تسوقنا الدنيا على غير مشهاه * * وتحدنا الأشغال منا ومنا
 

[align=[color=#FF0000][size=7]center]قصيده جديده تونى لافقها
بس أعجبتنى وعساها تعجبكم
معانيها رائعه وجديده
للشاعر سعود الدهيمى
تحياتى للجميع
أبوهلا[/size][/color]

[color=#0000FF][size=8]تسوقنا الدنيا علـى غيـر مشهـاه
وتحدنـا الاشغـال مـنـا ومـنـا
عن صاحبٍ رغم البطـا مانسينـاه
لو راحت ايـام السنـه مااتصلنـا
ياصاحبي ياطيّب الصيـت والجـاه
العفـو منكـم والمعـاذيـر مـنّـا
حنـا بذلنـا جهدنـا اللـي قدرنـاه
ولاجت لنـا الدنيـا علـى مانتمنـا
اليا اعترض سيلٍ صغير وقطعنـاه
لاعقبـه السيـل الكبـيـر يتثـنّـا
ولاترانا صاحـب الجنـب نرفـاه
ماتنقّـل لـه هرجـة الشيـن عنّـا
نضيق من ضيقه ونرضى من رضاه
ولانعـده غـيـر رجّــال مـنّـا
طبعٍ لنا مـن روس اهلنـا ورثنـاه
وبنموت ماماتـت مذاخيـر اهلنـا
من يستحق مواصل الطيب نرعـاه
ونواصلـه حتـى ولـو ماوصلنـا
نقـدّر ظروفـه وندمـح خطايـاه
ونجاملـه ليـن يتـفـرّق ظعـنـا
اليا اتصـل لابـد نضحـك محيـاه
ونذكّـره بالطيـب كنـتـم وكـنـا
واليا انقطع من قوّ ظرفـه عذرنـاه
مانشغلـه ونقـول حـنـا وحـنـا
نبـا اليامنـا خطـانـا ارتكبـنـاه
وقفّـت بنـا دنيـا الشقـا ماذهنّـا
نجيـه باعـذار الوجيـه المسمّّـاه
ونقـول كـلٍ مـن ظروفـه معنّـا
ويقول معذوريـن والجـاه بالجـاه
ليـن يتقـرّب شامنـا مـن يمـنـا
شرواك يامن تكسب الطيـب يمنـاه
ياصاحـبٍ منـه المشاريـه جنّـا
قل اتصالي حدّ قلبه علـى اقصـاه
وغلاه نـادى هاجسـي لـه وغنّـا




ـــــــــــــــــــــــــــــــــــــ

منقوله من النداوى
ـــــــــــــــــــــــــــــــــــــ


اللهم أتـــمم علينا نعــمتك بإحســـان خاتمتنا
وأرزفنا راحـــــــة البال بالقناعة بما رزقتنا
وأرزقـنا حــــبك وحـــب نبيك وعـبادك الصالحين [/size][/color][/align]

رد : تسوقنا الدنيا على غير مشهاه * * وتحدنا الأشغال منا ومنا
 

صح لسانك يابو هلا

ولاهنت على القصيده