تسوقنا الدنيا على غير مشهاه * * وتحدنا الأشغال منا ومنا

أبو هلا · غير متصل

center]قصيده جديده تونى لافقها
بس أعجبتنى وعساها تعجبكم
معانيها رائعه وجديده
للشاعر سعود الدهيمى
تحياتى للجميع
أبوهلا[/color]

تسوقنا الدنيا علـى غيـر مشهـاه
وتحدنـا الاشغـال مـنـا ومـنـا
عن صاحبٍ رغم البطـا مانسينـاه
لو راحت ايـام السنـه مااتصلنـا
ياصاحبي ياطيّب الصيـت والجـاه
العفـو منكـم والمعـاذيـر مـنّـا
حنـا بذلنـا جهدنـا اللـي قدرنـاه
ولاجت لنـا الدنيـا علـى مانتمنـا
اليا اعترض سيلٍ صغير وقطعنـاه
لاعقبـه السيـل الكبـيـر يتثـنّـا
ولاترانا صاحـب الجنـب نرفـاه
ماتنقّـل لـه هرجـة الشيـن عنّـا
نضيق من ضيقه ونرضى من رضاه
ولانعـده غـيـر رجّــال مـنّـا
طبعٍ لنا مـن روس اهلنـا ورثنـاه
وبنموت ماماتـت مذاخيـر اهلنـا
من يستحق مواصل الطيب نرعـاه
ونواصلـه حتـى ولـو ماوصلنـا
نقـدّر ظروفـه وندمـح خطايـاه
ونجاملـه ليـن يتـفـرّق ظعـنـا
اليا اتصـل لابـد نضحـك محيـاه
ونذكّـره بالطيـب كنـتـم وكـنـا
واليا انقطع من قوّ ظرفـه عذرنـاه
مانشغلـه ونقـول حـنـا وحـنـا
نبـا اليامنـا خطـانـا ارتكبـنـاه
وقفّـت بنـا دنيـا الشقـا ماذهنّـا
نجيـه باعـذار الوجيـه المسمّّـاه
ونقـول كـلٍ مـن ظروفـه معنّـا
ويقول معذوريـن والجـاه بالجـاه
ليـن يتقـرّب شامنـا مـن يمـنـا
شرواك يامن تكسب الطيـب يمنـاه
ياصاحـبٍ منـه المشاريـه جنّـا
قل اتصالي حدّ قلبه علـى اقصـاه
وغلاه نـادى هاجسـي لـه وغنّـا

ـــــــــــــــــــــــــــــــــــــ

منقوله من النداوى
ـــــــــــــــــــــــــــــــــــــ

اللهم أتـــمم علينا نعــمتك بإحســـان خاتمتنا
وأرزفنا راحـــــــة البال بالقناعة بما رزقتنا
وأرزقـنا حــــبك وحـــب نبيك وعـبادك الصالحين

شحيفان بن ملفي · غير متصل

صح لسانك يابو هلا

ولاهنت على القصيده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مصافحة أولى أتمنى أن تحوز على رضاكم... تكدر الخاطر وأنا بأخر الليل	راعي مرات	منتدى الشعر الشعبي والنبطي ( شعراء الشبكة )	13	26 - 02 - 2007 21:19
لأي سؤال في الإختراق (اسأل وأنا أجاوب)	r00t l0v3r	البرامج المجانية والكمبيوتر	4	31 - 03 - 2005 17:52
( بول جونسون ..أنت بعض مني وأنا بعض منك ) !!	النجم	المنتدى المـفـتـوح	3	29 - 06 - 2004 15:30
ولنا في رسول الله ( ص ) أسوة حسنة	راعي الهلالية	المنتدى الإسلامي	4	12 - 05 - 2004 22:42
مبارات اليوم حصرية وأنا ما عندي دش	مشعاب	منتدى الرياضة والمسابقات	1	05 - 02 - 2004 22:04

الذين يشاهدون محتوى الموضوع الآن : 1 ( الأعضاء 0 والزوار 1)

تسوقنا الدنيا على غير مشهاه * * وتحدنا الأشغال منا ومنا

القصائد التي يكتبها غير شعراءها فهو شامل للقصائد المنقولة والمكتوبة لشعراء لا يكتبون في الشبكة