منتدى الشعر الشعبي والنبطي ( شعراء الشبكة )قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
فراج ابو لسان( البيرق سعودي سبيعي )
قصائد نبطية شعراء قبيلة سبيع الغلباء و الخليج ، دواوين شعرية بالشعر الفصيح و العامي بأجمل الكلمات وأجزل الأبيات
للعز يا راس السطر للعز يا القلب الجسور=يا اللي مشاعرك اخلفت كل الرجال اشعورها
احدً حذف بعمامته شايش و احد صابه دبور=كبدٍ اتبردها و بعض اكبود زدت احرورها
زدها و زدها و الفخر فيك انت يا الراس الفخور=تنشب ( امرقصت الجمل ) كلماتها في زورها
اعبر و لا تنشد و عقبك من يفكر بالعبور=اما يعوٌد منهزم و الا يزايم قورها
كانه يزايم قورها خسران لو انه صبور=الناس تحريك الجبل ما هوب في مقدورها
الاوله راعت و الاخرى وقعت بين النحور=يا صغر بقعا يا مقيٌس برها و بحورها
ناقه و شبت نار تحرق و اوقدت فالليل نور=وشلون باقى الذود لو تظهر و تاخذ دورها
و الله ما ونس اشعور و لا قدر يجرح اشعور=الا مواقيف الرجال اللي تشعشع نورها
و اللي معه وجهة نظر و اللي معه فالراس شور=يشوف له شغله تناسب و يتقمص دورها
الشعر دكتوره هنااااا و اسمه على الصخر امحفور=اسمً به الاخيار تنطح به وجيه اشرورها
قدرك على الهامات يا ناصر و في وسط الصدور=قدرً مع الاحياء يعيش و تاخذه لقبورها
و اهل ( الصنوبر و الزبيب ) اتغور و الهبوه اتغور=ما انا بحاجه لا صنوبرها و لا صنبورها
حنا هل التوحيد و رجال الادب عبر العصور=لو ما تزاورنا كبيرات المهام انزورها
اي و الله اسعودي و له سطوه و له هيبة حضور=شاعر مضر و امضى سلايلها و نمر انمورها
و البيرق اللي عاد ماء قدره عى ضوه يفور=حقيقته لو نلغي التصويت تفضح زورها
يقول ما لي غير ناصر يا طويلين الشبور=لو ان عشاقي عليه بيحت مذخورها
لكن يوم الوضع عوٌد دعم و الوضع امحصور=ما حك جلدك يا لبيب العقل غير اظفورها
حنا ادروعك يا ولد فارس على كل الامور=شيباننا قدام لا تاصلك جتك ابزورها
الله يجملنا معك و يجملك في كل دور= و الله يعز المملكه و يعز حامي سورها
فراج ابو لسان=
و حنا كان كل(ن) قام يفخر و الفخر ما عاب=صواريم الحرار اللي امعربة(ن)مناسبها
يا عنك ان لي بني عم و يا عنك ان لي احداد احراب=اسبيع اللي من اعلوم الوفا تدسم شواربها
اهل ناقه و اهل غرسه و اهل فرسه و نطح اوجاب=و اهل مثلوثة(ن)كل القبايل تستدل ابها
عطايانا يوم ان الناس يعطون الفلوس ارقاب=ارقاب(ن) خضر لله ثم للأجواد نوهبها
التعديل الأخير تم بواسطة فراج ابو لسان ; 03 - 03 - 2008 الساعة 00:32
سبب آخر: تنسيق
أخي الكريم الشاعر / فراج أبو لسان السلام عليكم ورحمة الله وبركاته وبعد : صح لسانك وسلم نبضك وبنانك على هذه القصيدة الجزلة في شاعر الوطن والثقلين / ناصر بن محمد بن فارس الفراعنة والجزل ما يأتي منه إلا الجزل والبيرق سعودي سبيعي إن شاء الله مع أطيب الأمنيات واسلم وسلم والسلام .
حنا هل التوحيد و رجال الادب عبر العصور
لو ما تزاورنا كبيرات المهام انزورها
اي و الله اسعودي و له سطوه و له هيبة حضور
شاعر مضر و امضى سلايلها و نمر انمورها
غير متصل
