أهل الغريف والمكاحله يصدون الأتراك؟؟

[المرهي]

المشاركة الأصلية كتبت بواسطة الزعيم الأول

شكرا على النقل الرايع وبودي انك بينت اسم الشاعر ومنهم اهل الغريف من اسبيع اللي واجهو الاتراك مع ال عميرلكي تكتمل المعلومه الله لايهينك تقبل مروري

اخوي ( الزعيم الأول ) جزاك الله خير على مرورك الكريم


بالنسبة لاسم الشاعر : ما ادري الله اعلم


بالنسبة لأهل الغريف : فهل يوجد غير ( بني عمر ) ؟؟ ، تحياتي لك .

[فتى خدان]

المرهي / جزاك الله خير ولاهنت .

[المرهي]

فتى خدان ، جزاك الله خير ولاهنت على مرورك الكريم .

[خيّال العرفا]

مشكور وما قصرت ولا هنت

[المرهي]

المشاركة الأصلية كتبت بواسطة المرهي

بسم الله الرحمن الرحيم

ال عمير اللي تـداحـم جـمـوعـهـم = تـديـحـام سـيل ضـاق بـه منحـاه

نـسـيـك يـاغـرس الغريف بدمـهـم = تـشـرب وعـقـب الـري عـلينـاه

السلام عليكم ورحمة الله وبركاته : أعضاء وزوار منتديات سبيع الغلبا ،


في إحدى السنوات الفائتة غزا أحد القادة الأتراك بجنوده على سبيع أهل الغريف يريد كسب حلالهم

وإخضاعهم تحت نفوذه فاستعدو له سبيع حيث وضعوا أبنائهم ونسائهم بمكان امن في أحد الجبال

الشاهقة ويسمى { القوس } ثم ارسلو ا لسبيع في وادي المياه وما حوله خصوصاً { ال عمير }

يستنجدون بهم فأتى فايز بن دغيم من شيوخ المكاحله بفرسانه ومن معه من ال عمير ودارت

الحرب الضروس وحصل قتال شديد أثبتوا فيه سبيع علو كعبهم في المعارك وشجاعتهم وفروسيتهم

وقدرتهم العالية على هز صفوف الأعداء مهما كانت قوتهم وعددهم وقد انهزم الأتراك في هذه

المعركة وعادو يجرون اذيال الخيبة والهزيمة

{ والغريف منطقة تابعة للخرمة }

وقد قال أحد شعراء { بني عمر } من سبيع أهل الغريف {{ قصيدة ترسم صورة واقعية لمجريات

الأحداث وتسلسلها}} حيث يقول :

جـانـا شـريفٍ من اسـطنبول صايـل = نـجــم ثــقــيـل مـحــدٍ يــقــواه
جـانـا وحــنا في الـغـريف المسمى = فـي ورث ابــونـا مـحـدٍ عـاشـاه
جـانا وشلنـا سـروجـنـا فـوق خـيلنـا = وانــشــق حــربٍ مــحـد يـرفـاه
وجـونـا وشـلنـا عـيـالنـا فـي جبالـنا = فـي{ الـقـوس} عـسرٍ محـد يـرقاه
وخذيـنـا وطـرشـنا الشـلايـل لـربعنا = فـي رقـة { الشايل } ووادي المـياه
يـستــنجــدون { بـفـايز } بـن دغـيـم = شــيـخٍ يـعـدي عـن حـمـاه قــنـاه
قايـد مـكاحـلةٍ لـيا ضـبضـب القـهـر = مـدابـيـس غـدرا وفي الـطراد رماه
ال عمير اللي تـداحـم جـمـوعـهـم = تـديـحـام سـيل ضـاق بـه منحـاه
جونا يسوقون الضعـاين مـع الـقـرا = يـــاطــون خـــدٍ مـحــدٍ يـــاطــاه
لاكـن صفر الخيل يوم نـاحـرت لنا = جــبـالٍ غــطـاها الـنـو مـن منشاه
ودارت الـحـرب الضروس الطاحنة = ونـو الـدخـن غـطى أرضـه وسـماه
وصحنا على حمر الطرابيش وادبروا = وهـزمـنا جـيـوش الـترك وعـمـلاه
لاكـن جـثايـا قـومـهم في طـوارفـه = تـشـدي غــثا الـوادي عـلى المنحاه
كـلـه لـعـنـا غــرسـنا مايـل الـحـثـر = الـلـي غـزوه يـقـلعــون جـثـاه
نـسـيـك يـاغـرس الغريف بدمـهـم = تـشـرب وعـقـب الـري عـلينـاه
حـقـه عـلـيـنـا مـثـل مــا ســوـيـنـا = وان كــان هذا ما أقـنعه زدنـاه
وأقـفى يجـر مـن الهـزيمه ذ ـيولـه = وتـــــدُور الـــبـاشــا ولاتــلــقـــاه

ارجو أن اكون قد وفقت في هذا الموضوع فأن اخطأت فهذا من الشيطان

وإن وفقت فهذا من الله عز وجل ،

وسلامتكم ياربعي الغالين


اخوكم >>>> المرهي السبيعي .

خيّال العرفا / جزاك الله خير ولاهنت على مرورك الكريم .