أنا مهبول وجايز لي هبالي = هبال طيب ولا صحاوة رخامه

[جفين الطويرش]

يمين (ن) عندك حشيمٍ وغالي=ولا حب انا شين يمس الكرامه
نفسي تروم المرجله والمعالي=هذا هدف نفسي وهذا مرامه
هجرت في بعض الشكاله بمالي=بعت الرخامه والشتريت القرامه
وانا مهبول وجايزلي هبالي=وهبال طيب ولا صحاوت رخامه
هذي تواصيفي وهذي خصالي=يقولها اللى ما زهد في كلامه
ان جزتلك فنا الرفيق الموالي=وان عفتني مسموح ومع السلامه
دور وتلقالك رفيقٍ بدالي=وكلٍ تبيه يبي رفقتك ترفع مقامه
وانا مقامي من عزيز الجلالي=وللعز عنوان وللمج هامه
ومتعنزٍ ما بين جدي وخالي=ماني من زرقان ؟؟؟؟؟؟

[جعد الوبر]

مصافحة اولى هذه قصة وقصيدة الشيخ مسلط بن شعيفان الازمع ال ابواثنين مع صاحب السمو الملكي الامير الوليد بن طلال وقصة هذه الابيات هي انهم كانوا مجتمعين فسأل الامير الوليد بن طلال مسلط من اطيب جدك ولا جدي ومن المعروف ان سبيع لهم دور كبير في فتح الرياض فرد عليه ابن شعيفان وقال جدك ونعم فيه لكن مارسّاه على الحكم الا جداني بعدها زعل الوليد وقال انت مهبول فزعل الشيخ مسلط بن شعيفان الازمع ال ابو اثنين وقال هالابيات


يا أمير أنـا عنـدك حشيـم وغالـي
= ولا احب انا شئ يمـس الكرامـه

نفسي تـروم المرجلـه والعوالـي
= هـذا هـدف نفسـي وهـذا مـرامـه

تاجرت في بـاب الشكالـه بمالـي
= بعت الرخامه وأشتريت القرامـه

انــا مهـبـول وجايـزلـي هـبـالـي
= هبال طيـب ولا صحـاوة رخامـه

هـذي تفاصيلـي وهـذي خصالـي
= يقوله اللي مـا زهـف فـي كلامـه

أن جزت لك فأنا الرفيق الموالي
= وأن عفتني مسموح ومع السلامه

دور وتلـقـالـك رفــيــق بــدالــي
= وكـل يبـي رفقتـك تـرفـع مقـامـه

وانا مقامي من عزيز الجلالي
= وللعز عنوان وللمج هامه

ومتعنزٍ ما بين جدي وخالي
= ماني من زرقان ؟؟؟؟؟؟

[عـقيـد الـقـوم]

الـــسـلام عليكم ورحمة الله وبركاتــــــــه

**

كـــان مجس صاحب السمو الملكي الأميـر ../ الـوليـد ابن طـلال ابن عـبد العـزيز مليان من شيـوخ القبايل وصاك بالريجيل سبعان وشمامره ومطران وعتبان

فأراد ان يختبر الشيخ مصلطـ ابن شعيفـان ابو اثـنيـن وبيشوف وش ردّه فـنصّـاه الكلام وقال له : يا مصلط اطيـب جدّاني ولاّ جـدّانـك

فقال مصلط : جـدّانك يا طويل العمر ونعم فيهم ولاعليهم قصـور لاكن مـا رسّـاهم على الحكـم وخلاّ الدوله تقوم ألاّ جـدّاني

زعل الوليد وتغيّـر وجهه فتكلم على مصلط وقام مصلط ونفظ بشته وعطا الوليد ظهره وسفهه ويوم جا بعد كم يوم ارسل مصلط قصيده للوليــد مع حدى العبيـد يقــول فيهـــا ///

يامير انا عندك حشيم وغالي = ولا احب انا شي يمس الكرامه
نفسي تروم المرجله والمعالي = هذا هدف نفسي وهذا مرامه
تاجرت في باب الشكاله بمالي = بعت الرخامه واشتريت القرامه
أنا مهبول وجايز لي هبالي = هبال طيب ولا صحاوة رخامه
هاذي تواصيفي وهاذي خصالي = يقوله الي ماكذب في كلامه
ان جزت لك فانا الرفيق الموالي = وإن عفتني مسموح ومع السلامه
دور وتلقالك رفيق بدالي = وكل يبي رفقتك ترفع مقامه
وانا مقامي من عزيز الجلالي = للعز عنوان وللمجد هامه
مـعـنّـزً مابين جـدّي وخالي = مانيب من زرقان وادي تهامه

**************************

ويوم سمـع الشاعـر الكبيـر ../ ضيــدان ابن قضعـان العرجـاني هذي القصيده ورأى قوّة جزالتها وقوّة حكمهـا جارا مصلط بهذي الأبيـات فقـال :

حييت يا مسلط كريم السبالي = من هول بيتٍ يستحق الزعامه
بيت ن يجوز لطيبين الرجالي = شرواك يارمز الكرم والشهامه
بيتٍ تمنيته وهو ما ينالي = ودامه خطف قبلي فلا لي ملامه
(( انا أتهم أنك سارقه من خيالي = في ليلة قلبي غرق في منامه ))
لو كان وقتي غرني عزتالي = وغديت طير شابكٍ له حمامه
وقت ٍ على كسابه الطيب مالي = يلعب بشيخان العرب لعب دامه
من اول تذرى خشوم الجبالي = واليوم يغني عن ذرا الضلع خامه
ومع كل هذا ما جمعت الريالي = ويهون موتي دون جرح الكرامه
واجود باليمنى وتجهل شمالي = وهبال مسلط يعطي الراس زامه
حي (( مهبول )) صامل ما يبالي = ولا صاحي وقت الشدايد (( هلامه ))
الشعر بنتٍ لابو زيد الهلالي = وبيتك يلوح بخدها كنه شامه
(( أنا أشهد انك سارقه من خيالي = في ليلة قلبي غرق في منامه

---

هذي قصّـة القصيـده الوكــاد .

[فـــالح السبيعي]

المشاركة الأصلية كتبت بواسطة عـقيـد الـقـوم

الشاعر مسلطـ ابن شعيفـان .

شاعر كبير بعيد عن الأضواء التي سلطت على أقل منه مكانه وشاعريه

كم أحببنا هذا الشاعر

وله هذا البيت الذي يعتبر من عيون الشعر

وكثرت الروايات حول قصته ومناسبته

وأعتقد أن روايتك أخي عقيد القوم قريبه جداا من الحقيقه

قالوا هبيل وجايز لي هبالي=هبال طيب ولا صحاوة رخامه

شكراا لك يالغالي على إبراز قصه جميله أثبتت ما يكتنزه هذا الشاعر من شجاعه

قلت مناسباتها وأتذكر أنني قرأت مراسله بين مسلط بن شعيفان

وبين سلطان الهاجري بعد أحداث 11 سبتمبر وكانت قصيدة مسلط تبين مقدرة

هذا الشاعر المبدع على حبك المعنى بطريقه لا يعرفها إلا الكبار مثل سلطان الهاجري

خالص التحايا ياعقيد القوم,,,,

[النـــايف]

نقف للشاعر مسلط أحتراماً

ويعجز القلم عن التعبير .,.

ونشكرك على النقل .

[النجم السبيعي]

مسلط بن شعيفان شاعر كبير حفظ قصيدته الكثير من الناس وأنتشر البيت الشهير له انتشار النار في الهشيم:

أنا مهبول وجايـز لـي هبالـي ***** هبال طيب ولا صحـاوة رخامـه

نقف له احتراما واجلالا على سمعته الطيبه عند الأجناب فهو يلقى الأحترام عند الكثير من القبائل لمواقفه الطيبه والمشرفه ..

تحياتي لك عقيد القوم على تحري السوالف الطيبه اللي تنومسنا وترفع روسنا عند الأجناب..

[عـقيـد الـقـوم]

الأخ العزيــز / فالـح ..,

الله يحيّـيـك يالغالي ولاهنت على المرور العطر والرائع ولي عليك طلـب لو ما عليك امـر ، إذا عندك قصايد ابن شعيفان وسلطان الهاجري يوم يترادون بعد احداث 11 سبتمبـر عطناهـا

**

[عـقيـد الـقـوم]

النايــــف ..

لاهنت المـــرور

[عـقيـد الـقـوم]

المشاركة الأصلية كتبت بواسطة النجم السبيعي

مسلط بن شعيفان شاعر كبير حفظ قصيدته الكثير من الناس وأنتشر البيت الشهير له انتشار النار في الهشيم:

أنا مهبول وجايـز لـي هبالـي ***** هبال طيب ولا صحـاوة رخامـه

نقف له احتراما واجلالا على سمعته الطيبه عند الأجناب فهو يلقى الأحترام عند الكثير من القبائل لمواقفه الطيبه والمشرفه ..

تحياتي لك عقيد القوم على تحري السوالف الطيبه اللي تنومسنا وترفع روسنا عند الأجناب..

هلابك والله يالخوي ..

مرورك يضيـف لموضـوع نكهه اخرى وصراحه مصلط كان ردّه في محـلّــه

تحياتي لك وتقديري

[فـــالح السبيعي]

المشاركة الأصلية كتبت بواسطة عـقيـد الـقـوم

الأخ العزيــز / فالـح ..,

لي عليك طلـب لو ما عليك امـر ، إذا عندك قصايد ابن شعيفان وسلطان الهاجري يوم يترادون بعد احداث 11 سبتمبـر عطناهـا

**

هلا بك عقيد القوم

والله تمنيت طلبك عندي وبحثت عنها في الإنترنت

ولكن القصيدتين منشوره في جريدة المختلف التي صدرت بعد أحداث 11 سبتمبر مباشرةً

وصدقني أنا قرأت القصيدتين ولم أفهم معنى مسلط إلا بعد فتره وعندما فهمت معناه

أعجبني بشكل رهيب صياغة مسلط للمعنى بطريقه تجعلك تعجب بهذا الشاعر