[ابن باتل]

الاخ خيال الغلبا بيض الله وجهك ورحم الله الشاعر الشاعر واستبيحك عذراً على التعديل

يالله ياللي لـك علـى الخلـق تدبيـر = ياواحـدٍ فـوق العـبـاد إمعـبـودي
ياجابـر العثـرات و العظـم تجبيـر = ياخالـقٍ روحـي و عقلـي و عـودي
لا غيرك أرجي و أطلب إرضاه لاغير = فضلـك علينـا كـل يـومٍ إمحمـودي
إفتـح لنـا بـاب الفـرج و المعابيـر = والأسبـاب سهلهـا و فـك القيـودي
قبل أمس و أمس إمعذِّرٍ في المشاويـر = واليـوم للمطـراش تومـي إفنـودي
ياخف قلبـي خفّـة إملاعـب السيـر = زان الطرد لـه و المضـرّا هـدودي
جذبني البارق و أنا مـا أقـدرأسيـر = مـن يـمّ ريـع سبيـع نـوّه ركـودي
جـذاب نـهّـاب بلـيّـا معاصـيـر = ينثر قراح المـاء و ريـح الـورودي
نبتـه زماليـق النـفـل والنـواويـر = وصيده عذاب القانصيـن الطـرودي
ونجعـه إمتيّهـت البكـار العياطـيـر = ماهُم و حَضـر يجالسـون الهنـودي
يازينهـا لا أنشـت ورفّـت بواكـيـر = قـودي علينـا يـا رفـايـاه قــودي
ذكّـر علـيّ إمسَمِّـر القلـب تسميـر = ماضيٍ هله ما عادهم فـي الوجـودي
أهـل المحبّـه و الرضـا والتباشيـر = المؤمنـيـن الراكعـيـن السـجـودي
قفّـت ضعاينهـم تتـالـى مقاطـيـر = وعنّا أختفوا فـي مظلمـات اللحـودي
و اليـوم و الله عكّـر الجـوتعكيـر = يوم الخَلَف عُقب السّلف مـاش فـودي
ماعـاد فيهـا غيـر دود وعصافيـر = وناسٍ أخس من الرّفـض و القـرودي
شذّابـة الاعـراض دقاقـة الـزيـر = ورى المقفـي مثـل صقـع الفـرودي
وطوا علـى وجـه الثّقـة بالجنازيـر = وعُقب النّقـا عاداتهـم فـي كسـودي
ماعاد مـن الشيمـات مثقـال قطميـر = و لا صغيـر يحتـرم شيـب عـودي
وراس المعاصي وارتكـاب المحاذيـر = إمـخـدرات ورّدوهــا اليـهـودي
شفت وعرفت وعفت من ذا الخنازيـر = وخَطـواه ملعـونٍ نوايـاه ســودي
لـولا صغيٍـر شقّـر القلـب تشقيـر = مالـي شفـاةٍ فـي حيـاتـي و رودي
اخشـى عليـه مـن المحّاذيرتغيـيـر = وصعبـت عليّـه قومتـي و القعـودي
إليّـا ذكرتـه حالتـي فـي تَعَـازيـر = وياعين جودي بأزرق الدمـع جـودي
قلـب العَنَـا مايَبـرده بـارد الـزيـر = والشمـس غابـت مالقينـا انـجـودي
ياسامعٍ هيضـي تـرى العلـم تَذكيـر = يفطن له اللي صاغـرٍ فـي المهـودي
فَقـد الأمانـة دمـر النـاس تدمـيـر = ولا عاد ينشـد راشـدٍ عـن رشـودي
لدْنـى غدالـي غُـدّةٍ فـي الحناجيـر = ولَقْصى لقيته في المواجيـب يـودي
الله يجـازي ساعـي الخيـربالخيـر = الـلـي بنفـسـه للجمـايـل ورودي
لو من بعيـد النـاس جـا فيـه تاثيـر = باللطف كنّـه واحـدٍ مـن عضـودي
حَـس بحواسيـسـي ودَار التفاكـيـر = لـو كـان ماهـو بالكـلام إمْعمـودي
جاني جوابـه مثـل صَـرف الدنانيـر = مَعْنـاه لا آعِــدّه كثـيـر البـنـودي
حَبْكه وسَبْكه يصْخر القـاف تصْخيـر = وبالفكر يَسْبـر كـل معنـىً شـرودي
أقـراه وآ كبـر ورى القـاف تكبيـر = والقلب هبّـه بيـن الأنجـاف نـودي
والله لو أ كتب عنـه تسعيـن تقريـر = ماأوفيه حقـه لـو تقصـت جهـودي
لكن ردّي لـو حصـل فيـه تقصيـر = أشوى ولا أصْبح في الجمايل جحـودي
الله خلـق لإبـن آدم إلسـان تعبـيـر = وعقـلٍ يميّـز جابتـه فـي الـردودي
يـااااااارب وفقنـا بـرأيٍ وتبصـيـر = للخيـر حيـث إمواصلاتـه سنـودي
لاشك في قلبـي مثـل واهـج الكيـر = يكـودنـي وإمْسبّبـاتـه تـكــودي
ولا لي جدأ الا أحرّر القـاف تحريـر = إبــردٍّ ودودٍ فــي كــلامٍ ودودي
ياهل الونيت اللـي عصيـرمحاديـر = ومن بيشة الخير احتسيتـوا الوقـودي
ريضـوا دقايـق يالوجيـه المسافيـر = زيزومكـم بأعطيـه خافـي إسـدودي
إرْسالـةٍ آخـف مـن رِيشـة الطيـر = وميزانها أثْقل مـن صليـب الحيـودي
اليّا وطيتوا سوق رَنْيّـة علـى السيـر = عُوجُوا إلْ شيخٍ في الطلب مايحُـودي
تلْقون دسـم إمدسِّـم إلحـا المناعيـر = أبو مناحـي سـاس طيـبٍ و جـودي
يفرح إليا شـاف القـروم الشواطيـر = وأول كلامـه مَرْحـبـاً يالـوفـودي
تِقْفَى شَحَـم حيـلٍ وصُفْـرٍ مناحيـر = في مجلـسٍ ريحانتـه طيـب عُـودي
وسوالـفٍ إتْقصِّـر الليـل تقصـيـر = حِلـوات معناهـا تـداوي الكـبـودي
عَطُـوه زَرْف إرْسالتـي دون تأخيـر = والباقي أدْرى بـه عريـب الجـدودي
حيثه بخيص و شاعـر مـن شعاعِيـر = وسيـوف هنـدٍ مرهفـات الحـدودي
ماهو مـن اللـي يسمعـون المزاميـر = وحِيري و دِيري ما تَعَـدّوا الحـدودي
قطّـاع فِرجـه و السنيـن المدابـيـر = شـدّت عليـه و علّمتـه الصـعـودي
ربْعـه سبيـع يحتمـون المظاهـيـر = لا طـار سِتْـر إمْحصَّّّّّنَـات النهـودي
ورّادهـم يِدْلـي إحْبالـه علـى البيـر = وخيّالـهـم مايقتـنـع بالـسـنـودي
يوم العرب من بين مأخـوذ وإمْغِيـر = نعْـم إبْ هَـل الغلباءكعـام الحقـودي
قُلته وربْعـي ناهـس وبِـدّي إصغََيـر = في الريع الأقصى ننْطـح ولا نحـودي
ماأحْد خـذا مـن حقنّـا حبّـة شْعيـر = نهـار شرْيـا يـوم قَـدْح الـزنـودي
سِعْد الخوي والجار والمـاروإنجيـر = وتاريخنـا بيـن الرجـال إمْـعـدودي
وشَهران شهران العريضـة سواطيـر = وسيـلٍ يِـدِّم إجْبالـهـا والنـفـودي
حمَّّايـة البـل والغـروس الجبابـيـر = اللـي زَهَوْهـا للمسـيِّـر مُــزُودي
كَرْمـان يـوم إن الليالـي معاسـيـر = وظفران في يوم الزَّحـف والحشُـودي
وكـل سـوق فيـه بـيـع وتسعـيـر = روس العَرَب أنعمٍ بهم في الصّمـودي
واليـوم حُكـمٍ فيـه خيـرٍ وتوفـيـر = الشعـب واحـد والبطاقـة سـعـودي
والغافلـيـن إمحْسّبـيـن الفواتـيـر = دودي عليـهـم يالشيـاطـيـن دودي
ماقـدّروا النِّعمـة خيـول المخاضيـر = ومْـن أوّلَ مـا يـاردون الـعـدودي
عَقِّـب إغــلامٍ مالمعـنـاه تبـريـر = ولا عليـه مـن العـوادي شـهـودي
حَبِّيت أسطر بعض الأبيـات تسْطيـر = من شان بو مناحـي رفيـع العمـودي
لحيـث علمـه عطّـر الجـو تَعْطيـر = وخلانـي أنفِّـذ مثـانـي عـضـودي
يا دَسْـم جِعْلـك ماتشـوف المحاقيـر = ولا الشماتة مـن الكـذوب المـرودي
واسيتنـي والـوقـت والله إمعَيْثـيـر = مَعَ زمـان الصَّمْـت طـوّل جُمُـودي
وتَشْكي وأنا اشْكي من صروف المقادير = وكل حصل له مـن زمانـه إلْهُـودي
يا دَسْم حَدّتنـي الظـروف المواشيـر = من قَبْلهـا سيـف القصيـد إمْغَمُـودي
سـت وثمـان حالتـي حالـة إمحيـر = بيـن التِّميمـي والجفـأ والعـمـودي
قِطْع الرشا وأبطيت فـي جبَّـة البيـر = والذيـب قالـوا إنـه تعشـى سعـودِ
وطالـت عليَّـه بيـن وِرْد ومصاديـر = وبالرسـايـل مايُـوِّنـي قُـعُــودي
وآخر مناخـي عنـد شيـخ المشاهيـر = آلاد مَسْـرد فَقْـع عيـن الحـسـودي
من روس قومٍ تتْعـب الخيـل والعيـر =قَحْطـان مـن تاريـخ عـاد وثمـودي
والشيخ جَعْفر بن جمـل ماقفـه غيـر= لاقال :طـال وجعـل حظّـه يسـودي
عسى له وشـرْواك حـظ ومناصيـر = ويوم القيامة فـي ريـاض الخُلُـودي
ميقـاف جعفـر مايبـي زودتفسيـر = وأنـا أشهـد إنـه قدّهـا والـقـدودي
وصوف حاتم طيّ مـع سالـم الزيـر = مـع حكمـةٍ وديـنٍ ورأيٍ سُــدُوديّ
والطيب والنخوة علـى غيـر تغريـر = في بن شَـري مالـه عليهـا إنْـدُودي
يسعـى لـوجـه الله وأول بُـواديـر = يابِعـد هَقْواتـه صُـدُوق الـوعُـودي
الله يـدلّــه لـلـقـدأ والمـنـاديـر = مـع بـاب حـقّ ولا يجيلـه لُـدُودي
والله يخَتِّـم يابـن هـايـف بتيسـيـر = عُسْـر الليالـي والزّمـان العـنـودي
لا سْبـاب مبذُولـه وأهلهـامداويـر = والخيـر لـه يابـو مناحـي جنـودي
والشيـخ جعفـر نـادرٍ مـن نواديـر = والطّيب والمعروف خير إمحصـودي
وربْعي كرامٍ وفـي اللـوازم مغاويـر = ماواللّتـي يرضـون عنّـا إصْـدُودي
ناهـس وشهـران نهـار المحاضيـر = عجلين في الواجب إسْـواة الفهـودي
لكـن حظّـي يـا دَسَـم فيـه تَدقيـر = فيمـا يُخُصّـه مطْـلَـقٍ وإمعَـقُـودي
قارب لقـارب مابقـى بـه مساميـر = مِيلـة زمــانٍ جعلـهـا ماتـعـودي
هَبَّـت هبـوبٍ عاكسـت بالبُوابـيـر = ولا لقينـا دونـنـا مــن يــذودي
ورحنا إضْحيّه بيـن عَـذّال وإمشيـر = والجيـش يبغـى قايـدٍ لـه يـقـودي
وبنْشـرت يالجـواد ماعنـدي إسبيـر = وطحت وتَهَبَّدنـي الزمـان الهبـودي
وهـذي علومـي ياصبّـي المخاسيـر = والخاتمـة بيـد الكـريـم الــودودي
ولَعلّهـافـي المقبـلات المناحـيـر = لنـا ولـك تقبـل ليالـي السـعـودي
ويادسـم منـي لـك سـلام وتقديـر = رصيـد بنَكـه كـل يـومٍ يــزودي
سـلام كنّـه مـثـل ذوق المغـاريـر = من ضامـرٍ لـك بالمحبّـة حشـودي
لك يالصديـق ورِبعَتِـك والمقاطيـر = وقيف آل محمد عزوتـك والزنـودي
وسـلام لسبيـع السيـوف البواتـيـر = لَدنى ولقصى مـن جميـع البـدودي
تسليمـةٍ إتخضّـر القلـب تخضِّـيـر = عدّ المطر مـن صادقـات الرعـودي
مضمونها أحلا من حليـب المصاغيـر = شقْـح البكَـار إسهِّيفـات الـخـدودي
ترعـى زماليـق الخزامـا الزواهيـر = ما جالهـا بكيـس الشعيـر المحـودّي
و المـعـذره ياقابلـيـن المعـاذيـر = أن كان في بعـض المعانـي نُقـودي
أنا حصل لـي مـن زمانـي دعاثيـر = ومشغول بال مـا أهتنيـت الرقـودي
الفكر تَعْب و خاطـري فيـه تكسيـر = اعدبالسّاعـات بيـضـي وســودي
في ماقفٍ فيـه القـذا والصراصيـر = والباب يقفـل و المـواذي جْـرودي
وصجّه ولجّـه و إرتبـاك وتصفيـر = وغِنـا شبـابٍ مـع مزاميـر عـودي
لا عـادك الله يـازمـان القصـاديـر = مُـخ البشـر مـات وتغـشَّـاه دودي
يا دَسَّم شِعـري لـو تعََـدّى المعاييـر = تَرْني على بَعـض الكـلام إمحـدودي
بِلِشْت فـي شرّايـة الببـس والبيـر = حتـى تـوذّى عابـد مــن إعْـبـودِ
و أنا لـو أن لـي يالسنافـي منافيـر = يابـعْـد مـفـلاي و مـواريـد ذودي
جعل النّشامـا مـا تشـوف المناكيـر = ولا تشـوف المهْزلـه و الـبـرودي
هذا وصلـوا عـدّ ماصـار ويصيـر = علـى نبـيٍّ فـي كلامـه و كــودي