الى كل غالي

[سلطان بن سعود]

هذي ابيات اهديها الى كل صديق غالي :

سلام الله على حر شهر في عالي المرقاب * ليا ضاقت عليه الارض رقى يم السماء ولجي

سلام خاص من عبر الفضا وعبر الهوا الهباب * ليا هبت ذعاذيع الهوى بكل صوب وفجي

سلام للصديق اللي معي وافي مهو كذاب * صفي القلب ما يبحث عن الزلات محتجي

أنا افرح به ليا من جا يزور وثم دق الباب * على نار بعيد هناك عن الصجات واللجي

فناجيل شقر في لونها وطعمها جذاب * قهوة من شربها عن همومه كلها سجي

وترى فرقى العزيز اللي تحبه تجرح الاعصاب *وحتى القلب من بين الضلوع يصير منشجي

ولاني بسمع الواشي وكلام يفرق الاحباب * هذا مثل الرمادة لاخذت راحت مع العجي

وترى خوة هل النمة تزيد من الجروح اعطاب * صداقة كنها ملح اجاج امجها مجي

[س ب ع 777]

صح لسااااااااااااااانك وبيض الله وجهك وبارك الله فيك قصيده جزله من شاعر جزل

[ماجد الشماسي]

صح لسانك