السوق اليوم اعطى اشارة خروج قوية

[عماد العطر]

بسم الله الرحمن الرحيم

السلام عليكم ورحمة الله وبركاته

انا وصيت في موضوع سابق ان السوق الان في مسار صاعد بناء على الشهري لكن الان السوق عمل دبل توب على اليومي


وهذي العلامة تعني خروج من السوق ونقاط الدعم الحاليه للسوق هيا
9789
والثانيه
9600
ولو اخترقها
راح يكون مسار السوق على اليومي والشهري نزول لان وقتها راح يكون على الشهري بداية مسار هابط
وقتها يكون هدفه 8226

انا اسف لاني ما ارفقت الشارت بس لاني مستعجل ومن باب الامانة قلت احذر لان انا الي وصيت دخول
والان اقول المؤشر اعطى خروج

وشكرا
اخوكم

عماد العطر

[راشد التوم]

مشكور على التنبيه ويعطيك العافيه

[عماد العطر]

العفو اخوي راشد

واتمنى للجميع الربح الوفير ويجنبهم ربي انشاء الله الخساره

وتقبل تحياتي
اخوك
عماد العطر

[الذئب الأسود]

المشاركة الأصلية كتبت بواسطة عماد العطر

العفو اخوي راشد

واتمنى للجميع الربح الوفير ويجنبهم ربي انشاء الله الخساره

وتقبل تحياتي
اخوك
عماد العطر

أخي عماد هكذا تكتب كلمة إن شاء الله

[خيال العرفاء]

هالسوق ما به أمان

يالسوق ما ترجع لنا روس الأموال
راحوا هوامير الفلس في حلالي
ما أعودها يالسوق و ادخلك بريال

[محـمــد]

غدينا حنا وذا السوق كنا في حلبة مصارعه
كل يوم حنا والهوامير شد ودف ... شد ودف



مشكووور على التنبيه وبيض الله وجهك ياعماد

والله يجزاك خير يالذيب الاسود ملاحظه مهمه يخطي فيها الكثير

[K7ELAN]

شكرا اخوي عماد على التنبية

والاسهم مع الهوامير عوار راس الله يعين

تحياتي لك يا عماد واشكرك على موضوعك الجميل

تحياتي لك..

[عماد العطر]

الذئب الاسود اشكرك
على التنبيه وجزاك الله خير

تحياتي

[عماد العطر]

خيال العرفاء الله يعوض عليك
وعلى كل الخسرانين
وتقبل تحياتي
اخوك
عماد العطر

[عماد العطر]

اشكرك على تعليقك المميز اخوي محمد

انت اطلع مع الهوامير وادخل معهم تكسب باذن الله اكثر منهم

وتقبل تحياتي
اخوك
عماد العطر