:Untitled-
رد قبيلة بني ثور
على ناصر المشرافي وماكتبه بعض الاخوان في منتدى قبيلة مطير (حمران النواظر )
دون التعرض لشخصه الكريم او قبيلة مطير العريقه
((((معركة الجريسيه))))
والرد على ناصر ملحق المشرافي المطيري
ومانشره في كتابه ( اقوال الشعراء في المدن والصحراء)عن معركة الجريسيه وقوله يوم ذبحة بني ثور
وللحقيقه : في هذه المعركه تم ابادة جماعة خليف وأخذت ابله وقتل مع اخوانه وبني عمه وعبدهم
كما أن المشرافي قال قصيده من انشائه عن الموقعه وتظهر فيها الحداثه
والكلمات الجديده وذكر ان قوة خليف ابيدت وفي الابيات يقول70 شخص من سبيع قتلوا وتضارب في
المعلومات وتحويل الفوز الى هزيمه مع أن مطير في غنى عن مواقف الاخرين فلهم مواقفهم وأمجادهم
يكسبون في مواقع وينهزمون في أخرى مثل القبائل الاخرى وقد التقيت مع كبار السن وأخبروني
بأن الذي قتل اثنين فقط ومعهم شريف وكان خليف مندس في( لغف صخره) وسلط البندق على الاخوان
واقترب منه منير الحضبي حتى قتله بالشلفا كما ذكر المشرافي في كتابه :
يشهد له الحضبي بعد صابه الحيف = يشهد لك انك من عرين الاسودي
وقد كتبنا الى الأخ ناصر المشرافي بواسطة عمدة الرس رسائل نوضح الحقيقه
دون المساس في قبيلة مطير أو شخصه الكريم والمطالع للقصائد التاليه يجد
الحقيقه والصدق
من الاخطاء والمتناقضات التي ذكرها صاحب الكتاب :
1 ـ موقعة الجميما والتي تسمى ب ذبحة بني ثور في الجميما
كيف ذبحه بني ثور والمذبوح غيرهم والكتاب عباره عن اقوال الشعراء
في المدن والصحراء وتخلله ذكر بعض المواقع في نهاية الكتاب 0
2ـ توجه خالد بن لؤي ومعه حشد كبير من سبيع وبعض المرتزقه
كيف مرتزقه وهؤلاء هم الاخوان
3ـ مع خليف 40 من خفاف الابل 00
والصحيح من اطيب الابل
4ـ قضى خليف على سبعة مهاجمين واربعه من خيلهم وثلاث من ركايبهم
ونجا الثامن ومات في الاخير
0والصحيح الذي قتل اثنان فقط من بني ثور وثالثهم شريف
4ـ قال ابن لؤي يابني ثور ذله على حسابي
كيف ذله والاخوان اكثر من الفين كما يقول المشرافي
5ـاخذوا منير الحضبي وخلوه يجرب حظه 0
منير فارس مشهور مايجرب حظه وهو الذي قتل خليف بيده لا بالبندق
6ـ تدور المعركه من الصباح حتى العصر
كيف وقت طويل للمعركه 0
7ـذبح خليف واخوانه وبني عمه وعبدهم وذبح من البيرق 70 فارس
هل هذا من المعقول ؟؟؟؟؟؟؟؟؟
8ـ كسرت يد الحضبي
لم يصب بأي أذى بل هجم على خليف من الامام وهو على فرسه (سرا)حتى قتله بيده
9ـ ملحمة الابطال السته الذين يقاتلون الوف الرجال تحت بيرق الاخوان
هل هذا معقول 0سته ضد 2000
10ـ يقول الشاعر المشرافي:
من فعلك العدوان عادوا مناكيف = الف ويتبعهم ورى الالف زودي
11ـ في القصيده كلمات حديثه مثل وسط الضماير ، تبقى مع الاحفاد ، ذات التواصيف،
الصافنات ، الاسودي ، فخر وتعريف ، تشهد لك انك
هذه القصيده حديثه من تأليف ناصر المشرافي 0
والرد عليه بالابيات التاليه دون المساس بشخصه الكريم او قبيلة مطير العريقه :
قال الشاعر ذعار محمد الثوري السبيعي
يالله ياعالم خفى كل مستور = ياعالم بالبينه والخفيه
حرم علينا الظلم والكذب والزور= والصدق عاده للوجيه الرضيه
وانا سبيع مطوعة كل ممرور= أهل الشجاعه والكرم والحميه
تامن بنا السرفات في كل عثمور= نرعى بها بفياض نجد العذيه
وسبيع فرسان على الخيل ونمور= للجار عز ويتعبون المطيه
وكل القبايل مابهم نقص وقصور = ماننكر أفعال الرجال الوفيه
ويوم الجريسيه غزوها بني ثور= يوم القبايل بين روحه وجيه
عادات ربعي تكسب الخيل والخور= اولاد الاجرب تحتمي كل هيه
غاروا على البل قبل مايطلع النور= واقفوا عليها محتمين السريه
وصيح الصياح وراعي الذود مكسور= قوم شعت ذوده على غير نيه
وخليف حول باذل الجهد مقهور= واركى عليهم صالي البندقيه
وحول عليه منير والبندق تثور= وقضى عليه بشذرة النافعيه
وعوايد الحضبي بالاكوان منصور= وعادات ابو سلطان ينصر خويه
ذبحوا ثنين من بني ثور مخبور= مثبوت بشهود الرجال الزكيه
واقفوا على البل لابتي تقل طابور= والسيل محدن يردعه عن نويه
هذا الصحيح اللي مثبت ومسطور= والكذب للرجال عيب وزريه
فالكتب مخطوط وبالصحف منشور = وقول عليه شهود ماهو دعيه
تاريخنا في نجد راسي ومسمور= كما رست في نجد هضبة طميه
ياناصر الملحق ترى الفعل محضور= كل القبايل خابرين القضيه
النصر للسبعان ثابت ومذكور= وش لون حولته هزيمه قويه
وش لون سته ضد سبعين منعور= مامنهم اللي راح هاك العشيه
ومن الامانه عند كاتب وناشور= عليك هذي يالمطيري خطيه
وان كان تقبل مني النصح والشور=ترد فيما قلت بالواقعيه
لا تعتذر مانت بعلى الفعل معذور = حتى تشيل الغلطه المطبعيه
رجال عرف ومن حموله وشاعور= وش رجعك للسيره الجاهليه
ولاانت بعلى طمس الحقائق بمجبور = وش تستفيد اليا طمست الهويه
الكذب مايبني عمارات وقصور= زور على راعيه حسره وسيه
رجعت للماضي على مشة الزور= مدري وش اللي حرك الشاعريه
يوم القبايل بين ناحر ومنحور= كلن يعرف الطيبه والرديه
عصر مضى باللي حصل فيه مهجور= متروك للتاريخ والذاكريه
واليوم عصر الخير جنات ونهور= في حكم أخو نوره لنا القابليه
بالأمن والإيمان وابليس مدحور= الشعب واحد والقبايل سويه
وقال الشاعر عبدالله بن سعد الثوري السبيعي
ناصر كتبت أخبار ربع بواتيع= أهل الشجاعه والوفا والحميه
عبرت لك تعبير ماله مواضيع= تعبير من بعض القلوب الرديه
الفوز حولته هزيمه وترويع= والكسب غيرته خساره خفيه
يوم الجريسيه وحنا لواميع = قدنا جموع ربوعنا والسريه
الفعل بين والمواقف قواطيع= ماناخذ أفعال الرجال الوفيه
حنا هل الطالات وأهل المداريع= وأهل الصخا وأهل العزوم القويه
من دون وادينا حدينا المجاويع= دار حميناها عن الاجنبيه
دون البلاد ودون غرس مهانيع= نرخص نفوس في المواقف أبيه
ومطير حمران النواظر قواطيع = مايقبلون الزيف ولا الخطيه
جيراننا في الصيف ولا المرابيع = جيرة وفا واخلاص مع مقدريه
انشد هل الوديان مع نجد والريع=والاد زايد واقحطان القصيه
واعتيبه اللي في نزول وتناجيع = كل يقول الصدق من غير سيه
وانشد حضور المعركه والمفازيع= والكسب والناموس عقب القضيه
اثنين ماتوا من رجال صعاصيع = زحول الرجال وماتهاب المنيه
وامطير تسعه كلبوهم مصاريع =منهم خليف اللي تمنى خويه
مع راعي اللغف وصويب المنافيع = غير الجريح وخيلهم والمطيه
وراحت شرايدهم خفاف مساريع= بايمن شعيب المعركه والوطيه
ثم خيموا ربعي بروس المرافيع = فوز وغنايم والمكاسب وفيه
علم وكاد مادخل فيه ترقيع = الشاهد الله والملا والبريه
غير متصل
