صوت ابن جدعان وصدى يوسف السليس

[ابن جدعان]

يــا الله يـاكـاس العـبـال المصالـيـع=من نـو لأمـرك قـال سمـع[ن] وطاعـه
بسمـك بديـت وقبـل لـبـدا المشـاريـع=اسئلـك عفـوك قـبـل بــث الاذاعــه
اذاعــة[ن] درب الـقـداء والتسـانـيـع=عـاده لـهـا فــوق انـقـا والبـراعـه
مذيعـهـا يشـهـر بـوقـت المطـالـيـع=ومستقـبـل الارســال يفـعـل ذراعــه
مــن لابــة[ن] لا طـولـن المواطـيـع=تلقـى بهـم عـلـى المـراجـل ولاعــه
اسليـس مـن مزحـم وابـن روق لا ذيـع=كم من خصيـم[ن] اسـم ابـن روق راعـه
مكـاسـره عنـبـر وكــل الـذعـاذيـع=تشهـد علـى قولـي وحـسـن انطبـاعـه
يوسـف جديـد اللـي يجـنـه مطـاويـع=ابيـات مـا لـلـلاش فيـهـن طمـاعـه
وأبسئلـه بـعـض الـطـرق والمرامـيـع=وش كسبتـة يـا نــور بـيـن شعـاعـه
قفـت بـك الدنيـا وانـا فيـك مـا طيـع=مـن قـال قفـاء عنـك وابحـر شراعـه
وتـراك غالـي يـا عـريـب المنابـيـع=وان غبـت تحضـر سمعتـك كـل ساعـه
لا عـرب الـديـوان مـشـري ولا بـيـع=الا ذكرتـك فـيـه انــا عــن قنـاعـه
والخاتـمـه جـاتـك علـومـي مـلاويـع=عسـاك مـا بـك شـي بعـد القطـاعـه
شرهـة غلا.قصـدي وفاء.قـبـل لاذيــع=وان ذعتهـا ينـصـاك عـلـم الاذاعــه
يـا الله يـا اللـي لـك عبـادك خواشيـع=ياوامـر[ن] بالغـيـث عـقـب انقطـاعـه
محـيـي الاراض الممـحـلات البلاقـيـع=ولاحد[ن] علـى رد أمـرك الـه استطاعـه
حـي الكتـاب اللـي لفـا مــن ينابـيـع=فكـر[ن] زهـى بالمرجـلـه والشجـاعـه
فكـر[ن] يطـوع كايـد القـاف تطـويـع=ويمشـي لـه المعنـى برسـم المطـاعـه
دايـم علـى الرفـقـه يسـوقـه دوافـيـع=والطيـبـه يختـارهـا بـــا قتـنـاعـه
مطبـع[ن] نفسـه علـى الخيـر تطبـيـع=ويمشـي علـى درب القـداء والسنـاعـه
يرسـل حـروفـه فالجـهـازات ويـذيـع=وننصـت لقـافـه لا لـفـى لإستمـاعـه
ومضمـون قافـه فيـه شرهـه وتشجـيـع=ويـقـول فيـكـم ماستـمـع لـلأشـاعـه
وساعـة لفـا جمعـت الافكـار تجمـيـع=وشــوارد الابـيـات جتـنـي جمـاعـه
وقامـت هواجيـسـي تجيـنـي تدافـيـع=وتـواردنــي كـلـهــن بـانـدفـاعـه
وودعتهـن فـي مرجـع الفكـر تـوديـع=وطوعتهـن عـلـى المعـنـي طـواعـه
وطالبـك لا تبحـث ببعـض المواضـيـع=خبـري بمثلـك مــا يـحـب اللكـاعـه
وان شفـت طالـت غيبتـي عنـك اسابيـع=لا تستـشـك ولا يـجـي فـيـك راعــه
تمنعنـي ظـروف[ن] تجيـنـي تنـاويـع=عـن شـوف صدقانـي وبعـض الجماعـه
بوقـت[ن] يلـوع قاسـي الـراس تلـويـع=ويقصـر مـع الايــام شـبـره وبـاعـه
وختامهـا صلـو عـلـى خـيـر شفـيـع=صفـوة قريـش اللـي بـيـده الشفـاعـه

[مروّض]

أخي...ابن جدعان

قصيده رائعة...صح لسانك..

مبطين ما شفنا في المنتدى أبيات قوية مثل هذه القصيده...

تراك غالي يا عريب المنابيع=و ان غبت تحضر سمعتك كل ساعه

نعم فيك و في صاحبك السليس...و يستاهلون الطيبين..كل علم غانم..

بانتظار المزيد أخي ...ترانا وراك وراك...لين يأتي خيرك..

[ابن جدعان]

اخوي مروض

صح بدنك

ولا عليك زود ولا هان الجميع.

وشهادتك تاج على راسي اعتز به.

[ابن شطيط]

وتــراك غـالــي يـــا عـريــب المنـابـيـع
...............وان غبت تحضـر سمعتـك كـل ساعـه
لا عـــرب الـديــوان مـشــري ولا بـيــع
............الا ذكـرتــك فـيــه انـــا عـــن قـنـاعــه

الله عليك يابو فلاح رائع رائع رائع

ابيات عالية المعنى بيض الله وجهك




وان شفت طالت غيبتي عنك اسابيـع
................لا تستـشـك ولا يـجــي فـيــك راعـــه
تمنعـنـي ظــروف[ن] تجيـنـي تنـاويـع
.................عن شوف صدقانـي وبعـض الجماعـه
بوقـت[ن] يلـوع قاسـي الـراس تلويـع
...............ويقـصـر مـــع الايـــام شـبــره وبـاعــه


وصح لسان السليس على ابياته المعبره

صح لسانك اخوي منصور ولاهو غريب الوفاء من انت منه

لاهنت اخوي على هالقصايد الجزله

تحيات اخوك

ابن شطيط

[ابن جدعان]

هلا وغلا يا ابن شطيط

صح بدنك

ووجهك ابيض

وطيبي من طيبكم.