اخواني السلام عليكم ورحمة الله وبركاته
من عبر هذا المنتدى الغالي والعزيز على قلوبنا جميعا اوجه ندائي هذا إلى عنزه كافه واخص بها اصحاب الشان ارجو ان يرزقنا الله وياهم اجر اعتاق هذه الرقبه المسلمه التي فرضت عليها الجريمه وعنزه قوم لا يضيع الحق بينهم والله يعلم مالا يعلم الخلق
ومن هذا المنطلق ومن باب من لايشكر الناس لايشكر الله وبحكم قرابتي بالسجين ودرايتي بالقضيه كامله وبمن وقف معه وبمن حاول اعتاق رقبته فانني ونيابه عن كافة قبيله بني رشيد بالمملكة العربية السعوديه وتحديدا بديارها ( حايل والقصيم والمدينة المنورة) وبكافة الوطن العربي اشكر شيوخ قبيلة بني رشيد وقبيلة سبيع وقبيلة عنزه وقبيلة شمر وقبيلة عتيبه وقبيلة حرب وكافه شيوخ القبائل الذين توسطوا لأعتاق السجين من القصاص كما اشكر اصحاب السمو الامراء وعلماء الدين وكافة من حاول ويحاول لاعتاق السجين بندر شباب الرشيدي
هذه القصيده للشاعر فوزان بن عوض الرشيدي وهي نداء لوالد المقتول عقيل بن بشير البجيدي العنزي بالعفو عن السجين بندر شباب الرشيدي عسا ان يلين الله قلبه ويعتق هذا الشاب الذي ارتكب جريمة القتل بلحظه غضب ودفاعا عن اخيه ولكن ماشاء الله كان ومالم يشلء لم يكن والحمد لله على كل حال
بديت بسمك يالولي عالـي الشـان=ياواحـدٍ مافيـه معـبـود غـيـره
ماغيرك احدٍ عالـم سـر الانسـان=والغيب تعلـم فيـه شـره وخيـره
يالي خلقت الكون والانـس والجـان=ياجابـر ٍ كسـر العظـام الكسيـره
اعوذب بك من شر حاسد وشيطـان=شـر التكبـر والوجيـه الشريـره
وارسل ندى لهل الوفاء عقب شامان=يـا اولاد وائـل ياشيـوخ العشيـره
ويلان لا وردو على الموت ويـلان=سعيـرتٍ ياويهـا مـن سعـيـره
تضفي على الويلان شايب وشبـان=اهل المواقـف بالليالـي العسيـره
انتم اهل الطـولات ذربيـن الايمـان=اهل الشجاعه والسيـوف الشطيـره
وترسل عليهم عودٍ ازرق وريحـان=بسم السجين اللـي حياتـه خطيـره
عمي البصر وقت الغضب والقدر حان=مصيبتـن بيـن القصيـر وقصيـره
والله جعل للخيـر والشـر ميـزان=ياخوات مهـره يالوجيـه السفيـره
ولوتكتب الغلطه على كـل غلطـان=تعقـدت كـل الحـلـول اليسـيـره
وانا بحاجة فزعتـن شانهـا شـان=وانتـم رجـال الاولـه والاخـيـره
جاكم تنازل مـن محمـد شويمـان=كبرت وزرتونـا وصـارت صغيـره
ومن خلقت ادم والخطا طبع الانسان=والطيـب يبقـى والرحـا مستديـره
وهـذي تذكرنـي بفزعـه لعمـران=ياعنـك والله عنـد عمـران جيـره
جاره غريم لـه وسامـح بليهـان=يـوم ابتلـى جـاره ابلـوى كبيـره
وراع الردى مافيه نخـوه ومزبـان=عينـه بصيـره والايـادي قصيـره
ولطيـب منزلتـه وللفعـل عنـوان=لاعطبـت بيـن العشيـر وعشيـره
ويابن بشير انتـه وشبـاب جيـران=وللعفـو منزلتـه وللجـار جـيـره
عليك جاه اللي خلـق كـل ماكـان=الواحـد اللـي عالـمٍ بالسـريـره
وبجاه ابو متعب ونايـف وسلطـان=سلطان عـادل للخشيـر وخشيـره
وعليك جاه الفيصلي نسـل عدنـان=وجاه العروبـه والشعـوب الكثيـره
وتمت وصلـو عـد ماحـان الاذان=علـى نبيـاً حـطـه الله بشـيـره
الشاعر فوزان بن عوض الرشيدي
لاتنسون ابن عمي من دعائكم يا اخواني حيث ان موعد التنفيذ بعد اسبوعين
اخوكم ومحبكم > بجاد بن الحميدي المهيمزي الرشيدي
غير متصل
