هذه القصيدة كتبتها في جدي /عبدالرحمن مزعل المشعبي السبيعي من سبعان الكويت احد ملاك الابل المعروفين الذي توفي بالكويت قبل ايام اثر حادث مروع وهو والد الشاعر شافي السبيعي ..
اقول فيها ..
مرحوم ياشافي غاليك مرحوم=مرحوم رجلا ماشكى منه انسان
غاب القمر وش عاد بتفيد النجوم=غاب الكرم والطيب من بعده مابان
نذرا علي مانساه مانساه لو يوم= ماتنمحي ذكراه على مر الازمان
رجلا طليق حجاج مايعرف اللوم= ومروض المرجلة وشد العنان
طاريه ليا مر كل جالس يقوم= هذا وهو طاريه من دون قبلان
رجلا سليل الطيب بسلوم وعلوم= رفع قدرن ربع(ن) يسمون سبعان
رجلا مصلي صالحا دائم يصوم=وطول العمر ماسكا درب الايمان
في يوم شديد الحر وبحرقة سموم= جانا خبر فرقاه وربي لنا عان
ياشين فرقاه ... ياقوم ... ياقوم= ياكثر مامرت دموع(ن) بالاعيان
ياوجد حالي وجد عود به سهوم= تنقاد قدامه مريه وورعان
وده يفز لكن الجرح معلوم = وده يصيح لكن مايملك لسان
مرغوم انا اصبر لاشك مرغوم= مدام ذا امره سبحانه سبحان
ياعل روحه في جنان الخلد اتروم= وفي جنة الفردوس من بد الاجنان
شبيب ناصر السبيعي
غير متصل
