ديرة سبيع متيهين المعاشير

[الحد الجنوبي]

لعل بيت ـن ماتجيه الغنادير

وصغيرين السن ينهد سوره

حيث إن فيه من الجفيا قناطير

ويلايم الاحزان للي يزوره

اسمع صدئ صوت ـن تقول إنه في بير

لاقلت ويش الصوت قال البزوره

قلت البزوره روحو منك عصير

مع خط مكه منتوين ـن عبوره

وقبل الفجر قد عقبوا دمخ والنير

ولفوا عقب رضوان بانت قصورة

ونحوا على دار ـن سقتة الشخاتير

من مدلهم ـن والجنوبي يثورة

ديرة سبيع متيهين المعاشير

قبل يصير الفعل لاخوان نوره

ياما نحو من دونها من طوابير

ولولا المناحا ماتصير معموره

في راية التوحيد تنحا الاشارير

وحسين باشه من سببهم نفوره

هذا كلام الصدق ماهوب تزوير

مواقف ـن بين الرجال مخبوره

وهذ قليل ـن من كثير التعابير

من شاعر ـن نفسه بربعه فخوره

من فعلهم ينبت براسه صعاطير

غصب ـن على اللي دانيات ـن شبوره ..



الشاعر ؛ عبدالله راضي الصميلي السبيعي

[عبدالله الحضبي]

صح لسانك وسلم بنانك ياعبدالله ابيات رائعة

[مشعاب]

يا هلا يا ابو راضي وصح لسانك

الله يردهم لك سالمين