الأخ / خيـّـال الغلبا :
اللي يشوفك يقول مولود في راس ضلع , خل صدرك شمالي , وأركد و لا يفور دمـّـك , ترانا نتناقش
في موضوع يا أقنعك باللي تواتر عند الناس , يا تقنعني , و ناصل لحل , وغيرها ما أطلبك و لا تطلبني
دم , إركد و رد على النقاط اللي كتبتها لك و فسـّـر لي ليه الأبيات القديمه تنطق ( الغلبا ) و ( غلبا ) ؟!
و ما يقولون ( هل الغلبا ) , و على فكره ترى الزعل في النقاش صفه مذمومه .
الأخ / جميعان :
زيد الخيل تختلف و لا ينطبق المثل على موضوعنا
الخيل : جمع و الغلبا : إذا سلّمنا أنها فرس فهي إسم مفرد .
يعني مثلاً لو _ جميعان _ ما ودّي أقول زيد لإنه صحابي مع إن الموضوع عادي
جميعان عنده فرس إسمها مثلاً :
العنقا أكيد نبي نقو لك ( جميعان راعي العنقا ) و لو تعتزي تقول : أنا راعي العنقا
من كل عقلك نقول لك : جميعان العنقا ,
حتى على خير إذا كثر نسلك و تسلسلوا نبي نقول لهم : هل العنقا , معقول نقول الجميعان العنقا
اللي حاب أوصـّـل لك إن البدو _ وأنت واحد منهم _ إذا الإسم على فرس أو ناقه يقولون قبله ( هل )
يعني مثلا الجمالين ( هل العشوا ) تخيـّـل نقول : الجمالين العشوا ما تجي .
و ايضا الغلبا في القصائد اللي تعود إلى ثلاث قرون و هم اعرف مني و منك ليه ما قالوا :
( هل الغلبا ) ,,,,,,,,,,, وإرجع لإستشهاداتي الشعريه فأول الصفحه كلها بدون _ هل _
و شف المراجع كلها مؤلفين أجناب مثل منديل الفهيد الأسعدي و محمد دخيل العصيمي و غيرهم
من المؤلفين تبقى قصيدة إبن حميد و الحفيف شاعر العجمان و غيرهم من الشعراء , ليه هاك الحين
يقولون الغلبا , طيـّـب : إذا أخذت برأيك أنها حذفت للشهره , ليه الروله نسمـّـيهم ( هل العليا ) ليه
ما قلنا الروله العليا .
علما أن العزاوي ما تقلب القاب حتى لو بعد مليون سنه ضوئيه لإن الناس تواترت العلم بالشي
فلو كانت إسم فرس ما حذفت كلمة ( هل الغلبا ) و إبدلت ب ( الغلبا )
و بعدين يوم تقول سبيع كلها فرسان أدري و خابر , لكن لو أخذنا بإستماتـتـكم عل أنها فرس ,
كن سبيع ما عندها إلا هالفرس و هي اللي إشتهرت .
مرابط خيلنا المشهوره : العبيات و الكحيلات و الحمدانيات .
هذي المرابط , والإسم للفرس أو الحصان يسمـّيه راعيه .
و تحياتي للجيل الجديد ( هل اللكزس ) .