((( عـقـد الألمـاس )))

[الحميدي السويدي]

سر ياقلـم وأكتـب جديـد المعانـي=أكتب جديد الشعر من فكر وإحسـاس
من فكر ابن بلعوس هـات السمانـي=هات البيوت اللي كما عقد الألمـاس
اللي تجمّـل عنـد قاصـي ودانـي=مثل الدرر مصفوفةٍ بيـن الأقـواس
نظمتها من هاجـس ٍ مـا عصانـي=من هاجس ٍ يلعب على كل مـرواس
من هاجس ٍ عشره ماترجـع ثمانـي=لاطالت الطرقة على أقصار الأنفاس
قريحتي مـن فضـل ربٍ عطانـي=تفرح ليا ولمـت حبـر ٍ وقرطـاس
وأبعد هدفها عـن أدروب الطمانـي=لي شيمة ماهيب ترضـى بالأدنـاس
لاشفت من يرجـم طـوال المبانـي=جنّبت عن دربه وأنا رافـع الـرأس
عن الخطـأ عقلـي ودينـي نهانـي=ما والله أجاري خطأ كل مـن هـاس
أدرا مقامـي والــردى مانـوانـي=تلب الردى ماهوب للرجـل نومـاس
وعجفـا رفيقـي ماتزعـزع كيانـي=لو كان أشوفه للخطأ يضرس أضراس
أحلم عليـه ولـو بهرجـه دهانـي=أخير من لطمه قـدم كـل الأجنـاس
يفـرح عليـه مدوّريـن الهـوانـي=وأنا السبب في كسرته طيّب السـاس
ولابـد ماينـدم لاطـال الزمـانـي=لاميز الوافـي عـرف كـل هـلاس
وترى الجهل يغوي فصيـح اللسانـي=كم واحدٍ مـن سبتـه ذاق الأتعـاس
وربعي بني عمـي طـوال اليمانـي=ماطعت في هم كـل مفسـد وبـلاس
هم محزمي لمتـس حبـل البطانـي=في ساعةٍ لاهـب للخـوف نسنـاس
أفخر بهم فـي كـل وقـت ومكانـي=وأنا سندهم لاحصل في الزمن بـاس
في ماقفٍ يبـرز عريـب المجانـي=لاضاقت الدنيا علـى كـل قرنـاس
هذا الصحيح وزبـدة الهـرج بانـي=ياللي تدقق فـي الجواهـر والألمـاس

[فاهم النظرة]

سر ياقلـم وأكتـب جديـد المعانـي
أكتب جديد الشعر من فكر وإحسـاس
من فكر ابن بلعوس هـات السمانـي
هات البيوت اللي كما عقد الألمـاس
اللي تجمّـل عنـد قاصـي ودانـي
مثل الدرر مصفوفةٍ بيـن الأقـواس

صح لسانك يا ابو سعد على هاالشامخه وبيض الله وجهك على الجزاله الي ماهي مستغربه منك يا شاعرنا الفذ

[ابومحمد11]

صح لسانك يابن بلعوس
قصيده جزله كلها درر والماس كما اسميتها
صح لسانك مره اخرى

[الحميدي السويدي]

المشاركة الأصلية كتبت بواسطة فاهم النظرة

سر ياقلـم وأكتـب جديـد المعانـي

أكتب جديد الشعر من فكر وإحسـاس
من فكر ابن بلعوس هـات السمانـي
هات البيوت اللي كما عقد الألمـاس
اللي تجمّـل عنـد قاصـي ودانـي
مثل الدرر مصفوفةٍ بيـن الأقـواس

صح لسانك يا ابو سعد على هاالشامخه وبيض الله وجهك على الجزاله الي ماهي مستغربه منك يا شاعرنا الفذ

ابو سيف صح بدنك ووجهك أبيض يالوافي ولاهنت
على مرورك العطر وتقبل تحياتي وتقديري,,,

[أبـــو ســعــود]

شاعر يابن العم

[خالد بن عياش]

ابن بلعوس صح لسانك


ولايستغرب الالماس من منجمه قصيده طيبها من طيب راعيها


تقبل خالص الود

[الحميدي السويدي]

المشاركة الأصلية كتبت بواسطة ابومحمد11

صح لسانك يابن بلعوس
قصيده جزله كلها درر والماس كما اسميتها
صح لسانك مره اخرى

ابو محمد11 صح بدنك يالقرم
ولاهنت على مرورك العطر ,,

[الحميدي السويدي]

اقتباس:
المشاركة الأصلية كتبت بواسطة أبـــو ســعــود

شاعر يابن العم

ماعليك زود يابو سعود