نصيحة للشاعر ناصر بن ماجد

[قطّاش بن جبر]

الشاعر ناصر بن ماجد الفراعنة السبيعي شاعر كبير
والله يرحمه
وبيض الله وجهك يا قوي العزايم
ولكن البيت الاول تراه

شباب طغى واصبح على المسلمين ذنوب
’’’’’’’’’’’’’’’’’’’’’’’’’’’’’’’وصرنا ليا ولد الولد ما فرحنابه

[سعد بن جراش]

بيض الله وجهك ياقوي العزايم


ورحم الله الشاعر ناصر بن ماجد وكل موتى المسلمين


قصيدة من الروائع التي يحفظها الكثيرين ممن يحرصون على متابعة الشعر وجزيله

[ناصر المديري]

الله يرحمه ويجعل مثواه الجنة

قصيدة رائعه وتشرح الوضع الحالي للشباب ..

وبيض الله وجهك يا قوي العزايم

[مصلح ربح]

جزاك الله خير على نقل ها النصيحه الطيبه ورحم الله الشاعر ناصر
واسمحلي على تنسيق القصيده

هـذا شبابٍ جـاء على المسلمين ذنوب= وقمنا ليا ولد الـولـد ما فرحنـا به
شبابٍ تدهور واعتنق مـذهب مقلـوب= يقلد على النسـوان في فصلـة ثيابه
َرجالهم يظهـر هبالـه بِطـول الثـوب= ويَزعل اليامـن قُلـت ما ِينتصلابـه
أنا أشوف لي ناسٍ تخافـق بـدون قلوب =سواة الطيـور إللي تخافق مـع الغابـة
لا حافظين أمن ولا ناطحـين حـروب =تلاوح مسـابحهـم فقـارا ونصابـه
ولاحتجت منهم واحدٍ ما قضا لك نوب= لا ينتضـلَل به ولا ينتـذرابــه
ومن راح منهم للوظيفة رجع مطلـوب =طوى مرجعه قيده بعد طَـول غيـابه
وركب ددسنٍ فيها ستـاير وقـام يلوب =عسى الله يجنب صالح الناس مـا صابه
وكب الوظيفة والمكاسب شريط حبوب =ولا طاح في درب الردى جاك بأصحابه
وراحوا لأبوه وفتشوا منزلـه بأسلوب= لكن أبوه مخــبره قبـل يدرا بـه
ولقوا بندق الشايب على غاية المطلـوب =وصكوا عليـه وضيـع الفسح ما جابه
تسبب عليه بمشكلـه ما لهـا ماجـوب =وشاف المصـايب كل أبوها من أسبابه
شباب الوطـن ما للرخامه عليـه دروب =لكن المعاصي المظلمـه هـارت أعصابه
غزتنا شعوب الغرب من كل فج وصوب =وظهر مذهبٍ في أسلافنا ما سمـعنـا به
ترى الرابح إللي من جميع الذنوب يتـوب= يحاسب ضميره قبـل مـولاه وحسابه
يخاف الصراط إللي نهار اللقاء منصـوب= وكلٍ يشاهد بالنظـر ويـش بكتـابه
وياللـه ياللي رد يوسف علـى يعقـوب= وذا النون من مثناة حـوت البحر جابه
انك ترجعهـم علـى سنـة المحبـوب =رسـول دعانا للهـدى واقتدينـا بـه

[بدر محمدالسبيعي]

الله انه يرحمك يابو ماجد رحمة واسعه ويسكنك فسيح جناته

والله يالغالين ان هذا الرجل له مكانه عندي وبقلبي وتشرفت بسماعها منه شخصيا

وترى كلن يثني على هذا الرجل ويذكره بالخير وهذي من علامات محبة الله سبحانه حيث ينزل محبته

فيحبونه الناس 000 والناس شهداء الله في أرضه


رحمك الله يابو ماجد0000000000 آمين


وأشكرك ياأخينا قوي العزايم على نقل هذه القصيده والدره الثمينه في بحر الشعر الشعبي



تحياتي للجميع


أخوكم بدر محمد السبيعي

[خالد ال شيخ]

سلمت يمينك على نقل مثل هذه القصائد ورحم الله قائلها

[أبو سليمان]

رحمة الله على الشاعر واسكنه فسيح جناته
بالفعل قصيده انتشرت في الافاق لقوة كلماتها ولصدقها


سلمت يمينك يالقرم اللي سطرت هالقصيده