور في الكتاب المطران
وحبيت اضيف بعض الابيات التي قالها ابن قرمله ومحد ذكرها تكمله لما سبق
ان كان عنك للمسير كرامه * عجل ترى ربعك مشافيق وحيام
كرامة ترث عليكم ندامه * تصبح ذراريكم مراميل وايتام
كم شيخ قوم مطلقين حزامه * من عقب لبس الجوخ قدوا له الخاام
وان كان تطري السيف تفصح لجامه *لو هو على الدوشان ماكان تنلام

هذا واتمنى وضحت لكم شي وافدتكم

[محمد بن سلطان]

والنعم في قحطان والنعم في يام ..

كلها قبائل عزيزه علينا .. واما عن الروايات .. فبعضها صحيح وبعضها خاطئ على حسب الراوي .. والقصص غالبا يطرئ عليها تعديل من اصحاب المنتديات فتصبح بعض الامور فيها مجانبة لما قيل في القصص الحقيقيه ..

القصص يجب ان تؤخذ من الرواة الثقات من كبار السن وممن لهم ذاكرة قويه ..

تقبلوا تحياتي يا بني عمي ..

اخوكم
محمد بن سلطان الثوري