حديث القلوب( قصيدة التحدي على قناة فواصل)

[هاجد صنيدح]

السلام عليكم
هذه القصيده شاركت بها في برنامج قصيدة التحدي على قناة فواصل أتمنى أن ترضيكم وأتطلع الى دعمكم لي هناك
وتقبلو تحياتي

يامليـك القلـوب ويازعيـم العـرب=والله انك يابو متعب حديـث القلـوب
لو نولـف فحبـك بالقصائـد كتـب=كل مانكتبه في بحـر حبـك يـذوب
منهو اللـي لشعبـه بالمحبـه قـرب=غير منهـو قريـبِ مننـا ومحبـوب
أنت مافيـه غيـرك بالمحبـه كسـب=حب شعبه وحب قلوب كـل الشعـوب
أنت في عيوننا بين الهـدب والهـدب=وبالرضى لك ولانا محد منا مغصوب
أنت أبونا وأخونا وانت خير المحـب=عزنا ياذرانا عـن سمـوم وهبـوب
أنت مجدك تليد ومجد غيـرك غـرب=انت للمجد هامه ماتعـرف الغـروب
أنت صقر العروبه ياعريـب النسـب=وأنت للطيب قددوه لابسك لبس ثـوب
أنت طيبك طبيعـه والله اللـي وهـب=الله اللي وهب لك قلب مابـه عيـوب
يتسع للوطـن ويشيـل عنـا التعـب=شرق والا شمال وغرب والا جنـوب
يشهد الله وتشهد لـك جميـع العـرب=إنك الحاكم اللـي بالمواقـف تنـوب
خادم البيت لااشتـدت علينـا الكـرب=هو ملاذٍ لشعبه وقت سلـم وحـروب
ولادعانـا ملكنـا لـه نلـب الطلـب=لادعانا نجي من كل حـدبٍ وصـوب
من مواطن بسيط إلين أعـلا الرتـب=كلنا صف واحـد والفـوارق تـذوب
كل شعبٍ تكاتف.لـه عـدوه حسـب=وان تفرق يصير من العـدو مغلـوب
السعودي شجـاع وفيـه خلـق وأدب=ولايهمه كلام إنسان غيـر محسـوب
بالوطن مايساوم لـو عطـوه الذهـب=ودون أرضه وعرضه مايهاب الدروب
الوطـن دون حـده مانـهـاب اللهب=نرمي أرواحنا لو كان شبـت شبـوب
دون حده يسيـل الـدم ليـن الركـب=ومن نوى دارنا عن مابدالـه يتـوب
وياملكنا غـلاك بكـل قلـب إنكتـب=والله إنك يابو متعب ملكـت القلـوب

[أبوراجح العريني]

صح لسانك يابن صنيدح

قصيده جزله من شاعر جزل من شعار الغلبا

تسلم والله

اخوك
ابو راجح العريني

[هاجد صنيدح]

أبو راجح
صح بدنك لاهنت
وتقبل تحياتي

[مشعاب]

صح لسانك يا بن صنيدح


ما اجزلك يا جزل



وابو متعب يستاااااااااااااااااااااااهل

[هاجد صنيدح]

ابو مشعاب
صح بدنك لاهنت
وتقبل تحياتي

[جفين الطويرش]

صح لسانك
والقصيد جزله من جزل
زننتظر من الجديد

تحياتي للجميع

[وافي السبـيعي]

صح لسانك
والقصيد جزله من جزل
ونتظر منك الجديد

تحياتي لك

[وادي الــثلــج]

صـــــح لســــانك ياابن صـــــــــــنيدح

وتــــــــراني ســـــمعتها اذيـــعت في الاذاعــــة اليوم الضحــــــوية حـــول الســـاعة عشــــر وربع وانا مــــع الدايري

الجـــنوبي عند مـــصنع السمنت شارين من عتيقة تمــــــر

التمــــر خـــلاص طـــال عــــمرك............

[ابوسلطــــان]

صح لسانك ياابن صنيدح قصيدة جزلة من شاعر جزل

[هاجد صنيدح]

جفين الطويرش
صح بدنك لاهنت
وتقبل تحياتي