قصيدة في كل القبائل المشاركة في جاهية السهول

[سعود الحويدر]

يالهجوس المردمه مثـل الغيـوم=استهلـي مـدح للـي نايفـيـن
يانديبي قوم واخـذ العلـم قـوم=وصله يـم الرجـال الشامخيـن
قل لقحطـان المعـزه والسلـوم=سعد منهـو ينتخيكـم مايهيـن
وقل لا بن حثلين فكاك الزحـوم=شيخ سلطان الفخـر والطايليـن
وقول للي من يعاديهـا مهـزوم=حرب ساس الطيب والمعدن ثمين
وقول للعتبـان يـا عـز يـدوم=ياشيـوخ العـز ياقـوم تعـيـن
وقل لفيصل مروياً حـد السهـوم=الدويش الـي يهـز الصامليـن
وقل ليام الي على الطولى هجوم=الحـرار الـي معاندهـم حزيـن
وقل لحارث قسمهم بين القسـوم=فـوق راس النايفـه متعليـيـن
وقول لبن قويد يالحـر الصـروم=ربعه الـي فعلهـم دايـم يبيـن
وقول للاشراف جاهلها محـروم=نسل خيـر البشـر والزاهديـن
وقل لمن شارك وقدرنا محشـوم=من جميع الناس معنا حاضريـن
قلهم بسـم الزحازيـح القـروم=الذيـاب الضاريـه والساطييـن
عن سهول ترتكي وقـت اللـزوم=بالمكـارم والمراجـل فايـزيـن
وعن سبيع اخوانهم سقم الخصوم=فالمواقـف باسهـم لا مايلـيـن
اتقـدم شكـر لرجـال تـشـوم=قدرونـا واقبلـو جـو فازعيـن
قدرونـا واقبلـو يـم البـقـوم=شاكريـن للرجـال الغانمـيـن
يالله تثمـن خطاهـم يـارحـوم=جازهـم يالله لانـهـم باذلـيـن
باذلين الجاه فـي وقـت اللـزوم=ويالله تحقـق مـراد المسلميـن

الشاعر

سيف بن مهنا السهلي
منقول من مجالس السهول

[دبلوم]

صح لسان الشاعر/ سيف بن مهنا السهلي

ومشكور على النقل ياسعود

[شحيفان بن ملفي]

لاعنت اخوي

وصح لسان شاعرها سيف السهلي

[الودعاني الدوسر]

اشكركم عالقصيده بس احب انوه
ابن قويد ليس امير لقبيلة الدواسر
وشكرا