منتديات سبيع الغلباء - المـــــــــــــــــرثيــــــــــــــــــة

هذه القصيدة كتبتها في جدي /عبدالرحمن مزعل المشعبي السبيعي من سبعان الكويت احد ملاك الابل المعروفين الذي توفي بالكويت قبل ايام اثر حادث مروع وهو والد الشاعر شافي السبيعي ..

اقول فيها ..

[poem=font="Simplified Arabic,6,black,normal,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
مرحوم ياشافي غاليك مرحوم=مرحوم رجلا ماشكى منه انسان
غاب القمر وش عاد بتفيد النجوم=غاب الكرم والطيب من بعده مابان
نذرا علي مانساه مانساه لو يوم= ماتنمحي ذكراه على مر الازمان
رجلا طليق حجاج مايعرف اللوم= ومروض المرجلة وشد العنان
طاريه ليا مر كل جالس يقوم= هذا وهو طاريه من دون قبلان
رجلا سليل الطيب بسلوم وعلوم= رفع قدرن ربع(ن) يسمون سبعان
رجلا مصلي صالحا دائم يصوم=وطول العمر ماسكا درب الايمان
في يوم شديد الحر وبحرقة سموم= جانا خبر فرقاه وربي لنا عان
ياشين فرقاه ... ياقوم ... ياقوم= ياكثر مامرت دموع(ن) بالاعيان
ياوجد حالي وجد عود به سهوم= تنقاد قدامه مريه وورعان
وده يفز لكن الجرح معلوم = وده يصيح لكن مايملك لسان
مرغوم انا اصبر لاشك مرغوم= مدام ذا امره سبحانه سبحان
ياعل روحه في جنان الخلد اتروم= وفي جنة الفردوس من بد الاجنان[/poem]

شبيب ناصر السبيعي