التايه اللي جاب بصري يقنه = جدد جروح العود والعود قاضي

[ابن مشعب]

بصري الوضيحي عندما تقدم به السن وأراد الحج وهم بتقبيل الحجر الأسود كانت هناك امرأة وكانت جميلة لكن ( بصري ) قبلها وترك الحجر وعندما عوتب شاعرنا .... أنشد :-

التايه اللي جاب بصري يقنه
= جدد جروح العود والعود قاضي

نهجت أبي من واسع الرزق جنه
= ورديت في عمياي عقب افتراضي

يامن يوصف لي على وصف كنه
= شقحا شقاح ولاهق بالبياضي

أيام جلد الذيب عندي محنه
= يقنب وزرق الريش لهن انتفاضي

لا ريحته قشرا ولا هي مصنه
= ريح النفل بمطمطمات الفياضي

ونهود للثوب الحمر شلعنه
= حمر ثمرهن غارق بالبياضي

ومشجر من سوق هجر مغنه
= على خياطه ناب الأرداف راضي

وشدوا لها من زمل أبوها مضنه
= أشقح يداري خطوته يوم ناضي

شوفي بعيني والخدم يركبنه
= ركبه عليه مقلط باعتراضي

وعزي لمن شقر البني ولعنه
= أركن على قلبه مكاون عراضي

[منصور الحري]

التايه اللـي جـاب بصـري يقنـه=جدد جروح العود والعـود قاضـي
يامن ياعوني علـى وصـف كنـه=أشقـح شقـاح ولاهـق بالبيـاض
لاهيـب لا زفـرة ولاهـي مصنـه=ريح النفـل بمطمطمـات الغيـاض
ونهدين للثـوب الحمـر شولعنـه=حمر ثمرهـن واقفـات غضـاض
ياليت سنـي صاغـر وقـم سنـه=بايـام مابينـي وبينـه بغـاضـي
ياجـرح قلبـي جـرح واد وطنـه=غر المزون اللـي وطنـه وفـاض
البيـض قبلـي محسـن عذبـنـه=ونمر على وضحى جرى له عراضي
عـزي لمـن غـر الثنايـا كونـه=اركن على كبـده كـوى عـراض
شوفـي بعينـي والخـدم يركبنـه=على زعاع يـوم قوطـر وناضـي
فوق أشقح من زمل أبوها مضنـه=ركبه عليـه تشنطـح باعتـراض
بمشجر من سـوق هجـر مغنـه=على خياطـه نـاب الارداف راض
وين انت يامشفى علـى طردهنـه=أنا طويت رشـاي وأقفيـت قـاض

بصري الضويحي

[فـــالح السبيعي]

شكراً لك يالفتى المنصور

وصح لسااان الشاعر بصري

[منصور الحري]

يا هلاوين يابو بندر
أسعدني حضورك

[ابن عفتان]

شكراً لك يالفتى المنصور
والله يكون في عون العود يبي الايام الماضيات يرجعني

[منصور الحري]

مشكور يابن فليح على المرور

[ابن باتل]

بيض الله وجهك على هذا النقل

وتقبل تحياتي

[منصور الحري]

حياك الله أخوي ابن باتل ومشكور على المرور

[مخايل الغربي]

المشاركة الأصلية كتبت بواسطة الفتى منصور

التايه اللـي جـاب بصـري يقنـه=جدد جروح العود والعـود قاضـي
يامن ياعوني علـى وصـف كنـه=أشقـح شقـاح ولاهـق بالبيـاض
لاهيـب لا زفـرة ولاهـي مصنـه=ريح النفـل بمطمطمـات الفيـاض
ونهدين للثـوب الحمـر شولعنـه=حمر ثمرهـن واقفـات غضـاض
ياليت سنـي صاغـر وقـم سنـه=بايـام مابينـي وبينـه بغـاضـي
ياجـرح قلبـي جـرح واد وطنـه=غر المزون اللـي وطنـه وفـاض
البيـض قبلـي محسـن عذبـنـه=ونمر على وضحى جرى له عراضي
عـزي لمـن غـر الثنايـا كونـه=اركن على كبـده كـوى عـراض
شوفـي بعينـي والخـدم يركبنـه=على زعاع يـوم قوطـر وناضـي
فوق أشقح من زمل أبوها مضنـه=ركبه عليـه تشنطـح باعتـراض
بمشجر من سـوق هجـر مغنـه=على خياطـه نـاب الارداف راض
وين انت يامشفى علـى طردهنـه=أنا طويت رشـاي وأقفيـت قـاض

بصري الوضيحي

بسم الله الرحمن الرحيم

المكرم الاخ الفتى منصور السلام عليكم ورحمة الله وبركاته وبعد هناك خطامطبعي باسم الشاعر الا وهو بصري الوضيحي ابو شخير رحمه الله من الوضحان من شمر وشكرا على القصيده وانت سالم والسلام

[أبو حمود]

جدد جروح العود ....

اشهد ان العود قلبه خضر ..
لاهنت على نقل هالرائعه ,,,,,,,,,