قصيدة يا عـــــزوتــــــي

[راكان الشنيفي]

يا عـــــزوتـــــــــــــــــــــــــــــــــــــي

ياعـزوتـي يـاتـاج راســي يـافـهـود
يــوم الـعـزاوي عارفـيـن افعـالـهـا
اهل الشهامه والوفـا ورث الجـدود
لاجـيـت ديرتـهـم تـشـوف ادلالـهـا
بـيـت الشكـالـه بيتـهـم الـلـي يــذود
بيـت الـكـرم والـجـود هــذا حالـهـا
يانـخـوة المظـيـوم يـاعـز الـوجـود
يلـلـي مــع مــد السـنـيـن ابطـالـهـا
لـيـت الليـالـي الطيـبـه انـهـا تـعـود
ميـر البـلا نـاري تلاشـى اشعالـهـا
صـوادف الايــام دايــم بــي تـكـود
تـعـقــد عـلـيـنـا عــقــدة ٍ بحـبـالـهـا
والفكـر يامشكـاي مدريـبـه شــرود
هـواجــس الـدنـيـا بـــدا غـربـالـهـا
كنت احسبني عـارف ٍ غـل الكبـود
اثـــره يـغــر ادبــارهــا واقـبـالـهـا
ماوجل قلبي غير من هرج الحسود
ولاّ عـــذول ٍ شـامــت ٍ بـرجـالـهـا
نفسـي طموحـه مالهـا ايّــة حــدود
تـهـوى العـوالـي والعـوالـي فالـهـا
حالي براه الوقت مبري مثـل عـود
اسـبـاب قــول الـقـال قـيـل وقالـهـا
انتم عصابـة راس ربعـي ياعضـود
هـــذي عـلـومـي دقـهــا وجـلالـهـا
بينـتـهـا والـعـلــم دخــانــه يــــزود
لاثـقـل حمـلـي قـلـت مــن حمّالـهـا
غير الرجال اللي ليـا ثـارت اسـود
الـلــي يـطـابــق فـعـلـهـا لـقـوالـهـا
عانيـت انـا والـكـذب والله مايـسـود
بيـن الرجـال الـلـي تـحـب عيالـهـا
والمشكله مابـه ونيـس اللـي يجـود
ماغـيـر رب الـكـون عــدّل جالـهـا
واللي فعل معـروف يلقالـه جحـود
يالعنـبـو اهـــل الـجـحـد وشكـالـهـا
عالـم غريـب ٍ كـل مالـه فـي بـرود
خـــلاّ الـعـوايـد مـايـبـي يـرقـالـهـا
لابـدلــه يــــوم ٍ يـجـيـلـه مـايـكــود
يـكـدّر الصـافـي بـشـوف اعمالـهـا
متناسـي ٍ يــوم القيـامـه والحـشـود
يــوم ٍ تهـمّـل كـــل نـفــس ٍ مـالـهـا
وضرب حسابك ونتبـه للـي شهـود
اعـضـاءك الـلـي مـاتـبـي تغتـالـهـا
هــذي حـيـاتـك والنـهـايـه لـلـحـود
اصـلـه تــراب وراجـــع ٍ بمثـالـهـا





منـــــــــــــــــــــــــقول

[جعد الوبر]

أخوي / راكان الشنيفي صح لسان الشاعر ولا هنت على النقل مع أطيب أمنياتي وخالص تحياتي .