شيلة وقصيدة الشاعر الكبير / عبد العزيز ال حمد العريني السبيعي
في الامسية الاخيرة من فعاليات مزاين أبل قبيلة سبيع الغلبا في يعومه
ونالت أستحسان الجميع وقابل الشاعر عبد العزيز الحمد موجه كبيره من أعجاب الجمهور الحاضر
سلام ياربعي هل الغلبا هل الساس المتين=مثل الجبال الي تزبن كل من يلجا لها
سلام ياربعي هل الماجوب مهفين السمين = أهل الوفا والكار ربع ما تهجر دلالها
سالم ياهل الماقف المشهود والفعل المبين =فرسانها بين العرب ماحد شرب فنجالها
ياشجرة الغلبا حماك الله على طول السنين=يادوحةٍ تلقا السعد والخير تحت اظلالها.
وحنا مشينا من ورا العارض وجينا محتسين=ببيت شعرن تعجب الي يستمع موالها
لمزاين الغلبا دفعنا الشوق كله والحنين=لديرة الي محتمين اسبيع ربعي جالها.
وقت المطارد كم حموها بالمشوك والسنين =والي تبي تسلب ثرها سود الله فالها.
وقت القشر عن حدها صارومثل حصن حصين=كم سربةٍ جاها الفنا والي حدها اخبالها.
اهل الثلاث الي تذكر والقبايل خابرين=تحط فال يشبع الطرقي تلاه اعقالها.
واحنا وهم كف واصابع والقبايل عارفين=قبيلة زلزل جبال الروس فعل اعيالها.
الرجل فينا عن ميه لويضرب القاسي يلين=والى برك للكايدة بمر الولي يشتالها.
واحنا هل الردات فالشدات شقم المعتدين=تامن بنا حسك العشاير يوم زاد اجفالها.
وحنا هل العهد الموثق يوم خان الخاينين=تشهد لنا شبه الجزيرة رملها وجبالها
حنا هل البل النوادر وانشد الي باخصين=اذوادنا عند العرب ماشن بدا يبرالها.
مابين مجهم وشعلا تسلي القلب الحزين=ماهي ابمجنا للرخوم الي تصر اريالها.
وصفر مثل لون الذهب في كل محفال تبين=الى زهم صوت المدوه ماحلا زرفالها.
والعفر محلا العفر ماجنى للرجال الغانمين=لامثلت لهل المثل تضرب عليها امثالها.
مرباعها الصمان مع ساقان ويسار ويمين=مع حومات النقيان واجنب وان بغيت اشمالها.
ولنا فعرق سبيع مرباعٍ يسر الناظرين=لاركبت غر السحايب ثم هل اخيالها.
وايض من الهضب المسمى لين تاصل غرب تين=والنار من شبابها والخيل من خيالها.
واليوم صرنا في رخا والحمد لله وامنين=بانت موري السعد من يوم هل اهلالها.
في حكم حكام البلاد المومنين المخلصين=الله يبارك فالسعودية بفعل ارجالها.
وحنا جنود للوطن تبت يدين العابثين=اعمارنا ترخص لها وروحنا تهدا لها.
يشهد لنا فتح الريض والرجال الاربعين=وانشد هل التاريخ تدري ويش فعل ابطالها.
يادارنا دار الفخر قبلة جميع المسلمين=افعالها بين الامم تسبق جميع اقوله.
وايضا به قبر النبي خير البشر والمرسلين =ارسله ربي بالرساله للبشر وارسى له.
[/font]
التعديل الأخير تم بواسطة ماضي المديري ; 04 - 11 - 2007 الساعة 00:32
غير متصل
لمواضيعي
