الــسـلام عـلـيـكـم ورحـمـة اللـه وبـركـاتــه
.
.
.
.
مـسـاكـم اللـه بـالخــير يــا سـبـيـع يا هـل الـغلبـا
.
.
.
.
هـذي قـصـيـدتـيـن فـي ( آلاد الـعـسيلـي ) ربـع جـري وعـضيـب وضيـدان والـسميـري ..
وبـمـا انـي جـديـد عـلـى الـمنتـدى اعـتبروهـا هـديـه يـا الـغاليـــن ..
.
.
.
.
قالوا من أنت وقلت أنا من هل الطيب = كسابت القـالات غصـبٍ بـلا طيـب
من ربع ابن هملان والفارس عضيـب = من ربع اخو جـوزاء نهـار المثـارا
ربعي لهم في صفحة المجـد عنـوان = وتاريخهم مشهود من طـول الأزمـان
ويقطعك يا هرج ٍ على غيـر وكـدان = هـرج ٍ بـلا وكـدان عيـبٍ وعـارا
ربعي قريشات علـى الضـد قاسيـن = رجالهم يـوم اللقـاء يقظـي الديـن
صاطين وإن دارة رحى الحرب صاطين = لا غابت الشمس الضحى من الكتـارا
آلا د عسيلي وإن غشاء الجو دخـان = فر سان وإن ركبوا على الخيل فرسان
يتلون اخو جوزاء مشـاري كحيـلان = اللي علـى العـدوان يمشـي جهـارا
أليـا تنـادوا بالعسيـلـي وغــاروا = عدوانهم مـن فعـل الأبطـال حـاروا
قريشات وإن ركبوا على الخيل ساروا = عوق الخصيـم اللـي براسـه نعـارا
لا زعزع الشرفـاء عسيلـي بطلهـم = وحظ العداء في نحورهـم قـد نطلهـم
وصاح الصياح وقـام ينـدب خطلهـم = وحمي الوطيس وجوك مثـل السكـارا
وتناطحوا من فوقهن والهواء صلـف = يهوون بالرمـح الردينـي وبالشلـف
عدوانهم عقب الطمع تطلـب الحلـف = يبـون يفتكـون مــاش انتـصـارا
ماش انتصار ٍ عنـد آلا د القريشـي = من طاح بيـن أيدينهـم مـا يعيشـي
وإن عاش يبقى طول عمره خريشـي = ولا شـاف نزلتهـم تحـادا ونــارا
أهـل الظفـر ومطوعيـن العنـيـدي = ويوم الملاقـى عندهـم يـوم عيـدي
والله على مـا قـول فيهـم شهيـدي = لا جـاء نهـار فيـه قـدح الشـرارا
خطـلان الأيـدي محتميـن التوالـي = قـدم الحكـم فـي ماضيـات الليالـي
فعل ٍ عليه أشهـود مـا بـه جدالـي = ومنهـم أبذكـر بعضهـم بختـصـارا
منهـم مشـاري نعـم والله مشـاري = عقيـد نـا وحنـا بفعلـه نـمـاري
شيخ ٍ على نطح المداغيـش ظـاري = زيـزوم ربـع ٍ فالملاقـى سـطـارا
شيخ ٍ تهاب عداه فعلـه أليـا شـاش = لا ثار عج الخيل مـن دون الادبـاش
شيخ ٍ بفعله ما تمشيـخ علـى مـاش = بالسيـف مـا خذهـا بختـم وقـرارا
ومنا جـري شلفـاه ملقـا المسمـاه = لهوا بها مـا تخطـي الضـد يمنـاه
معروف اخو شرعا بذكـره وطريـاه = والخيل من صوتـه يجيهـا الفـرارا
في وجه ملقا الشـرف بالقفـر ترعـا = بالغصب والزعـلان مقـروع قرعـا
من دونهن موتٍ حمر واخـو شرعـا = جـري وملقـا دون سـود البـكـارا
ومنا عضيب عضيـب حـر ٍ قطامـي = لا ثـوّر الدخـان والـجـو حـامـي
وحـوّل بتـار ٍ يـقـص العظـامـي = يقلـط أليـا هـاب الذليـل وتــوارا
يقلـط أليـا مـن الجبـان أرتعـديـا = وعداه مـن كفـه تشـوف الزهديـا
وانشـد عنـه حمـدان وألا حمـديـا = ما عنـده ألا كـود قصـف العمـارا
وفدغوش منا راعـي الرمـح الازرج = اللـي مضاريبـه تفـج النحـر فـج
الرمح أبو زرجه ولا أحدٍ عنـه سـج = فعلـه يعـد مـن الفعـول الكـبـارا
وعيد منـا اللـي بـرد كبـد وضـاح = مركي على كبود العداء سـم ٍ أذحـاح
عيـد السميـري للمداغيـش نطـاح = رمحـه علـى كفـه يـزج الحمـارا
ومنـا رجـال ٍ ينطحـون الطوابيـر = لا قيل هـل الخيـل شـر بـلا خيـر
عاداتهـم يثـنـون دون المعاشـيـر = ويا ما ثنوا من دون سحـك الوبـارا
قريشات ولنا في ليالـي ٍ مضـن دور = من طيبنا مـا نقبـل الظلـم والجـور
قريشات يعني زكور يا سامع صقـور = حـرار تدهـل نايـفـات الـقـرارا
حنا الزكور رماحنـا تفـري الجيـب = وحنا الزكور ونشبع الطيـر والذيـب
وحنا الزكور ونـدب الخصـم تأديـب = وحنا الزكور صقـور حنـا الحـرارا
زكـور ستـر ٍ للبـنـي المفـاريـع = وبالسيف نجبر خصمنا جبـر ويطيـع
ومن فضل رب البيت حنا مـن سبيـع = مـن آلا د الغلبـا ميتميـن المهـارا
فكاكت اللبـل مـن يديـن الأعـادي = في ما مضى يوم الطعـن والطـرادي
يروون بيض الهنـد علـم ٍ وكـادي = مـن دون شقحـاً تلتفـت للـحـوارا
سبعان وإن ركبوا ظهـور الأ صائـل = تشهد لهـم بالفعـل سمـوا القبائـل
قول ٍ على برهـان مـا نـي بعائـل = لا جـت كراديـس السبايـا تـبـارا
مدحت ربعـي مـن غلاهـم ولا نـي = أجحـد فعـول الـنـاس لله تـرانـي
ازن كلامـي قبـل ينطـق لسـانـي = وعـن الغلـط للسامعيـن اعـتـذارا
شاعـر ولـي ميقـاف يالغانميـنـي = ومـن دون ميقافـي وعلمـي يقينـي
وسمِيّ جـدي فالـح ابـن الردينـي = ومكانـا مـن فـوق وسـق الفقـارا
شاعر ولا مني نويت أصخـر القـاف = وجني بنـات الفكـر زافٍ وراء زاف
ولقيتهـن لـبـي يولفـهـن أولاف = واختـار عيـن اخيارههـن اختيـارا
تمـت وصلـى الله وبـارك وسـلـم = علـى نبيـاً بعـث رحـمـه معـلـم
بالوحـي ينطـق بالهـوى مـا تكلـم = صلـوا عليـه وسلـمـوا يالغـيـارا
للـشـاعـر / فـالـح ابـن عـبـود الـقريشـي
وهـذا رابـطـهـا صـوتـي للـحفـظ ..
http://www.aminland.com/uploads/GNlGHgRXuvTsuEbW.3gp
.
.
.
القـصـيـدة الـثـانيــــــة ..
في مدحكم ياهل المواجيـب والكـار = القـاف صـدر صانعينـه صناعـه
في مدح ربعن تكرم الضيف والجار = يوم القصى وقت الفقـر والمجاعـه
يشهد لهم تاريـخ نجـد وماصـار = واشيوخ نجد اهل الوفاء والبتاعـه
لاد العسيلي لاعتلـو قـب الامهـار = ياما خذو من غـوج قـوم اقلاعـه
وياما حمو في وقتها حسك الاوبـار = عدوهم بالسيـف يمشـي اطواعـه
يرعن بحد ارماحهم وقت الاخطـار = وياردي حظ الي نواهـن اطماعـه
ولا نخاهم واحـد شـاف الامـرار = فرسانهـم بالعـز تمشـي اطلاعـه
كم شيخ قوم جاه قصـاف الاعمـار = من ضربهم جته الـمنايـا افجاعـه
لوه شجيع في الوغـا قدمهـم نـار = ولوهو جزوم صاب قلبـه رعاعـه
من حقهم ماضع لـو ربـع مقـدار = ولي يخل الزيـن يمشـي اطواعـه
قول صحيح ولا على هرجي اغبـار = من هرجت الحسـاد عنـده مناعـه
عزالله اني حرت ياويـش ابختـار = من فعل وفيـن الشبـور السباعـه
اهل ان النفوس الي عزيزات وكبار = مـادوروعنـد المواقـف دنـاعـه
ياعنك ماهم من خبيثيـن الاشـوار = ولاهم من اهل اسافلـه والقطاعـه
الكل مـنهـم شامـخ مثـل سنجـار = والكـل منهـم يرتفـع برتفـاعـه
فالحاضـره والى قديمـات الاخـبـار = افعالهـم بيـن النشامـا مـذاعـه
عدوهم يمسي علـى كبـده امـرار = ومن زود همه طق راسه صداعـه
واختامها صلو عدد وابـل الامطـار = صلو على المبعوث راعى الشفاعـه
وهـي للـشاعـر / عـبـد الـعزيـز الـحمد الـعرينــــي ..
ودورت لهـا مـقطـع صـوتـي ،، واعـذرونـي مـا لقيتهـا
واتـمنــى ان مـشاركــــــتـي فـعّــالــه واعـجبتكــم
تـحـيـاتــي ..// الــقــريــشــي ..,