بسم الله الرحمن الرحيم
السلام عليكم جميع
كل منا يعلم الطفره اللي صايره في السعوديه والله يديمها ويطول في عمر ابو متعب ويرحم ابو فيصل
منيب مطول عليكم زبدة الموضوع
ان وزارة التعليم العالي منزله اكثر من عشره الاف بعثه للولايات المتحده الامريكيه في جميع التخصصات وجميع الدرجات بداية من البكالوريس والماجستير والدكتوراه
واغلب الجميع لا يعلم عن هالشي والطلاب المتقدمين كثير جدا والقبول سهل جدا للحصول على البعثه
كل ماهو مطلوب هو انك حديث تخرج ومعدلك زين وتسوي عندهم اختبار سهل ان شاءالله تعديه من دون مشاكل
التقديم يكون عن طريق الانترنت وقد قبل الكثير الآن وباقي كراسي فاضيه كثير
ومن باب انكم ابناء عمومه فاللي يشوف في نفسه انه رجل مستعد للغربه والدراسه فليتقدم وانا جاهز لأي مساعده مطلوبه سواءا من قبول الجامعه او غيرها في الولايات المتحده والا الآن السبعان اللي راح يجون ثلاثه فقط ؟ اثنين منهم ابناء عمي والثالث من حاضرة سبيع ..وممكن ان الكثير مايعلم شي عن هالبعثات
ملاحظه : البعثه من ظمنها دراسة سنه كامله لغه انجليزيه وبعدها تدخل التخصص ومكفول المصاريف سواءا من تذاكر , راتب شهري ومصاريف الجامعه , والتأمين الصحي وغيرها من المميزات
لمزيد من المعلومات الاتصال على وزارة التعليم العالي
المساعده موجهه لشباب سبيع والسهول في المقدمه
للمساعده بإمكانك المراسله عن طريق الايميل في التوقيع
أخوكم مذكر العويد
غير متصل
