السلام عليكم ورحمة الله وبركاته …….وبعد
أنا يوم ميلادي صدف مولـد الماسـات
وكبرت وكبرت مع همومـي وماساتـي
انا للاسى مرسى وانا شاطـي الاهـات
ولا للامل مرسى علـى شاطـي اهاتـي
انا الياس لي موطن وانا موطن اللوعات
تضيع السعاده بيـن ياسـي ولوعاتـي
انا الحاظر الهارب من الماضي اللي فات
وانا الماضي الهارب من الحاظر الاتـي
مواطن بلا موطن ولا لي وطن واثبـات
سوى اني بشر حساس واحساسي اثباتي
انا عادتي مااحسب على غيري الـزلات
ولكنـي ابكـي يـا تذكـرت زلاتــي
انا يوم غيري عاش فـي دنيتـه لـذات
انا اعيش في عزلـه والامـرار لذاتـي
انا يوم غيري يا سعد همـه السفـرات
مع الهاجس اللي يسبق الطير سفراتـي
انا يوم غيري همه الضحك والسفـرات
مواعيده افراح ولـه الهـم مـا ياتـي
انا موعدي في كل يـوم مـع النكبـات
وانا حظي العاثـر سبـب كـل نكباتـي
وانا يوم غيري ياسعد في منامـه بـات
اخوك المعنا يسهـر الليـل مـا باتـي
وانا يا سعد حيلي تردا وجسمـي مـات
وبقى القلب ينبض يا سعد والجسم ماتي
اعيش العذاب بكل لحظه من اللحظـات
من الهم تمضـي كنـه ايـام لحظاتـي
غدرني زماني ياسعد واخلف الهقواتـي
غدر وانقلب واخلف ظنونـي وهقواتـي
وحتى الصديق اللي وقفنا معه وقفـات
تنكر معـي وانكـر جميلـي ووقفاتـي
تنكر وجازى فاعـل الخيـر بالسيـات
جزاني بعكس الطيـب ياخـوك سياتـي
رحم الله منصور الرمالي ..
غير متصل
