مطلوب شاعر فحل يالمطاليق

[بروق الصيف]

أنا في راسي الليله هواجس واجدة وصفوف ***ياالـربـع ويـن الشـاعر اللي يعـرف اسلومة

يـنـزل مـعي الـميدان يفهم في رقم و حروف *** والحر الأشقر صرت أشوفه يعشق البومة

[مقطع الازره]

انا في راسي الليله حراميه وخمس ضيوف === معشيهم على خمسة عشر نجمه ومنجومه

سمعنا يا بروق الصيف بالخافي من المكشوف === قلوب(ن) ما تحسب حسابها ماهيب محشومه

[س ب ع 777]

شعللوها

[بروق الصيف]

هلا بك ما لمى برقة ويرزم راعدة بقنوف **** والهاجس الصايم أشوفة افطر مايبا صومه

والخافي اللي قيمتة كانت على مية وألوف **** اليوم في سوق الحرامية يبيعونة بدرهومه




والعفو منك البارح رقدت

[مقطع الازره]

العفو من الله سبحانه

اقول ابك البقا والسالفه ما بين جلد و صوف ==== وانا ما نيب فيل(ن) ياخذ اللقمه بخرطومه

ليا صار الذهب غالي وصارت للعباد ظروف ===== يبا يقعد محله ما حدن يقدر على سومه

[بروق الصيف]

القبـايل ياقبـايل وين راحت شـرعها معـروف **** أشوف إن الظروف مواتية والحر طول الحومه

وذيك الحبارى طامنة ولا يطري عليها خوف **** مسـتـامـنه بـعقاب حايـم فـي السـماء دومه

[مقطع الازره]

تبيها مثل دم الجوف لا تبلش بدم الجوف === وابن برمان له طير(ن) عليك يمد زلقومه

ابه طير(ن) يحوم وطير ريشه في الشجر منتوف === تخير بين هالاثنين في القعده وفي القومه


بروق الصيف مشكور الله يعطيك العافيه لنا لقاء في محاورات اخرى انشالله

[بروق الصيف]

تسلم وبيض الله وجهك

والفو انا انقطعت اسبوع اكمل كنت مشغوووووووول مافضيت للنت


ومبرووووك عليكم الشهر الفضيل

[شاعر المعنى]

صحت ألسنتكم ياشعار وبيض الله وجيهكم


أخوكم / شاعر المعنى

[ابـــن مهـــراس]

سلمكم رب السماوات والارض من كل شر
محاوره تنحسدون عليها
تقبلو مروري