الشاعر اللي.....................؟

[ثواب زيدالحارثي]

	مشاركه من باب التواصل اتمنى ان تنال اعجاب الجميع (الى صاحبي) الشاعر اللي به الهوجاس يزدادي=في كل ليلن هواجيسه يصارعها لوصدرت ساعتين اتجيه ورادي=كن الفتايل وسط صدره يولعها ماتنطفي لو اجر الصوت وانادي= متى على الله توادعني ووادعها ياكاتبي قوم سكر موجة الرادي=حتى تسمع تماثيلي وتطبعها ياحي من هو فهيم ويفهم امرادي=يفهم مراد المعاني من مطالعها العوج لو افعلوها ناسن ابعادي=الد عنها وكني ماأطالعها مير البلا يوم جات العوج تنقادي=من ادنى الاقراب وابلش كيف ارقعها مالي جدا الا ارتجي وصبر افوادي=واندم على ايام عمرن عشتها معها شاركتها في طعام الملح والزادي=ومن قوة الوصل توجعني مواجعها وشاركتها افراحها بأيام الاعيادي=وباجمل تعابير كلماتي اسمعها وانا بلاد المذله ماهي ابلادي=اكب الانذال وافارق مرابعها واعيش مانيب مذلولن وزهادي=والنفس عن مستوا الانذال نرفعها انذال جرح المشاعر عندها عادي=الوقت لو هو على كيفي لسنعها بعض العرب في حياته كنه الغادي=مثل البهيمه يشاركها طبايعها ياكل ويشرب هبيلن حادر الوادي=الناس بيديه ماتمن ودايعها ماجالس امزودين الكيف بقنادي=ماهمه الا هنوفن له يدلعها مايعرف الا مجالس غض الانهادي=القوم لو ناظرت به مايطمعها اطوع النفس تصبر والزم احيادي=لاعاشت ابواقعن ماهوب واقعها يجيك يومن يشرع جوه الهادي=تشريعنا للبيوت اللي نشرعها يوم اتطيب بريح المسك والكادي=وابكي اعيون ماسالت مدامعها ,,,,,,,,,,,,,,,,,,,,,,,,,, شعر ثواب بن زيد الحارثي

[السيف]

صح اللسانك مليون وسلمت يالنشمي

روعه من رواءع الشعر

سجل اعجابي بهذه الشامخه

اخوك السيف

[مفيلحي وعتز]

انور المنتدى هذا منتدى سبيع وكل من حل على هذا المنتدى هو ظيف مكرم ومعزز بكل ما تعنيه هذه الكلمه
وانت من قبيله عمودها الشيوخ وفروعها الاشبال وهي غنيه بأفعالها عن مدحي
ولاكن هم من اتبع المثل (افعل وتكفيك الرجال المدايح)
يسعدنا جداُ تواصلك ونتمنى ان نراك في الاحساء قريباً

[+*رمح العنــا*+]

اررررررررحب ملياااااااااااار يابووووووووووو زيد

قصيده رائعه وابيات منسقه ومعاني جزله وترتيب للكلمات نادر ان تجد شاعر

يفعل هذا الشي



واقولهاااااااااااااا بالفم المليان





صح لساااااااااااااااانك مليار يالذيب وخل عينك على الطياره





اخووووك +*رمــح العنـــــا*+

[ناصر المديري]

صح لسانك وقصيدة جميلة

[محمد بن سلطان]

صح لسانك يا بو زيد .. وسلمت يمناك ..

قصيده جزله ورائعه ..

مرحبا بك بين ربعك واخواك في منتديات سبيع ..

ونحن في انتظار كل جديدن عندك ..

تقبل تحياتي ،،

اخوك
محمد بن سلطان الثوري