قصيده ترحيبيه بمناسبة مزاين سبيع 1428

[هاجد صنيدح]

السلام عليكم

//

بمناسبة قرب مزاين سبيع سويت هذه القصيده الترحيبيه

وحبيت أضعها بين أيديكم تحسبٍ لعدم مشاركتي في هذا التجمع الرائع أنشالله

والذي أتمنى المشاركه فيه ولكن لانعلم عن الظروف القادمه

يامرحبا ترحــيبة أحباب لأحبـاب= ترحيبٍ أحلا من حليبٍ طبيعي
وأحلى من السكر وطعمه الى ذاب=باللي لفو من كل فجٍ وسيـعي
لاجل المزاين جو من كل الأحداب =مسكرينٍ كل دربٍ وريـعي
وسلام للغلباء عريبين الأنساب = سلام خص لكل منهو سبيـعي
وسلام للحاضر ومـــثله للأصحاب = وسلام منا للقبايل جميـعي
وسبيع دايم للفخر تفتح الباب = ولهم براس الطيب حصنٍ منيـعي
أرداهم اللي للنـعم دوم كساب = لاجا نهارٍ به يشيب الرضيـعي
ربعـي الا مـن صار بـــه حزم كلاب =تاطا على الكايد وغصبٍ يطيـعي
تقدم وتارد كان ولد الردي هاب = بأمانهم بالخوف يرعى القطيعي
للجار ريف وجارهم لو ماصـاب = الجار حقه عندهم مايضيعي
وأصدق مثل وأحدث مثل عتق الأرقاب = عــتقٍٍ جديدٍ بــه يذيــع المذيـعي
إبن دهـيم اللي خذى كل الإعجاب = اللي عفا عن جار بيته سريـعي
قــال أطلقـوه بدون جـاهٍ ولا أسباب =إلا لوجه الله وحسن الصنيعي
والثانيـه لإبـن دهيـمان ثلاب=اللي لجاره مشتري مايبيعي
يومٍ قصـيره جاه ضايــق ومرتاب=فزع معه فزعة رفيقٍ مطيعي
وعبيد بن صنهات للطيب طلاب=قصته مع دواس فعــلٍ رفيعي
يومه ورد دواس للعد ماخاب=عقب الشحم صدر وصدره وسيعي
وأهل العشر يومنهم وسط الأجناب=فكو ركايبهم بفعلٍ شجيـعي
وفهيد قبره فك له قطـعة أشناب=من طيب ربعه صار قبره منيـعي
واللي غزو بغداد فرسان وأنجاب=من شان بادي جـوه ربعه فزيـعي
هذا كلام الصدق والصدق ينجاب=فعلٍ عليه شهود ماهو خديـعي
أفعالنا ماظن يكفـي لها كتـاب=ولاهو غريب الطيب عند السبيـعي
ذي بعضها واللي بقى مالها حساب=وصلو على اللي للخلايق شفيـعي

[منصور الحري]

صح لسانك ياهاجد

[وافي السبـيعي]

بيض الله وجهك

وصح لسانك

هذا كـــلام الصدق والصدق ينجــــــاب = فعلٍ عليه شهود ماهو خديــــــــــعي
أفعالــنا ماظــــــن يكفـي لهــا كتــــــاب = ولاهو غريب الطيب عند السبيــــعي


تقبل مروري

وطابت ايامك

[عـقيـد الـقـوم]

الـشاعـر الكبيـر .. / هــــاجـد ابـن صـنيدح ..

تحيّــه طيّـبه وبـعـد : ـ

بيّـض الله وجهك يالقـــــرم على هالقصيـده اللي والله ان لمـة جزلـه قليلـه في حقّـهـا


وصراحه كل بيت يعجبني اكثر من الثاني ولكن اشد ما عاجبت بهالقصيده هذي الأبيـات الرائـعه /

وأهل العشر يومنهم وسط الاجــــــنــاب * فكو ركايبهم بفعلٍ شجيــــــــــــعـــي
وفهيـد قبره فــك لــه قطـعة أشنـــــــاب * من طيب ربعه صار قبره منيـــــعــــي
واللي غزو بغـــداد فرسان وأنــــجــــــاب * من شان بادي جـوه ربعه فزيـــــعــي


سـجّـل اعجابي في هذي الجزلـه

والبتووفيـق انشاء الله يا شاعرنـا العزيـــــــز .

[هاجد صنيدح]

منصور الحري
صح بدنك لاهنت
وتقبل تحياتي

[جفين الطويرش]

صح لسانك الاخ هاجد صنيدح وقصيدةً جزللللللللللللللللله
من شاعرٍ جزل ولا هي غريبه منك لبني عمك


وسجل اعجابي بقصيدتك


تقبل تحياتي

[القريشي1000]

صح لسانك

[هاجد صنيدح]

وافي السبيعي
صح بدنك لاهنت
تحياتي

[فـــالح السبيعي]

هاجد بن صنيدح

صح لساااااانك مليون

قلت فأبدعت وأستأذنك في تنسيق ونسخ هذه الفااارعه

إلى منتدى القصاااائد المميزه

وبالتوفيق ياهاجد

[هاجد صنيدح]

عقيد القوم
صح بدنك لاهنت
وتقبل تحياتي