صوت وصدى

[فتى رمـاح]

فالح السبيعي
ذعار العتيبي

صح الله السنتكم


ولاهنت يابو بندر

[راعي مرات]

المشاركة الأصلية كتبت بواسطة فـــالح السبيعي

مراسله مع الأخ الشاعر/ذعار بن محمد الدعجاني

المشرف العام على منتديات المطلاع

ياذعار قلبي على المطلاع تواقي=وعذب الضماير لها عامين مشتاقه
شوقي لدار الشيوخ يحرك أشواقي=ويحمل القلب حملٍ ما معه طاقه
البارحه وسط عين الذيب براقي=برقٍ لمع بالعيون ولاح براقه
على ديار لها في القلب ميثاقي=ميثاقها قبل عهد الجرح وأشواقه
لها زمانين ما دارت بها ساقي=وعمري عليها مغير يقلب أوراقه
قام يتوجد عليها كل خفاقي=وصارت بوسط الخفوق العذب خفاقه
للمهره اللي بقايا حبها باقي=حبٍ فرقها عن الحيران والناقه
ترويضها ما تجيبه هقوة الهاقي=عملاقةٍ جوهريه بنت عملاقه
شقراً نحرها عريض وعوده دقاقي=وفروقها مع بنات الريح سباقه
روضتها لين عدت فحص الأخلاقي=وصارت مع الولف ومن الولف عشاقه

رد الشاعر/ذعار الدعجاني

حي الشعر والشعور أنواع واذواقي = من شاعر ٍ كايد الابيات ماعاقه
صدره من الشوق والتنهيد قد ضاقي = حرٍ يعيقه عن التحليق مسباقه
قلبه هواوي وشوقه يحرق احراقي = باسباب خل جفاه وطول افراقه
مايدري ان الهوى مابعده اعتاقي = يذوق مر الجفا والحلو ماذاقه
قبله رجال ٍ شكت تلعات الاعناقي = وانا بعد قد شكيت العشق واحراقه
دايم رجومه صعيبات على الراقي = تثني عزومه وتتعب فالطلب ساقه
ينقل حمولٍ ثقيله صعب تنطاقي = ويجر صوته لو الايام بواقه
دايم وسلك الغرام ادقاق ورقاقي = لكن رماحه على المشتاق زراقه
ياصاحبي جر صوتك والله الواقي = بكره يجيك الفرج ويبيّن اشراقه
ان كانها تستوي بالمال ينساقي = وان كانها بالتعب نتعب ونستاقه
حدد مسارك ووضح رسم الاوراقي = وانا معك والله اني مااعقب الساقه

أبو بندر


بارك الله فيك


صوت وصدى أروع من رائع


لله دركما فقد أمتعتمونا


صح لسانك ولسان الشاعر ذعار



لاهنت


تحياتي

[فـــالح السبيعي]

المشاركة الأصلية كتبت بواسطة خالد الشماسي

صح لسانك يا ابو بندر


وصح لسان الشاعر/ذعار الدعجاني



صوت وصدى ولا اروع


حيث اجتمعت الجزالة و وروعة المفردات

صح بدنك يابوعمر

أتمنى أن تكون كذلك

وروعتها وجزالتها زادت بمرورك الرااائع

خالص المحبه,,,

[فـــالح السبيعي]

المشاركة الأصلية كتبت بواسطة أبو يزيد

هنا الصوت وهنا الصدى

كل منهما لاتمل سماعه ,تناسق جميل وتناغم فى المفرده واللحن والجزاله لله دركما من شاعرين

فالح السبيعي*****ذعار الدعجاني

صحت السنتكم وقلوبكم ودام لنا هذا النقاء والابداع,,,,

,,

,,

الغالي أبويزيد

صح بدنك وأتمنى أن تكون على مستوى ذااائقتك الراقيه

دمت بخير,,,

[فـــالح السبيعي]

المشاركة الأصلية كتبت بواسطة أبوعبدالله

الشاعر/فالح السبيعي

صحت السنتكم

اعجبت بما قدمتموه لنا

نتمنى لكم التوفيق

صح بدنك يابوعبدالله

وشرفني إعجابك ولك خالص الشكر

[فـــالح السبيعي]

المشاركة الأصلية كتبت بواسطة فراج ابو لسان

صوت و صدى من الدرجه الممتازه


ابو بندر صح لسانك و لسان العتيبي


أستمتعت بحق و لي عوده هنا.....


تحياتي


ابو بندر

أبوبندر

حضور شاعر بحجم شاعريتك الطاغيه

هو الإمتياز والروعه

تشرفت بإعجاب أستاذ الشعر فراج أبولسان وبعودته التي أنتظرها

لك وافر المحبه,,,,

[فـــالح السبيعي]

المشاركة الأصلية كتبت بواسطة عبيد ابو شيبه

اخوي ابو بندر صح السانك

ولسان الدعجاني

العنوان وافق المضمون صوت وصدى

ابداع وحساس صادق غير مصطنع

تقبل مروري


اخوك

الزعفراني

مرحبا بك وصح بدنك يالغالي

تشرفت بهذه الإطلاله

لك وافر المحبه,,,

[فـــالح السبيعي]

المشاركة الأصلية كتبت بواسطة منصور الحري

فالح السبيعي ××× ذعار الدعجاني


صح الله ألسنتكم



صوت وصدى ولا أروع

منصور الحري

صح بدنك وزادت جمالااا بحضورك

لك تقديري الجم,,,

[فـــالح السبيعي]

المشاركة الأصلية كتبت بواسطة شاعر/محاوره

يا سلام على الابداع على التميز

نعم نعم هنا الشعر اللذي نبحث عنه

شاعر محاوره

شكراا لك على هذه الكلمات الجميله

والإبداع والتميز مرورك المفعم بالإعجاب

دمت بمحبه,,,

[فـــالح السبيعي]

المشاركة الأصلية كتبت بواسطة مسعود الحويزي

صوت شاعر رائع ومتميز

وصدى شاعر عذب ومبدع

تحياتي لكم جميعا ً

الشاعر / فالح

الشاعر / ذعار

صحت السنتكم ودام لنا ابداعكم

تقبلوا مروري المتواضع

تحياتي

صح بدنك يابوفهد

وشرفني إعجابك ياشاعر يامتميز

لك خالص تقديري,,,,