[عـقيـد الـقـوم]

المشاركة الأصلية كتبت بواسطة مناحي المحمدي

ذبحنا نحو زيزوم الرجال معشي العميان=وقحمناك من لاماه يامركوز الانهادي
توطي فوق حذفان الجماجم ياغنم قضعان=وتحي يالنسور المرقبه في روس الارجادي
والا ياذيب صبحا والحصاه وضبعة في دقان=تهني بالنبايب من خيار القوم واعتادي
رمينا لك نحو واخوه ناصر خيرة الظفران=وشارع عند خشم الظلع الاسود يوم ينقادي

مناحي المحمدي بـيّض الله وجهك يالذيب على ذكر هذي القصه الموثّقه بقصيدتهـا

وال شري شيوخ المسارده معروف ان اكثرهم عند سبيع مثل شارع ابن شري ( شويرع الخيل ) ونحو بن شري وناصر ابن شري


يقول الفارس والشاعر / خالد ابن هرسان القريشي من ضمن قصيده طويله :

حنّـا خذينا المسردي وابن عبود *** وخذنا عجيـر وسلّةً من قشرهـا

والمقصود بالمسردي هو شويرع الخيل / شارع ابن شري اللي ذبحوه القريشات ، وابن عبود المقصود به الشيخ هديف ابن عبّود شيخ ال مسعود من قحطان والذي ذبحوه القريشات ايضاً

ويقول الشيخ ابن قطنان عندما علم بمقتل هديف ابن عبود على يد القريشات :

ياضبعة روحت صوب جمعور = اكلي هديف في مداس السبايا
ورع ابن عبّود بالحزم مدثور = تبكيه ربعه مع دلال جفايـا