قصيدة في الشيخ مسلط بن شعيفان ابو اثنين وقبيلة سبيع

[غازي بن عون]

بسم الله الرحمن الرحيم
السلام عليكم ورحمة الله وبركاته

نظراً لكثرة المكالمات التي وردتني من بعض القبائل حول البيتين التي تحدد ديار سبيع في هذه القصيدة ..
تم إلغاء البيتين تفاديا ً للإحراج وخوفاً من الخطأ الغير مقصود واحتراما ً لمن اتصل بي من هذه القبائل ..
علماً بأن حذف البيتين لا يخل بالقصيدة بما يخص قبيلة سبيع ..

ياهـل الونيـت اللـي عزمـتـوا مسـيـان = للشرق من قطر ايسر الغرب ناصيـن
تـجـمـلـوبـي ياطـلـيـقـيـن الايـــمـــان = وريضو على شاني ولو كـان عجليـن
واليـا كتـبـت ابـيـات شـكـر وعـرفـان = سـيــرو عـسـاكـم لـلـسـعـاده مـلـقـيـن
طريـقـكـم يـبــرى لبـيـبـات مــــروان = ولـيـا وصلـتـو ظـلـم جـاكـم طريقـيـن
درب يـروح يسـار مـن دون عــردان = ودرب يـروح يمـيـن يـاطـا الشيابـيـن
بيـن العواصـم عبـدوه اهـل الاحسـان = لاهــل الـلــزوم وللحـجـيـج الملـبـيـن
في الدرب الايمن بالمسافـات نقصـان = روحـو يمـيـن اقــرب لـكـم ياميامـيـن
ولامـن بـرج العاصـمـه قدمـكـم بــان = تـعــدو الـحــي الـمـوالـي للاقـصـيـن
تلفـون شيـخ فـي ربـى الفخـر سكـان = اهــل الفـخـر فــي الفاخـريـه مبنـيـن
عنده قرى الضيفان مـن قـرح الضـان = يبهـج كبـود الـلـي مــن البـعـد لافـيـن
ولا دار ما يجلى ضرم كـل ضرمـان = مـــدو جــوابــي لـلـوفــي يالـوفـيـيـن
ولا اوصلتـو المكتـوب لابـن شعيفـان = يـاهـل الـوفـا وافـيـن منـتـب بهـافـيـن
شيخ سلايـل شيـخ مـن روس شيخـان = بنـك الجمايـل مــن شـيـوخ الجمالـيـن
بـعـض الاسـامـي للمخـالـيـق تـبـيـان = قـبـيـلـة عــلــى الـجـمـايـل مـسـمـيـن
ولا سميـو مـن بـدت الـنـاس جـمـلان = غـيــر لسلـفـهـم بالجـمـايـل بـراهـيـن
ولولا الخلف فعل السلف راح هموان = مير الخلف مع درب الاسلاف ماشين
ومسلـط ورث عاداتهـم ورث جــدان = واحيـا فعـول اللـي بـالاجـداث فانـيـن
الخط يكتب لـه علـى الظـرف عنـوان = والـفـاهـمـيـن الـعـارفـيــن الـلبـيـبـيــن
يـدرون بالعنـوان فـي وجـه الانـسـان = والجود لـه فـي وجـه مسلـط عناويـن
اسمـع فعـول الشيـخ مسـلـط بــالاذان = ولا اقتنـعـت الا بـعـد شـفـت بالـعـيـن
الـيـا عنـالـه واحــد فـيـه الـــه شـــان = يقابـلـه قـبـل الـقــرى بالـنـبـا الـزيــن
ومن جا محله راض لو كان عجـلان = وفـضـايـلـه يـلـقـونـهـا المسـتـحـقـيـن
لاجـاه معـسـور مــن الـديـن غـرقـان = عـانـه وخـفـف عـنـه ديـــن الديـايـيـن
مـن لابــة يــوم المـغـازي والاكــوان = لـديـارهـم بـمـذلــق الــحــد حـامـيــن
مسكانهـم جميـع فـي مـاض الازمـان = بـيـن الـنـفـود وضلـعـهـا والشعيـبـيـن
حادين عنها الناس مـن عصـر بـدران = ومرسيـن ولطـلابـة الـديـن مضحـيـن
ويـوقـرون الـجـار كـرمـان شجـعـان = ودهــــات ثــقــات ثــقــال حـفـيـفـيـن
لصاحب احلـى مـن لبـن حـم الامتـان = وعـلــى الاعـــادي كـايـديـن غثيـثـيـن
ويـوم اجدبـت وديانهـم والدهـر شـان = قـسـم رحــل منـهـم وقـســم مقيـمـيـن
اللـي قعـد منـهـم حـصـون لـلاوطـان = ودون العشـايـر والجبابـيـر مـرسـيـن
وقـسـم تـحـدر بالسبـايـا والاضـعــان = يمشـون فـي مشهـات رثــم العرانـيـن
محـوالـهـم مـابـيـن خـنـزيـر وذقـــان = وحطو سدير يسـار والعـارض يميـن
وفـاضـو عـلـى دار عـذيــه وجـيــان = وغـزو عمـود البيـت بيـن الشريـريـن
ولولا فعل خضر النمش وادهم الزان = ان كــان فـيـهـا مااسـتـقـرو زمـانـيـن
اخـذولـهـم دار مـــا اهـلـهـا بـرديــان = لـكـن جــا الشجـعـان ربــع شجيعـيـن
اخذو مـن العـارض الـى جـو ساقـان = والحايـر الهـم فيـه غــرس وبساتـيـن
صاروبـهـا اليـومـه قـبـايـل وسـلـفـان = وهـم يـوم جوهـا مـن ديـرهـم قليلـيـن
وسبيـع قسميـن اهــل حــره ووديــان = والقسـم الاخـر بسفـل الــدار ناحـيـن
مبـطـيـن حـنــا والـعـلـويـن جــيــران = وبالطيـب سلونـا عـن الربـع الادنـيـن
حـنـا وهــم ورعــان والـيـوم شيـبـان = عـنــد الـكــرام مكـرمـيـن عـزيـزيــن
واحسـب هـل الوديـان مامثلهـم كــان = واهـل الحـفـر ورمــاح عـنـا بعيـديـن
ومـن شوفتـي فعـل بعضهـم بالاعيـان = اشهـد بشـوف العيـن ماهـوب تخميـن
به قصـة مفـروض ينشـر لهـا اعـلان = وتـحـط للقـاريـن مــن بـيـن قـوسـيـن
قصـة عبيـد اللـي ذبــح حـيـل سـمـان = والضيـف داره ويـن ومضيـفـه ويــن
وان كـان قيـل العلـم ماهـوب وكــدان = شهـوده الحضـار خمـسـه وعشـريـن
ولو قالو احكـم بينهـم صـرت بحـلان = بـيــن الـحـداريــه وبــيــن الـعـلـويـن
وازريت افضل منهم احد علـى الثـان = بفـعـل الامــور الطـيـبـات متـسـاويـن
ياكـثـر مافيـكـم مــن الـجـود سـبـعـان = علـى الكـرم كــن الـكـرام متواصـيـن
واخـتـامـهــا عـــــداد مـــاهـــل ودان = صـلـوا عـلـى خـاتـم جمـيـع النبـيـيـن

[خالد الشماسي]

صح لسانك ملايين

والله وألف نعم بك وبربعك

ما عليك زود وتسلم على هذه الرائعة المرصعة بالؤلؤ المملوئة بالجزالة

ويستاهل مسلط بن شعيفان المدح

ولا غضاضة في تحديد ديار سبيع وغيرها من القبائل حيث أن هذه الحدود زادت ونقصت لكل القبائل مع مرور الزمن وتغير الدويلات

وحدود بني عامر أوسع بكثير ولهم ثلثين الجزيرة العربية وما حددته في قصيدتك حيث تقول :

مسكانهم جميع في ماض الازمان = بين النفود وضلعها والشعيبين
من غرب حد ديارهم خرص وضعان = ويحدها من شرق دار القحاطين
وجنوبها من يم شهران خدان = وشمالها ثلاث شدات من تين

وقلت:

اخذو من العارض الى جو ساقان = والحاير الهم فيه غرس وبساتين
صاروبها اليومه قبايل وسلفان = وهم يوم جوها من ديرهم قليلين

ويقول الشيخ كوير بن راشد
الدار حددها سبيع بن عامر ****بـضـرب الـقـنـا ومـذلـقـات الحـدايد
الدار حددها سبيع بن عامر ***** حــددها وخــلاها لـنــسـله ودايـد
يحدنا منصوب علوا خناثل**** ومجـامـع الـوديان صوب ال زايد
وتحدنا الرحيا عن الشام مجنب**** والـمروه البيضا حدود وكايد
وتجدنا من يمة الحجز غافه***** وخـــثعم وسلفان تسمي عبايد
وابوسنون من يوالي بيشه*****ناخذ عـلـيـه الـقـود لاجـــاك قايد

هذا وتسلم وصح لسانك ونحن من المتابعين لديوانك ونبحث عن جديدك دائما

تحياتي لك

[طيرشلوى]

اسمح لي ابدي اعجابي بقلمك وتميزك واسلوبك الراقي وتالقك

[سعد عبدالرحمن]

قصيدة تحمل من الفخر والمدح الكثير من الجمال من رجل كفؤ إلى رجل كفؤ


صح لسانك وبيض الله وجهك وأنا أشهد أن سبيع قبيلة الشجعان الكرام




تقديري

[صندلي الشرقيه]

الله لايهينك وبيض الله وجهك وانا اشوف ان البيتين اللي انحذفت ماكتيها الشاعر عشان تنحذف.

[ابن مكدي]

صح لسانك على القصيدة

والله ونعم