الشاعر محمد بن علي بن جغيثم القريشي يصف لحظات وصول العسّاس

[سبيعي وربي الله]

وما يتبعها من تحرك سريع للبدو في حالة معرفة مكان الربيع والحيا حيث قال :

يا زين سوق الجديد وضربة الخوبه=غب المطر لا سمر في الليل براقه
سواقه اللي دليله يبخص دروبه=الموتر اللي عليه النفس مشتاقه
يجيك بالعلم والأنذال ماجوبه=جعله من الصادوف ما يرتاع سواقه
ليلة لفى جلعوا بالبيت وأموبه=واللي يثرّب يتلونه على الساقه
عزي لمنهو وليفه عنه قفوبه=قطعان بدوٍ تمارى في هوى الناقه
قطعان بدوٍ على الصمان مجذوبه=عقب السويبع تبيّن وسط معلاقه
كم مرقبٍ زايفٍ بالنبت حلوبه=أهل قطيعٍ شكى الرجلين ملحاقه
في شف ملحاً زهت بالطوق دبدوبه=ملحاً طويلة عدله ارقاقه
تقول دلةٍ من الرسلان مصبوبه=مترين عظم رقبتها قدم وادقاقه
دايم لحس المودّه تلتفت صوبه=لا سمعته جرت الحنّه بونداقه
يوم الضعيف جداه يحسب ذنوبه=ينبت ويابس خضار العشب ما ذاقه

تقبل تحياتي
اخوكم
خالد بن جغيثم

[خالد الشماسي]

صح لسان شاعرنا الغالي الكبير محمد بن جغيثم


أعترف بأنني كنت أجهل بهذا العلاق


ولكنني ولله الحمد استمتعت بمعلقته المبثوثه على قناة الساحة



حقا هذا شاعر رااااااائع .... شاعر مجيد .. شاعر يجيد الإفتخار


شاعر صادق الكلمة .. يخاطب العقول بشاعرية فذة




اخي خالد شكرا لك على النقل ونتمنى ان يكون لهذا الشاعر ديوان في الشبكة لنستمتع بقصائدة الرائعة



لا هنت

[عـقيـد الـقـوم]

بيض الله وجهك على هذا النقـل الرائع والشاعر محمد ابن علي شاعر كبيـر من كبـار شعار القريشـات

وصح الله لسان ابو علي على هذي الجزلـه

تحياتي .

[جفين الطويرش]

بيض الله وجهك يا سبيعي وربنا الله


وصح الله لسان شاعرنا



وتقبل تحياتي

[النجم السبيعي]

بيض الله وجهك على هذا النقل الرائع....

وبن جغيثم شاعر جزل أمتعنا بقصايده الرائعه على قناة الساحه...

وأرجوا بأن تزودنا بقصايده الطيبه..

تقبل تحياتي....

[الحر النداوي]

لاهنت على النقل اخوي سبيعي

وصح الله لسان الشاعر بن جغيثم شاعر غني عن التعريف ويكفيه فخر انه هو القائل:





نرعى بها جوس ونعنز على السله

مانرتجي للسلوم ندور الجيرة

[خيَّال الغلباء]

صح لسان الشاعر

[خيّال العرفا]

المشاركة الأصلية كتبت بواسطة سبيعي وربي الله

وما يتبعها من تحرك سريع للبدو في حالة معرفة مكان الربيع والحيا حيث قال :

يا زين سوق الجديد وضربة الخوبه=غب المطر لا سمر في الليل براقه
سواقه اللي دليله يبخص دروبه=الموتر اللي عليه النفس مشتاقه
يجيك بالعلم والأنذال ماجوبه=جعله من الصادوف ما يرتاع سواقه
ليلة لفى جلعوا بالبيت وأموبه=واللي يثرّب يتلونه على الساقه
عزي لمنهو وليفه عنه قفوبه=قطعان بدوٍ تمارى في هوى الناقه
قطعان بدوٍ على الصمان مجذوبه=عقب السويبع تبيّن وسط معلاقه
كم مرقبٍ زايفٍ بالنبت حلوبه=أهل قطيعٍ شكى الرجلين ملحاقه
في شف ملحاً زهت بالطوق دبدوبه=ملحاً طويلة عدله ارقاقه
تقول دلةٍ من الرسلان مصبوبه=مترين عظم رقبتها قدم وادقاقه
دايم لحس المودّه تلتفت صوبه=لا سمعته جرت الحنّه بونداقه
يوم الضعيف جداه يحسب ذنوبه=ينبت ويابس خضار العشب ما ذاقه

تقبل تحياتي
اخوكم
خالد بن جغيثم

رحم الله الشاعر وسلمت يد الناقل