حمول الخيل من سبيع ال نافل شيوخ المداريه الحداريه بسبب قلة عددهم مع ذاللك بروز الكثير من الفرسان
الابطال منهم مجلاد بن نافل اللي برز في مناخ الرضيمه وقال فيه ابن نوال
ويلاه يا شيخن غدى بأول اليوم وخلا رباعن طافياتن ظواها
مجلاد اللي فى الدهر يذبح الكوم ولاجاء طراد الخيل طيرعزاها
ويقولون العجمان يفتخرون بمقتله
حنا ذبحنا الصبي ابن نافل مجلاد للي لسبايا عذابها
وبريكان نافل اللي ورد سبيع يوم ام عقلا فى معركة قمعا يوم ذبح ثمانيه من العجمان وقام يحدى
يا حلو الماء يا برده ناقة الذليل ماترده
وفهد بن صقر بن نافل اللي يقول فيه ابن منيخر في مرثية الامير صنيتان ابوثنين
معهم فهد ينطح جموع ابن هيال سعد منهوا اخوا رفعه شليحه
واللي يوم مات وربعه مربعين فى الصمان قال مسلم بن عساف ابو ثنين لخوه فراج فهد مات والله لو يدرون
الحففا اي العجمان ومطير ان فهد مات والله ان يجونك راكبين الخيل من دون اعنه يوم سمع ابن ناقادان من
شيوخ ال مرة ان فهد بن صقر مات صاح قالوا ربعه ليه يا الامير هو رفيقن للك قال ابن ناقادان لاوالله مهوب
رفيقن لي غير دويمن لي اخيه عافت ذابحن اخي حمر شعر قالوا وراك تصيح عليه قال ماودي ان ذاك الوجه
يجيه شي قال ابن ناقدان من اللي ذبحه قالوا طاحت عليه صرقاعه وذبحته قال ابن ناقدان والله اني احسبه
ما يموت الا في معركه من كثر معاركه
وبراك ابن بريكان اللي يوم محقبا كانت قلايعه من الخيل سبع وقلاع ابوه البطل بريكان خمس فقال بريكان لولده
براك لعنبوك ياولد بزه انت كسبك اكثر من كسبي قال يا يبه انا كاسبها في صهوة مطاردك وام براك بن بريكان
بزه بنت الشيخ فريج ابو ثنين الازرق يوم شاف واحدن من سبيع الخيل مقرنينها بريكان وولده ويقهرونها
اثنى عشر فرس قال لعنبوكم هالي مقرنين الخيل كنهم مقرنين حشو منهم قالو ال نافل قال اشوى ال نافل
كحيل والكحيل مامن مسبقه مجزاع وفي احدى معارك العجمان وسبيع تقابلة خيول العجمان مع سبيع وتقدم
واحد من فرسان سبيع ورد على العجمان ورمى شلفاه على القوم وضربة الشلفا فى قطاة فرس من خيل
العجمان وقال تروى قناتي والقني حيام اي اني وردة وغيري ماورد فزعل براك من كلام الفارس السبيعي
وصلها على العجمان لين ابن وران من ال ناجعه قدامه يوم اقبل عليه براك هرب فضربه براك بشلفا يبيها في
ظهره وقصرة من دونه وظربة في ظهر حصان ابن وران وجبة ظهره وأقعا الحصان صار مرتكز من قو الضربه
قال براك بن بريكان مردود على الفارس السبيعي هذا طراد الخيل يا المتعلمه وعندما دار الحول على الحصان
وهوا على وضعه قالوا لواحدن من سبيع اباعرك يا فلان ذالسنه سمان قال والله من يوم شافة حصان ابن وران
مثل رقيبة القوم الشوي وهي شامختن سنمها
ومنهم رشيد بن نافل اللي عطاه وبدان حصانه يوم القريفه يا خذ اباعروبدان دارو عليه كل سبيع ما عطا حصانه
الا رشيد بن نافل وبان فعله راع الحيزى وخميس بن رشيد يوم صوب عبيد بن ضيدان ابو ثنين وندبه منصور بن
عبيد ابو ثنين تكفا يا خميس لا تخلي عبيد فرجعله خميس الحقه ويوم رجعو سبيع قالوا شيبان ال ابو ثنين
خليتو عبيد يا منصور قال ايوالله خليناه قالوا من الي عودله قال منصور عودوله اللي عسا الله مايقطعنا منهم
عودله خميس بن رشيد ال نافل
وفهيد بن براك بن نافل اللي في حرب اليمن باقم ثنى عند خويه وهربوا اخوياه وهو ثنى عند خويه وقال فيه
الامير فهد بن سعد بن عبدالرحمن ال سعود هذه الابيات
والنعم يا فهيد بن براك يلي ثنى عند جزاعي
المدح تستاله يمناك لو كان ماتوحي الداعي
لومك على اللي رقا مرقاك حول من الرجم مرتاعي
ياليتني حاضرن وياك يوم اشهب الملح ينزاعي
ترمي بروحك على الادراك مازعزعك كثر الافزاعي
واخوه فهد بن براك اللى كان له الشرف في الشهاده مع المللك سعود في فتح ينبع واللى قتل الفارس
اللي على بوابة الدروازه حقت قصر ينبع وفتح الباب للجيش واللي يقول يومهم رايحين لفتح ينبع
فاطري لنتحت تركب الرديف والنظا تتبعها جناديبي
يوم خطوى الولد للامور معيف تابع الهون يقصر عن الطيبي
وسلطان بن براك راع الكرم والجودوالشجاعه شارك في حرب الجنوب واصيب فيها يقول فايز بن حزمي القريني
يا راكبن من عندنا فوق معفاه حمرن ظهرها للشداد متداني
بر الفخوذ عقيل الخرج تزهاه هوجن على هز العصا ماتداني
ركبها لا غبس الجدي يقداه الا ولا يطري علي انعساني
ملفاك من بيته علي الريع مبناه لا طالت الشطه وشان الزماني
اللي يريض الضيف عنده اليا جاه غير الكرم يلقا جنابن لياني
سلطان بن براك عيد لمن جاه عيد الرفيق وزبن من جاه عاني
سلطان زبن اللي جذت في الملاقاه وزبن البليد اللي دعلها الحصاني
وزبن الهليب اليا وقف سير علباه هم اكربنه كاضمات العناني
افهم كلامن ثبت مابه مجاجاه قدامه اللى يطلقون اللساني
اهل سربتن لا عجل الزمل ممشاه يروون حد مصقلات السناني
قلته ولا قصدي طمع في عطاياه بثني على معروفه اللي وزاني
غير متصل
من هم حمول الخيل ؟؟ !!
