يازمـان ليـش فرقـت بين الآحبـــاب :: قصـه حقيـقيه شخصـيه ::
كُتب : [ 30 - 05 - 2006 ]
سلالالالالالالالالالام
عفـواُ حبايـبي .. القصـه رااح تتم باللغه الدستورية العربيـه
السبيـعيه السعوديـه وعااد مشكلـته اللي مايفهم على لهجـتنا الأصيـله ..
وإن شاء الله تعجبـكم قصـتي الحزيـنه :(
على فـكره ترا أعتبـر قصـتي بطوليه لؤؤؤل
------ جــــــــوووو -------
حيا الله أهل تحديدالرمال الحلوين هع هع .. يا مرحبا .. علي بالحرام ما احد يقووم من مكانه .. و الا تدرون قوموا ما عندي اي مشكله هع هع هع
يأخواني انا و الله من يوم سجلت وعرفتكم و انا مرتاح لكم .. مدري احس اني لقيت نصفي الثاني <<< اخس يا اللي بيتزوج من المنتدى خخخخخخخخخخ
فقلت من باب اولــى بما اني فاضي اني امحط لكم سالفه هنا .. اخثرق عليكم فيها عن نفسي .. << هات اللي عندك بس و فكنا
على فكــررره وشلونكم مع الامـتحانات ان شاء الله ماشين << ماشين و الا يركضون وش دخلك انت !!
الا على طاري الدراسه اخبار الفسحه .. و ربي ما كنت ادرس الا عشان الفسحه خخخخ هع هع هع هع
المهم يا شباب ما لكم في الطويله انا بقولكم سالفه صارت لي منذ مبطي و انا صغيرون .. تقدرون تقولون سالفة حب و تقدرون تقولون مباراه على الكاس اللي يعجبكم <<< انت هالحين ورا ما تفكنا من بربرتك و تخش في السالفه >>>> يبلــغ
هذي يا شباب من زمان يعني من حوالي ثلاث سنين على أيام ماكان عمري 14 أو أقل شووي (( صدج الايام تمشي مع الأسابيع !! )) كان لنا جاره فطيفيطه (( يعني حلـوة )) و توها في ريعان شبابها و كانت شيء لا يوصف من اللقافه و الطفاقه و شوشتها دايم طايره شكلها تكدها ببرايه و لونها برونزي على اخضر مدري كيف جاي .. بس بصراحه دلع <<< امحق دلع .. و عاد انا في وقتها كنت صغيرون و في عمرها بس عاد ماني حاط اوصافي اخاف البنات اللي هنا يروحن فيها بس با اختصار كنت حلو .. خاصه اذا لبست شورت و فنيله علاقي خخخخخخخخخخخ
المهم يا الربع كانت هالبنيه زي ما قلت لكم جارتنا و الجدار في الجدار و البيت في البيت و الخشه في الخشه اربع و عشرين ساعه و كان بيننا ماني قايل عيش و ملح بقول خبز و جبن لاني احب الخبز و الجبن خخخخخ و كان دايم بيننا مطالب و مهاوش و فك الشوشه و افك الشعر <<< يعني دايم متماسكين بالشعر و من زود الميانه بعض المرات ترقد في حوشنا ها ها ها ها
و كنا دايم نجلس في العشه حقة الحمام و نتبادل اطراف الحديث و الفقه و التاريخ <<< اقول فكنا من السماجه .. و في ذات يوم كعادتنا جلوس في العشه و هي تنقش اظافيرها بسيم معلاق و انا اناظر فيها نظرات تأمل و شفت البراءه في عيونها المغمصه و حسيت بشيء غريب مدري وشهو يدور في تسبدي و تنهدت تنهيده قويه و قلت احححححححححححححححح .. قالت هي : وراك تتحتح وشفيك ؟؟ قلت : و الله مدري يا العوبا بس كنت افكر فيتس انتي و سيقانتس اللي تقول اناتل مورسيدس .. قالت : من زين سيقانك المتلويه تقول اسلاك بواجي .. و كملت و قالت : تصدق عاد جاني نفس الشعور اللي جاك و قعدت اصرف و انقش اظافري .. قلت لها انا اسمعي هذا و الله شكله الحب اللي يقولونه ؟؟ يمكن من كثر ما اقابلتس حبيتس و الا انتي ما تنحبين .. قالت اي و الله الظاهر و هي تنحاش من عندي مقرطه في ثوبها و هي تنقز الجدار على بيتهم .. و يوم نقزت و اسمع لي قرقعه و صقع مدري وشهو ؟؟ اثرها طاحت في الغساله اللي حاطينها في الحوش خخخخخخخخخخخخخخخخخخخخخ
المهم راح يوم و يومين و ثلاثه و البنت ما عاد اشوفها ؟؟ بالعاده من الصبح و هي محضره عند الباب و جايبه معها نبيطة ؟؟ هههههههه عاد قلت انا خلني اشوف المطفوقه وش صار عليها لا يكون ناشبه في دولاب و الا داخله في الثلاجه و الا شيء .. المهم و انقز على الجدار و اقعد اناديها و ما دريت الا القدر اللي يمشي الفين محضر في جبهتي و اتهزهز على الجدار من اثر الصدمه بغيت اطيح ؟؟ و اناظر الا هي جالسه في السيب و تضحك .. وشفيتس يا مال المرض لتس ثلاثة ايام ما جيتينا ؟<< يضرب الحب شو بيزل و هالحين تحذفيني بالقدر و تضحكين ؟؟ قالت و الله خلاص يا داااشر ما عاد اقدر اجيكم انا كبرت ؟؟؟ قلت اما عاااااااااااد كبرتي .. ليش ما علمتيني طيب <<< يستهبل هو ووجهه
اقول روحي هاتي الكنادر و أمشـي معي فيه مباراه العصر مع الحاره اللي جنبنا .. قالت : اقول انزل عن الجدار يا اللي ما تستحي ترا بعلم ابوي
و انا يصيبني صداع .. و مخي تضرب فيوزه و انا انزل مستعجل .. و اقعد افكر في الموضوع ؟؟ وش السالفه يا ولد ؟؟ قلت اكيد البنيه انهبلت ؟؟ مسرعها تكبر .. و انا ما كبرت لها الحين <<< يلعن ام التفكير اللي عندك
و يوم حسبتها في راسي .. طلعت البنيه معها حق ؟؟ الى متى حنا على هالحال صغيرين ؟؟ اكيد بيجي يوم و نكبر و نعقل <<< و الله الظاهر انك ما تعقل دايم ... فقررت اني اكبر <<< على تبن بس ههههههههههه
المهم يا الربع كبرت انا و هي و صرنا ما نشوف بعضنا الا با الشفاقه << هذا حال المحبين مساكين هههههه
و بدت قصة الحب و الرسايل من ورا الجدران نطل ؟؟ حتى اذكر مره نطلت لها دفتر ابو عشرين كاتب فيه ذكرياتي انا وهي خخخخخخخخخ و صارت تسير مع امها دايم عشان تشوفني <<< من زين هالوجه
و عشت قصة حب ما راح انساها حياتي كلها مع هالمطفوقه .. و في يوم من الايام كنت طالع العصريه عند الباب الا و اشوف عند بابهم دينا (شاحنه لغير الناطقين بالسعودي) و محمله عفش ؟؟؟ و طيراااااان للسواق الهندي .. قلت ايس فيه صديق ؟ قال هذا نفر خلاص روح .. قلت وين روح عساك المرض و امسك الهندي بحلقه و اخنقه و بعد لحظه دريت ان ماله دخل الضعيف و فكيته .. اثرهم طلعوا بيشدون انتهى عقد ايجارهم و بيطلعون من البيت تهي تهي تهي تهي
و اخذت شوي الا و هم طالعين و راكبين سيارتهم و البنت يجرونها ما تبي تطلع من البيت يا بعد عمري و الله
ويركبون سياراتهم و يمشون المهم و تشوفني و تقعد تنادي يا شاعروه يا شعروني انجدني يا اخي .. قلت انا اخو لبـنه و انا انقز على الدينا و هي تمشي و اتجود في الحنايا حقتها و اصيح على الهندي وقف وقف ؟؟ و الهندي حاقد علي من يوم مسكته بحلقه و يبي الفرصه .. و هو يقعد يفحط بي لين طحت ... و راحوا و انا مدري وين بيروحون ..
اخذت لي فتره عقبها مريض و مغير انشد عنهم في كل مكان و لا لقيتهم .. و تقوم من بعدها المرثيات و الالفيات و القصايد الغزليه اللي لو يقراها الفرزدق جاني و محطني بالعقال لين اقول امين ..
و هذي هي قصتي مع هالبنيه اللي لن اعشق سواها <<< اقول شكلك حبيت من جد !!
و في نهاية المطاف اقولكم حبايبي .. لا تحاولون تعرفون على بنيات و تحبون و تصير لكم مثل سالفتي و بعدين تنقهرون .. لان الحب دايم نهايته مؤلمه <<< وش عنده روميو خخخخخخخخخخخخخخخخخخخ
اشكرررر عطفففـــكم حبايب قلبي على حسن استماعكم و لكم احلى ماااايك
وان شاء الله تحوز على رضاكم
<----<< فاضي
هههههههههههههههههههههههه
" أرق تحـيـه "
غير متصل
