فـي فـؤادي مـن حطـب شيـخٍ ضيوفـه شـيـوخ ( لشاعر الوطن : ناصر الفراعنه )

[خيَّال الغلباء]

بسم الله الرحمن الرحيم

في فوادي من حطب شيخٍ ضيوفـه شيـوخ=جمرةٍ يغـري سنـا نارهـا أكبـر موبـذان
مـن جنـونٍ دوختنـي وعيـت لا تــدوخ=والمجنـن زادوا جنانهـا السابـق جـنـان
ليت شعري أين أمسـت ملـوكٍ مـن تنـوخ=عـودت أحداثهـم مـن أحاديـث الـزمـان
يامرقصـة الجمـل يامقرنـسـة الـفـروخ=من طمان نفوسكـم نازليـنٍ فـي الطمـان
عالـمٍ لبسـوا ثيـاب الدهـاة وهـم دلـوخ=أوردتهـم حـوض فرعـون قفـزه بهلـوان
لا نجوا من فـخ طاحـوا بـآلاف الفخـوخ=عشرهم في مجلس العم سام أضحـت ثمـان
وشرهة الطوخي على من حضر من أهل طوخ=لأنتصب حد السنـان إرتخـى حبـل العنـان
في حضور المسخ الأكبر تعشتنـا المسـوخ=وأردفونا فـي ظهـر بكرتيـنٍ مـن عمـان
العوض في قبة البيت الأقصـى بيـت كـوخ=وكل حربة عـود زانٍ عوضهـا عـود بـان
لا بدا الخافي وباخـت علـوم القـوم بـوخ=للمذلـه فـي وجـه ربهـا شاهـد عـيـان
صفعةٍ في الخد مع ضربتيـنٍ فـي النفـوخ=روعت خورشيد باشا وهو فـوق الحصـان
ماجنه تحمـل يداهـا تسـع حبـات خـوخ=سرها عنـد آل حسـان والبيـض الحسـان
من كبر شـرخٍ معانـا تصاغرنـا الشـروخ=ندرق في القرع مـع كـل قرعـة صولجـان
السلام اللـي يفسـر لنـا معنـى الرضـوخ=ليس إلا الموت فـي كفـنٍ مـن طيلسـان
والشموخ اللي على ذل لـو سمـي شمـوخ =المقابر منه أعظـم شـرف وأطهـر مكـان
الكرامه جوخةٍ مـن نفيـس الجـوخ جـوخ=ما تناسب من قصر به عن الطـول الهـوان
واعذابي مـن ينـوخ جمـال هذيـل نـوخ=قبل لا يهتـز مـن ساسـه الركـن اليمـان
الطعـون طعـون ياللـي تسميهـا مشـوخ=ولا يحقـر ثـاره إلا الجبـان بـن الجبـان
ياحفرنـا عدنـا ليـن يآتـي لـه نضـوخ=يا نادينا في خبـر كـان يامـا كـان كـان
أمـة مـا للقيـم فـي ضمايرهـا رسـوخ=مجدهـا مـاءٌ تبخـر علـى هيئـة دخـان

منقول وأنتم سالمون وغانمون والسلام .

[العالمي11]

بارك الله فيك

[ابن جعوان]

الله لايهينك ابداع

[المفالحه]

ماشاء الله تبارك الرحمان

ابداع

نص لا نرى مثله الا في كتب الشعر للعصور الجاهليه

لا أقول الا الله يكفيك شر العيوووووووووووووووون يابو فارس

[أبوفارس بني ثور]

الله لا يهينك يا ( خيال الغلباء ) على نقل القصيدة ...

وما أقول ... إلا الله يعين الـ Youtube <<== شكل أبو فارس يبي يخرشه هـ المره بعد خخخ

[خيَّال الغلباء]

أخي الكريم / العالمي السلام عليكم ورحمة الله وبركاته وبعد : صح لسان شاعر الوطن والثقلين الكبير / ناصر بن محمد الفراعنة السبيعي وسلم نبضه وبنانه والله يبارك فيك ويعافيك مع أطيب الأمنيات واسلم وسلم والسلام .

[خالد الشماسي]

رهيبة رهيبة يا أبو فارس



وينك يا رميض الشمري .......... دور لها حل




و اطلب معك كيلو صنوبر واتعشى عليه

[خيَّال الغلباء]

أخي الكريم / ابن جعوان السلام عليكم ورحمة الله وبركاته وبعد : شكرا جزيلا على مرورك الكريم وصح لسان شاعر الوطن والثقلين الكبير / ناصر بن محمد الفراعنة السبيعي وسلم نبضه وبنانه والله يبارك فيك ويعافيك ومن قال ما هان مع أطيب الأمنيات واسلم وسلم والسلام .

[قروان]

والله لو تجيب خيشة صنوبر ماتلقا مثل هالقصيده

[خيَّال الغلباء]

أخي الكريم / المفالحة السلام عليكم ورحمة الله وبركاته وبعد : شكرا جزيلا على مرورك الكريم وصح لسان شاعر الوطن والثقلين الكبير / ناصر بن محمد الفراعنة السبيعي وسلم نبضه وبنانه والله يحميه مع أطيب الأمنيات واسلم وسلم والسلام .