الله واكبر لك ياخالد كتبنا قصيده***تـــحمل لها بين المـــحاني معاني
بســـمه بديت اوله وبسمه اعـــيده***يوم ان صوت الشعر بالليل جاني
لك يامــــرجان عندي علوم وكيده***لابــو صداقه تنتــهي فـــي ثواني
الدم مايـــطلع حشـــــــا من وريده***الا بصــدمه تنتقض ابها مبــــاني
ايــــام راحت مـــن حيــاتي شديده***لك مـــوقف منســـاه والله وقانــي
ومرت سنــين من صــداقه وطيده***مني الوضـوح ومنك رمز دهاني
مايــوم بيت لك الغــدر والمـــكيده***ولا يوم قصـــرت لصديق دعاني
ولايــوم كلمنــــي صـــديق وليــده***وقالو هلي مشـــغول رح يافلاني
عندي مــعزة صاحبي لـــي عقيده***ولايـــوم غادرت ورفيقي بمكاني
كان يامرجان عنــدي شي تريده***او علم من حــاقد بســمه رمــاني
لك حــكمة تحكم ونــــظره بعيده***وعقل يمــيز بين قاصـــي وداني
ان هانت الصــحبه فــوالله فقـــيده***قلها بصراحه ومنك بـعقد لساني
الامـــر امــر الله وحـــنا عبــــيده***ماقال ربي صار ومــــاراد كاني
وصلاة ربي عــد وعـــده ووعيده***علي النبي المختار نور الزماني
غير متصل
