أنا وين أبلقى يالاجاويد فاعل خير

[مرساال اكلب]

أنا وين أبلقى يالاجاويد فاعل خير = حريصٍ على سرّ المحبين لارسلته
أناّ لوّ أبصبر عام مابان بي تأثير = وهالحين حتّى الصبر يومين ما أحتلته
أنا مثل صقارٍ تولّع بحبّ الطير = ولف قلبه فروخ الصورايم وهبلته
تولعّت في فرخٍ قضيبٍ يتلّ السير = ابيّ نظرتٍ من لفتة الحرّ وسبلته
صغيرٍ بسنّه غير عندي ماهو بصغير = يامغلاه في قلبي وياكبر منزلته
أجمعله سمان الهرج خوفٍ من التقصير = والى جيت ابشرح له كلامي تهيزلته
يجيني منّه هيبه . معزه . سحى . تقدير = اقابله عندي علم وأروح ماقلته

الشاعر /سعد بن جدلان الاكلبي

[المـبـهـم]

مشكور مراسل أكلب على النقل
بس ياليت يكون في منتدى القصائد المنقولة
حسب الشروط والنظام
تـحـيــاتـــي

[واضح]

مرسال اكلب
بيض الله وجهك على القصيدة
رائعة من الشاعر سعد بن جدلان صح لسانه

[خالد الشماسي]

قصيدة رأئعة

قرأتها وكأنني لأول مرة أقرأها


شاعر مبدع وكل قصيده جزل


لا هنت يا مرسال اكلب

[الشمالي 66]

[font=Comic Sans MS[size=

7&#93&#93تسلم يامرسال اكلب وصح لسان ابن جدلان شاعر رائع وننتظر الجديد

[/font][/size]

[مصلح ربح]

مرسال اكلب
بيض الله وجهك على القصيدة
رائعة من الشاعر سعد بن جدلان صح لسانه

[ابوعايض الأكلبي]

ارحب يا مرساال أكلب

ولاهنت على النقل الطيب

وصح السان الشاعر الكبير سعد بن جدلان الأكلبي

ولو سمحت لي وأنا اخوك بتوضيح هذاء الشطر

أناّ لوّ أبصبر عـام مابـان بـي تأثيـر

وابن جدلان يقول / منول لو اصبر عام مابان بي تأثير



تقبل خالص الشكر والتقدير

أخوك

[خالد ابن هرسان]

صح لسانك يا مرسال اكلب ولا هنت على هذا النقل الرائع
وصح لسان ابن جدلان

[خيَّال الغلباء]

صح لسان بن جدلان