قصيدة عن بعض مآثر سبيع الغلباء وموجهة للشيخ / مطلق الدهاسي

[الراعي]

المناسبة / تسمبة مولود على الدهاسي مطلق
لقد رزقنا الله بمولود سميته مطلق على اسم
الشيخ مطلق ناصر الدهاسي العامري السبيعي
وقد قلت هذه الآبيات من الشعر في مدح هذا الشيخ الجليل
وذكرت بعضا من تاريخ أجداد الشيخ المذكور
وذكرت بالقصيدة خاصة المثل القائل (على الذمة العامرية )
وكذلك المثل القائل ( ارحل يا جارنا وإلا رحلنا )
وكذلك ( مثلوثة سبيع )
وهي اللقب الرسمي المعروف بين قبائل الجزيرة العربية
حيث يقال سبيع أهل المثلوثة
وتعريف المثلوثة /
أكله تتكون
من التمر ( السري ) و البر واللحم
وتقدم للضيوف على مرحلتين
ـ المرحلة الاولى تقدم صواني المرق ( الصفو ) وحولها تمر السري للآكل والارتشاف
وتقدم للضيوف مرارا
قبل الوجبة الرئيسية ( الذبيحة والبر)
والبر عدة أصناف ـ ( الفته ونحو ذلك)
كمرحله أخيره :

وهذه هي آبيات القصيدة وهي تعبر عن نفسها [poet font="Simplified Arabic,6,black,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

يالله يالي ما لغيره سجدنا = ويسمع دعاء اللي تالي الليل يدعيه
الكون كونته ومحصي عددنا = مطلوب عبدك من جهنم تنجيه
يا سيف خذ مكتوبنا ياسندنا = يم الدهاسي يا ابن عمي توديه
للي على كل المراجل سبقن = نفخر بذكره كل ما حل طاريه
شيخ من الغلبا بعهده كسبنا = جانا الثنا والمدح من عند أهاليه
ينورنا يا نارنا من حطبنا = نسل الرجال معرباة مجانية
سميت مطلق يوم ربي رزقنا = وتم اختيار الاسم من طيب راعيه
يحرم علينا المال واقبل عتبنا = قصدي محبة لا لشي توديه
مطلوبنا سير وهذا سعدنا = واللي يجي معكم عسى الله يحييه
أنتم هل الذمة وقمة نسبنا = عامر سلايل صـعصعـــه كلنـا فيـــــــه
جداك رهن من لحيته في طلبنا = وجاب الجمال محملة من حسانيه
وجاد الزمان ويم هجر جلبنا = ومن كان له ديان يأخذ ويوفيه
ولولا المروه والشهامة ذهبنا = صارت مثل كل القبائل درت فيه
والثانية يوم المهادي ندبنا = جاره مفرج دون عرضة نقاء فيه
بسيفه قطع رأس الردى من عربنا = رأسه هديه للمهادي يودية
اسأل وتلقى علمنا ما كذبنا = ما حد فعل فعلة ولا أحد مسوية
والثالثة مثلوثة في بلدنا = عاداتنا للضيف كل يناديه
ابيوتنا للضيف يكفيه الادنى = والله الكريم ومكرم الضيف يعطيه
بسلومنا بين الكواكب صعدنا = ذمة وجيرة والكرم عزنا فيه
الجار والذمة الغلباء وحدنا = وأما الكرم ضيف القبائل تعشيه
الجار والذمة الغلباء وحدنا = صفوة قريش اللي على النفس نغليه

[/poet]

مع تحيات أخوك / جسار حمود مسفر السبيعي

[smart]

اولآ

عيدك مبااارك


ثانيأ

مبرووووك الموولووود الجديد ويتربى في عزك

وجعله ان شاااااااء الله يطلع اطيب من ابوووه :(

ويصبح راااوي من رواااة سبيع مثل ابوووووه :( وحافظ لكتاب الله


ثالثأ

صح الله لسااانك على هذي القصيده الطيبه

والله يبااارك في هااالووولد اللي خلانا نكتشف مووهبة الرااعي الشعريه


رابعأ

الدهاااسي يستااهل ان تسمي عليه وكفووو


خامسأ


كل هاالووولد بركه اللي كشف اسم ابيه الصريح



سادسأ


تقبل تحياااتي القلبيه

[خالد الشماسي]

عيدك مبارك أخي الراعي

ومبروك الولد وعساه قرة عين لوالدية وجماعته


لك تحياتي يا الراعي على هذه القصيدة ومطلق يستاهل من يسمي عليه

[الراعي]

الاخوين الكريمين
سمارت العزيز
زابو عمر الرفيق
اشكركم على التهنئه ونيابة عن ابو شقران جسار بن حمود بن مسفر أل مسفر المشعبي السبيعي قاطن الكويت وبيشه اأقول لكم يارك لكم ورزقكم بالخلف الصالح واثابكم على دعائكم الطيب
الاخ سمارت انا الراعي بيني وبين ابو شقران صلة معرفه وقرابه في سبيع وهو شاعر وراوي وتاريخي واعلامي في عصره تجاوز الستين عاما وله معرفة بكثير من تاريخ سبيع ولعلي انقل لكم قريبا موضوعا كتبه هو عن الذمة العامريه وهويحفظ كثير من النصوص الشعريه عن سبيع قديما وحديثا وفي المشاعبه القبيله الكثير من الرواة الثقاة والشعراء المجيدين ومنهم سيف بن محماس وشاعرنا رجل كريم من فخذ ال مسفر وال مسفر اليهم ينتسب اسرة ال مسفر المشاعبه اهالي عرقه بالرياض او من ساكنيها قديما
ابو شقران او مالك كما يحلو له او ابو صلاح الدين كما يحلوا لنا المشعبي من جماعة اخونا العويد وهو شاعر وراوي وتاريخي واعلامي في عصره
وانا من الزكور ويسعدني معرفتك يا سمارت
للاخ ابو عمر أعد قراءتك تجد اسم الشاعر
والراعي كما تعلم لا يحقظ الشعر وان كنت من هواته سماعا من صاحبه او من راوي ثقة مجيد

[][ســ^ع^ــود][]

الف الف الف الف الف الف مبرووووووووك على المولود الجديد ويتربى في عزك ... وصح لسانك على هلأبيات الرائعه ويستاهل الشيخ مطلق الدهاسي.

[ابن شطيط]

جعله عبد لله صالح ومن حفظة الكتاب

والدهاسي يستاهل من يسمي عليه والله يحفظه لوالديه ويعزه بهم وبه

لك شكري اخي العزيز الراعي على هذا الموضع والقصيده الجمه

تحياتي لك وللشاعر وصح لسانه

ابن شطيط

[المزاح]

السلام عليكم ورحمة الله وبركاته

والف مبروك بمناسبة المولود والله يجعله عبدٍ صالح

و صح السانك اخوي الراعي وبيض الله وجهك على القصيده الجزله ويستاهل الدهاسي

ومن كريمٍ الى مستحق

تحيااااااتي

[العويد]

بسم الله الرحمن الرحيم

السلام عليكم ورحمة الله وبركاته

اولا:

المعذره على التأخير .

ثانيا :

بيض الله وجهك على هالنقل الجزل ومن شااعر جزل وابو شقرااان مااايحتااج معرووف الله يطول في عمره واعمار الموجودين سواءا في الكويت ولا في السعوديه..

وسمى على شيخ ومن خياار العرب والدهااسي يستااهل

سميت مطلق يوم ربي iiرزقنا وتم اختيار الاسم من طيب iiراعيه
يحرم علينا المال واقبل iiعتبنا قصدي محبة لا لشي iiتوديه
مطلوبنا سير وهذا iiسعدنا واللي يجي معكم عسى الله iiيحييه

الله يصلح مطلق ويطلع من ابوه واطيب

وابو شقران راوي معروف كما قال الاخ الرااعي وهو من ال مسفر ,,وكذلك اخوه وابن عمه محمد بن جسار فهو راوي معرووف ايضااا

واتمنى من الاخ الرااعي بما انه يجتمع بابو شقراان يجيب قااائل هذين البيتين

اشكي عليكم حربتي ضمااينه *** شرابها الدم الحمر
لعيون من يزها الذهب ذرعانه *** يطمح ليا رد الخبر

والسبب في ذكر هذي ال حديه هو ذكر بعض منتديات سبيع الاخرى ونسبهاا لفاارس آخر وانا اريد التأكد من هي له

لأن اللي ذكر سواءا في كتاب الاخ الحضبي ان قااائلهاا هو ذربان من ال عمير ..فقط هذا الذي تم ذكره وانه قالها حين غزاء بن رشيد قباائل سبيع

انا سألت احد الرواه عن هذين البيتين وقال لي بأنه نعم هو ذرباان وذرباان هو من ال مسفر من المشااعبه وهو من المغااتير من اجداد محمد بن جساار ال مسفر وراشد بن مهدي و و و

ومحمد بم جسار لديه ولد اسمه ذربان وهو مسميه على ذربان قاائل البيتين

لذا اتمنى منك اخي الرااعي التأكد من الوالد ابو شقران عن صحتهااا لأنه صار فيه التبااس ..فليس من العدل هضم حق واحد تفي من زمان ونسب احديته لشخص ثاني...

الغرض هو فقط حفظ حق الفاارس وسواءا كذا ولا كذا الغرض هو التأكد فقط لا غير

المعذره على الاطااله اخوي الرااعي واتمنى منك ان تسأل ابو شقراان

تحيااتي لك اخي العزيز

[سعد بن جراش]

بسم الله الرحمن الرحيم

الله يجعل مطلق من عباده الصالحين ويجعله عون ٍ لابوه

كفو بالمسمي والمسمى عليه

سلمت يمينك يالراعي على نقل قصيدة شاعرنا جسار بن حمود

وصح لسانه وترانا ودنا بتواصلك معنا في منتدى الشعر ياطويل العمر

لو كان مما تحفظ واعذرنا على تقصيرنا


تقبل تحياتي وشوقي لمقابلة شخصك الغالي

[البدر]

الراعي



لاهنت على نقل القصيده الطيبه وسلمت يمناك وصح لسان الشاعر جسار بن حمود ملاييييييييييييييين , وجعل الله مطلق من عباده الصالحين الحافظين لكتاب الله والبار بوالديه , والدهاسي مطلق يستاهل انه يسمى عليه راعي علم غانم ومعروف بين الرجال بالطيب والعلوم الغانمه .




تقبل تحيات اخوك البدر