الصلح

[العرابي مقبول]

الصلح


قصيدة للأستاذ مقبول مبارك العرابي 5-5-1430هـ


1- يقول من راسه من الـوقت شايب = وجرب وأخذ درب(ن) مشى فيه شايبه


2- والله ماغير الخير به زرع طايب = ولا فيــه نفس بــزرعة الشـر طـــايبة


3- ومن قال أنا بالشر جبت الكسايب = يعرض على أهل الخير جـملة كسايبه


4- ياسامعي للــــخير سج الركـــايب = ولا خــاب من للخير سجت ركـــايبه


5- في كل صوب راح ماعاد خــايب = لــــو ما أثمـــرت فالبيد أشلة سحايبه


6- مبناه فـــوق العـــز مـــاهو بعايب = وعند الله الــمـــنــان ســـاير طلايبه


7- بالعقل والحكــمة يفــك النشـــايب = وتوضيح واستيضاح الأمر وعقــايبه


8- والاستعانة بعـــد مـــولاه بـــالتقي = من قـــربة الخصمين والا نســــايبه


10- ثــم اختيار النهج واــلدار والزمن = ولكـــل مــوقف وضع يطفي لهايبه


11- وبالطيب والتوجيه فالسر والعلن = والعدل لو كانت على أقــرب قرايبه


12- ومــراقبة مـــولاه واخــلاص نيته = وتـــوجــهه لله في كــــل نــــايبة


13- وصبره على مايجيه في كل طرقته = وعدم سماع اللي له أهداف خايبة


14- أما الــطـــرف فالمشكــله فإن واجبه = مــــراقبة ربــه ورجوى ثوايبه


15- وتقدير من ينخاه للـخـير والفــخـر = واصلاح حاله قبل تنصب نصايبه


16- يقبل بصلح الخير والعز والــــرضا = ولايتابع كــــل زلة وعــــايـــبـة


17- يسمح ويدمح زلـة أخوه لو قســا = ويفوز برضا اللي جزال(ن) وهايبه


18- ويزيده الله عــــز وتــعـــزه البشر = وتـــورده للعز أصايل نــجـايــبـه


19- يقــوم بالواجب ولا يقطع الوصل = لــو صد عنه اللي هزال(ن)جــلايبه


20- ولايطيع الــجــاهل وزمــــرة الفتن = واللي بمسرى الليل ولـــع شبايبه


21- ولا يسيء الظن وان جــــاه نـــمــة = مــــاطيشت سهمه وهـزت ترايبه


22- يحسب لــهــا قــــدام تاقع وتنفري = وفي كل صوب إبليس يلعب لعايبه


23- وليا انفرت مـــاينفع اللـــوم والندم = إبليس يضحـك والضحايا نحـــايبه


24- ولاينخدع بالحال والــمــال والولد = والـــواسطة والا بسيسان عــــايبة


25- ولايفتخر بالجوروالـحـقد والـحسد = ولا بحكي بدون برهان جـــاي به


26- وأمانته في كـــــل حـــالة يصونها = ولا شيف لـــه قطعان فالبيد سايبة


27- ولايفرح إلا كـــلــما الخير والسعد = عــــم البشر والمسك هبت هبايبه


28- وان شـاف زرع(ن) طيب الريح والثمر= يسعد ويفخر به ويدعم ذوايبه


29- وان لاح بـــرق الخير ماغاب وانثبر = وشمسه عن القالات ماهي بغايبة


30- هذا بعض مــاجال في جال خاطري = وكـــــل(ن) يفكر وين سير كتايبه


31- وصلوا عدد من حج وازتار واعتمر = على حبيب الله وقــــدوة حـــبـايبه