[عـقيـد الـقـوم]

مشكور يبن قاعـد على الموضـوع الرائـع

ومشكور ايضـاً يبو عمـر على اختيارك للموضـوع

وانا برأيـي الصريـح ان سبيـع ما استفادة من هالولاء الزايد الي هم في غٍنا عنـــه تدرون ليــه ..؟

جـ : لأن سياسـة الحكومـه غاديه ولالهـا سنـع ، سياستهـم بعّـد الصديـق وقربّ وعـز العـدو

ومدري ليش اتخذو هالسياسـه يعني يبون كل القبايل تعصي عليهم ولا كانو يبون ان كل القبايل تحارب عبد العزيز مبطي ..!!!

وصدق اللي قـال :

حـنّـا لحكّـام الجزيره مواليــن = لاكـن والله ما نفعنـا ولانـــا

وان عوّدت للعلــوم ما رسّـا هالدولـه وخلاهـا تقـوم الا الله ثم سبيــع

هم اللي ساندوه في كل معاركه وكان بيرقهم في اول الجيش معه ولا ضيّقوبه عدوانه فكّـوه من الموت
واظن عياله خابريـن عبد العزيـز يوم رموه العجمان في وقعة كنـزان ثم طاحت قصبانه وجاه واحد من السبعـان اللي معه ومعروف اسمه واشتاله من بينهم ،، بالله من يسوّي هالسواه من اللي بيثني دونه في هالموقف اللي كلّـن بيهابـه ، والله لو ان الي معه واحد من قبايل معزّزه هالحين ان يهج ويتركه

وفي وقعات واجد هم اللي مساندينه وواقفين معه حتّى في فتح الرياض اغلبهم سبعـان

وقد جـا كلام حول هالموضوع في مجلس الأمير سلمان وهو في جلسه خاصّـه مع خوياه وقال والله ثم والله ان لولا لولا سبيع ما قامت هالدوله قال واحدن عنده منهو كلامه ذا قال سلمان هذا كلام ابوي عبد العزيز ، ووالله ان هالسالفه صحيح وحاظرينها ناس


والحمد لله فعولنها مبطي معروفه ومخبوره وتهيّب الريجيل وكان بالأمكان تخلينا عنه لاكن طلب مساندتنا وحنّـا عز الله ماقصّرنـا معه وقفنا معه لين قوّمنا هالدولـه

8

وبيّـض الله وجه مصلط يوم قال هالكلام قدّام الأمير اللي نشده عن هالموضـوع

وترا يبو عمر ولانا مثل ولا القبايل الثانيه ما زاد عنها بشي اللهم ان معزّتـنـا بقلوب الأسره الحاكمه نتيجة مواقنا معهم مبطي وإرسائـنـا للـدّولـه وحنّـا ما نجازي الطيّـب الا بكل خير وطيب ، على ان والله بعض الطلبات مهيب تعجّل لاطلبناهـا لاكن هذي الدنيـا



اخيراً هذا رأيـي وابديتـه بكل ( صراحـه )