منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
بسم الله الرحمن الرحيم
السلام عليكم ورحمة الله وبركاته00000000000000وبعد
اهدي لكم هذه القصيده وهي للشاعر /
راعي الشعل واتمنى ان تنال رضاكم واستحسانكم
ياسعود خذ مني جديد التعابير= يومك رفيقٍ لي وحنا قرايب
الراس شاب وبان فيه المغاتير= وانا صغير السن مانيب شايب
والضاهر انه من كثير التفاكير= والوقت بين لي جميع الغرايب
نوبٍ كتام ونوب فيه المعاصير= وياقل ماتنشي عليه السحايب
ولاعاد به جمعاً ولابه مسايير= وكلن ورى الدنيا شعب له ركايب
الهتهم الدنيا بجمع الدنانير= احدٍ كسب واحدٍ كثير الطلايب
وياليت عاد الناس بدو ومضاهير= ووسيلة الترحال عوص النجايب
وقلوبهم بيض الوجيه المسافير= وجمعاً تسر القلب والبال طايب
في ربعةٍ فيها الدلال المباهير= ولاضمت الربعه من الناس خايب
والوقت متغَير وفالناس تغيير= وخطرٍ يصير الما من الوقت رايب
والمشكله واكبر جميع المخاسير= ضاعت سلوم اللي عليهم نصايب
ويابو حسن عطني عن الوضع تقرير= لا تتركه تذري عليه الهبايب
غير متصل
