يا ابن سلمان ما تهدي لي تعميرة=كود مز الزقارة يطرد الهم عني
قالوا الناس (ريض) قلت ياربي الخيره=كيف (اريض) وبعض البيض ما (ريضن)
قالوا الناس شايب قلت ماهوب عيره=العذارى بنجل عيونهن شيبن
مل قلب تولع با لمهاة الصغيرة=والنهود بحشاها تو ما بينن
ان مشت با وسط الخفرات ماهى القصيرة=واطول البيض با لمقعد ليا قعدن
عينها عين حر شاهر من مطيره=شاف جول الحباري في البطين ادرجن
وراسها ذيل شقرا شعشعت للمغيره=يوم صاح المصيح والجموع زبرن
ناصر.. القلب شبت فيه مثل السعيرة=كنتي الازرق الدخان شغلي وفني
حسبي الله على من لد خلي بجيره=يوم حسب جدوده قال مهوب مني
طبت وطاب مقالك ودام لنا قلمك
ننتظر المزيد من حضورك المميز ..
تحياتي وتقديري
" دمت في حفظ الرحمن "
تباً لبـدر صفـوق تبـت يدينـه
من سود قلبه فاح ريـح الضغينـه
والحاسد اللي مثله نطـس عينـه
عاداتنا غمض العـدا وأي عـادة
عاداتنا يالاش من ماض الأزمـان
من قبل راكان وعلى وقت عجران
ولازال نعشق لبسة الجوخ يافـلان
من شان ناصر لو نضـد القيـادة
لو ان ابو فارس طلب راسك الحين
يجيه راسك ميـر قيمتـك ياقيـن
أنته ثمنك أربـع ريـالات بالديـن
وعينك كما يابدر عيـن الجـرادة